Isaías 53:1 - DIOSPA QHELQACHISQ

¹ Pitaj willasqaykuta jap'ikorqari? Pimantaj Tata Dios atiyninta rikucherqari?

Qheshwa Biblia DC

¹ Mana pipis creenchu kay willasqaykutaqa; manallataj pipis Señorpa atiynintaqa repararqachu.

DIOSPA QHELQACHISQAN DEUTEROCANONICAL

¹ Pitaj willasqaykuta jap'ikorqari? Pimantaj Tata Dios atiyninta rikucherqari?

Isaías 53:1 ပူးပေါင်းရင်းမြစ်များ

Isaías 40:5

Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Isaías 51:9

Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 59:16

Chaypacha Tata Dios t'ukorqa mana ujllapis ñak'arichisqa runata yanaparej kasqanmanta. Chayrayku pay kikin atiyninwan paykunata kacharicherqa, justiciantaj payta sumajta sayacherqa.

Isaías 62:8

Tata Dios paña makinta oqharispa, tilorqa: Manaña jayk'ajpis awqaykikunaman trigoykita mikhunankupaj qosajchu, nitaj waj llajtayojkunapis vinota ruwasqaykimanta ujyanqankuchu, mayqentachus sinch'ita kallpakuspa ruwarqanki, chayta.

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

San Mateo 16:17

Chaymanta Jesús nerqa: Kusikuyniyojmin kanki Simón, Jonaspa churin. Chaytaqa mana runachu sut'inchasunki, manachayrí, janaj pachapi kashaj Tata Diosniy chayta sut'inchasunki.

San Lucas 18:31

Jesús chunka iskayniyoj kuraj kachankunata wajnejman pusaspa, paykunata nerqa: Kunanqa Jerusalenman rishanchej, chaypi Runaj Churinmanta imatachus Diosmanta ñawpa sut'inchajkunaj qhelqasqanku, chay tukuy junt'akunanpaj.

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

San Juan 1:7

Payqa chay k'anchaymanta runakunaman willananpaj testigo jina jamorqa, paypa nisqannejta tukuy runakuna chay k'anchayta jap'ikunankupaj.

San Juan 12:38

Chay karqa Diosmanta sut'inchaj Isaiaspa nisqanman jina. Pay nisqa: Tukuyta Kamachej Dios, pitaj willasqaykuta jap'ikorqari? Pimantaj Tata Dios atiyninta rikucherqari? nispa.

1 Corintios 1:18

Wakinkuna yuyanku Cristo cruzpi wañusqanmanta willanaqa mana yuyayniyoj runaj thawtisqan kasqanta. Chaykunarí mana qhespichisqachu kanqanku. Chaywanpis noqanchej qhespichisqa kajkunapaj chay willayqa Diospa atiynin.

1 Corintios 1:24

Diospa wajyasqankunapajrí, judiokunapis, mana judío kajkunapis kachunku, Diosqa Cristonejta yachayta qon atiyniyoj kasqanta, chantá jatun yachayniyoj kasqanta ima.