Isaías 52:9 - DIOSPA QHELQACHISQ

⁹ Jerusalén llajtaj laqayan, jatunmanta may kusiywan qhapariychej, imaraykuchus Tata Dios ayllunmanta khuyakun, jinataj Jerusalén llajtata kacharichin.

Qheshwa Biblia DC

⁹ Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

DIOSPA QHELQACHISQAN DEUTEROCANONICAL

⁹ Jerusalén llajtaj laqayan, jatunmanta may kusiywan qhapariychej, imaraykuchus Tata Dios ayllunmanta khuyakun, jinataj Jerusalén llajtata kacharichin.

Isaías 52:9 ပူးပေါင်းရင်းမြစ်များ

Salmos 102:22

22 (23) Chaypacha tukuy suyumanta runa tantakuspa, Tata Diosta yupaychanku.

Salmos 98:4

Tukuy kay pachapi kaj runakuna, Tata Diosman kusisqa takirikuychej. Tukuy sonqo kusiymanta t'ajllarikuspa, payman takiychej.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Isaías 14:7

Kunantajrí tukuy kay pachapi runakuna allinta kawsakuspa samarikushanku, kusiywantaj takishanku.

Isaías 40:1

Qankunaj Diosniykichej nin: Sonqochaykuychej, Israel aylluyta sonqochaykuychej.

Isaías 43:1

Jacobpa miraynin Israel, pichus qanta ruwasorqa, chay Tata Dios nisunki: Ama manchachikuychu, imaraykuchus noqa pagaspa, qanta kacharicherqayki. Noqa sutiykimanta wajyarqayki, qantaj noqajta kanki.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 44:26

Chaywanpis kamachiykunaj nisqanku junt'akunanta ruwani, jinallataj kachasqay runakunaj yuyasqankupis. Paykunanejta Jerusalenman nini: Kay cheqapi runakuna watej tiyakonqanku, nispa. Nillanitaj: Judá suyupi llajtakunapis watej ruwasqa kanqanku, nispa. Kamachillanitaj laqayakunapis watej sayarichisqa kanankuta.

Isaías 48:20

Chaywanpis kunan Babiloniamanta llojsiychej, caldeokunamantataj ayqekuychej. Kay imakunamanta kusiywan willamuychej, kay pachaj k'uchunkamataj uyarichiychej. Chaypacha niychej: Tata Dios pagota qospa kamachin Jacobta kacharichin, nispa.

Isaías 49:13

Janaj, kusiywan takiy ari, kay pachapis, mayta kusikuy. Qankunapis orqokuna, kusiywan qhapariychej, imaraykuchus Tata Dios ayllunta sonqochan, ñak'arichisqa kajkunamantataj khuyakun.

Isaías 51:12

Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 55:12

Qankunaqa kusisqa Babiloniamanta jaqaymanta llojsimunkichej, sonqo junt'asqataj kay jallp'aykichejman kutimpunkichej. Orqokuna, lomakunapis ñawpaqeykichejta maytapuni takirenqanku. Campopi tukuy sach'akunapis mayta t'ajllarikonqanku.

Isaías 61:4

Paykuna urmasqa ñawpa wasikunata sayarichenqanku, ch'in thuñisqa laqayakunata watej ruwanqanku. Thuñisqa llajtakunatapis sayarichillanqankutaj. Unay wataña thuñisqa chantá saqesqapis kachun, watej sayarichisqa kanqa.

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Miqueas 4:10

Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

Gálatas 4:27

Diospa Qhelqachisqanpi nin: Kusikuy, mana wawata rejsej warmi. Jatunmanta qhaparispa kusikuy, onqokoj warmej nanayninta mana rejsej, imaraykuchus saqerpayasqa warmeqa aswan ashkha wawayoj qosayoj warmimanta nisqaqa, nispa.