Isaías 52:7 - DIOSPA QHELQACHISQ

⁷ Pichus orqo patanta jamuspa sumaj willaykunata apamojta rikunaqa may kusiymin. Payqa allin kawsaymanta, qhespichisqa kaymanta ima sumaj willaykunata apamushan, Sionmantaj nin: Diosniykeqa kamachishanña, nispa.

Qheshwa Biblia DC

⁷ May kusiypuni orqo puntaspi sumaj kusiy willaykunata apamojpa chakisnenqa; sonqo tiyakuyta willajpata, allin kajmanta sumaj willaykunata apamojpata. Jinallataj salvacionta willajpata. Sión llajtamampis Diosniykeqa kamachishan, nejpata.

DIOSPA QHELQACHISQAN DEUTEROCANONICAL

⁷ Pichus orqo patanta jamuspa sumaj willaykunata apamojta rikunaqa may kusiymin. Payqa allin kawsaymanta, qhespichisqa kaymanta ima sumaj willaykunata apamushan, Sionmantaj nin: Diosniykeqa kamachishanña, nispa.

Isaías 52:7 ပူးပေါင်းရင်းမြစ်များ

Salmos 59:13

13 (14) Phiñakuyniykiwan paykunata chinkachiy, amañataj kawsachunkuchu. Chay jinapi tukuy yachanqanku qan Dios Jacobpa ayllunpi kamachisqaykita.

Salmos 68:11

11 (12) Tukuyta Kamachej Dios ujta parlarqa, ashkha warmitaj chay sumaj willaykunata willarqanku:

Salmos 93:1

Tata Diosníy, qanmin Kuraj Kamachejniyku kanki. Qanqa jatun kayniykiwan p'achallikunki, atiyniykiwantaj chumpiykukunki. Tata Dios, qanmin kay pachata sinch'ita sayacherqanki, manataj jayk'ajpis kuyurenqachu.

Salmos 96:10

Tukuy suyumanta runakunaman niychej: Tata Diosqa Kuraj Kamachejmin. Paymin kay pachata sinch'ita sayacherqa, mana kuyunanpaj jina. Payllataj tukuy runata kamachin mana uyankuta qhawarispalla, nispa.

Salmos 97:1

Tata Diosqa Kuraj Kamachejmin. Tukuy kay pacha kusikuchun. Mama qocha chawpipi churukunapis kusikuchunku.

Salmos 98:2

Tata Diosqa atipasqanmanta willarqa, justiciata ruwaj kasqantataj tukuy runaman rikucherqa.

Salmos 98:3

Payqa Israel ayllunrayku khuyakuyninta, cheqa kaynintawan ima mana qonqarqachu. Tukuy kay pachapi runakunaqa Diosninchejpa atipasqanta rikorqanku.

Salmos 99:1

Tata Diosqa Kuraj Kamachej. Tukuy runataj kharkatichunku, imaraykuchus paypa kamachinan tiyanaqa querubinkunaj chawpinkupi kashan. Kay pacha kharkatitichun.

TAKIYKUNA 2:8

Munasqayqa jamushanña, parlasqanta uyarishaniña. Payqa orqo patata, loma patatataj phinkirispa, jamushan.

Isaías 24:23

Jerusalenpi, jinataj Sión orqopi Tukuy Atiyniyoj Tata Dios kamachiyta qallarejtin, intiwan, killawan p'enqakuspa laqhayaykonqanku. Chay llajtamanta kurajkunataj Tata Diospa jatun kayninpa lliphipiyninta rikonqanku.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 40:9

Sión llajta, sumaj willaykunata apamoj, orqo pataman wichariy. Jerusalenman sumaj willaykunata apamoj, mana manchachikuspa, jatunmanta qhapariy. Judá suyupi llajtakunaman chay jinata willay: Diosniykichej chayamushanña, nispa.

Isaías 41:27

Noqarí ñawpajtaña Sión llajtaman nerqani: Qhawariychej, yanapasojniykichej kaypiña, nispa. Jerusalenmantaj uj kachata sumaj willaykunawan kacharqani.

Isaías 42:11

Ch'innejpi llajtakuna, jatunmanta takiychej, Cedarpi ranchokuna ima. Selapi tiyakojkunapis, kusiywan takirikuychej. Tukuy orqo patamanta may kusiywan qhaparimuychej.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

Nahúm 1:15

15 (2.1) Qhawaychej, orqo patanejta chaski jamushanña. Payqa allin willaykunata apamushan, kusiy kawsaymanta willaykunata. Judá, Diospaj yupaychana raymita ruway, imaraykuchus manaña jayk'ajpis sajra runakuna suyuykichejman junt'aykamonqankuchu. Astawanpis tukuyninku wañuchisqa kanqanku.

Nahúm 2:1

1 (2) Nínive llajta, chinkachisojqa contraykipi jamushanña. Chayrayku sumaj jark'achasqa perqakuna pataman soldadoykikunata churay. Ñanta allinta qhaway. Mat'ita espadaykitapis wataykukuy, Tukuy soldadoykikunata tantaykuy.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

Marcos 13:10

Noqamanta sumaj willayqa ñawpajta tukuy imaymana runaman willasqa kanan tiyan, manaraj kay pacha tukukushajtin.

Marcos 16:15

Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

San Lucas 2:10

Chantá ángel paykunata nerqa: Ama mancharikuychejchu, imaraykuchus noqaqa sumaj willayta apamuykichej, chaytaj tukuy runapaj may kusiy kanqa.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

Efesios 6:15

Chantá Dioswan allinyachej Jesusmanta sumaj willayta willanapaj wakichisqa kanata, juk'utata jina churakuychej.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 14:6

Chaymanta waj angeltañataj chawpi janajpi phawashajta rikorqani. Chay angelqa wiñaypaj valorniyoj sumaj willayta apasharqa, kay pachapi tukuy runaman, tukuy suyupi, tukuy imaymana rijch'aj runaman, aylluman, chantá tukuy imaymana parlayta parlajkunaman ima willananpaj.