Isaías 52:3 - DIOSPA QHELQACHISQ

³ Tata Dios nin: Mana ima pagotapis jap'erqanichu vendesusqaykichejmanta, kunanpis manallataj ima pagotapis qosajchu kacharisunaykichejpaj, nispa.

Qheshwa Biblia DC

³ Señorqa nin: Qankunaqa mana qolqellapi vendesqas karqankichej, chayrayku mana qolqellawantaj kacharichisqas kankichej.

DIOSPA QHELQACHISQAN DEUTEROCANONICAL

³ Tata Dios nin: Mana ima pagotapis jap'erqanichu vendesusqaykichejmanta, kunanpis manallataj ima pagotapis qosajchu kacharisunaykichejpaj, nispa.

Isaías 52:3 ပူးပေါင်းရင်းမြစ်များ

Salmos 44:12

12 (13) Aylluykitaqa chhalarparerqanki, vendespataj, mana ni imatapis ganarqankichu.

Salmos 44:13

13 (14) Qanqa muyuyniykupi kajkunaj ñawpaqenkupi p'enqaypi rikhurichiwayku, chay suyukunapi tiyakojkunataj asipayawayku, pisipajtaj qhawawayku.

Isaías 1:27

Cheqan ruway justiciawan Sión llajtata kacharichisaj, jinallataj Jerusalenpi tiyakojkunamanta pikunachus noqaman kutirikamojkunatapis qhespichisaj.

Isaías 45:13

Noqaqa Cirota churasaj kamachisqayta junt'ananpaj, may ñantachus purinantapis noqa pusasaj. Paymin llajtayta watej sayarichenqa. Pikunachus mana munashajta waj suyuman apasqa kashanku, chaykunatapis kacharichipuwanqa mana t'inkaraykuchu, nispa. Noqa Tukuy Atiyniyoj Tata Dios ajinata nini.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Isaías 62:12

Chaypacha israelitakunata sutichanqanku: “Tata Diospaj T'aqasqa Ayllu”, “Tata Dios Pagaspa Kacharichisqan Kajkuna”, nispa. Jerusalentataj sutichanqanku: “May Munasqa Llajta”, “Mana Saqerpayasqa Llajta”, nispa.

Isaías 63:4

Awqaykunamanta vengakunay p'unchay chayamunña, preciota pagaspa kacharichinay p'unchayqa kaypiña.

Jeremías 15:13

Israel, tukuy juchaykiraykumin awqaykej makinman jaywaykusaj tukuy qolqeykita, valorniyoj kapuyniykita, tukuy imachus jallp'aykipi kajtawan ima. Tukuyninta paykuna apakapunankupaj jaywaykusaj.

Ezequiel 16:31

Ñan qallariypi lantikunapaj yupaychana cheqata ruwarqanki, tukuy plazakunapitaj altarkunata ruwakorqanki. Chaywanpis qanqa mana phisu warmi jinachu ruwarqanki, imaraykuchus mana pimantapis pagachikorqankichu.

Ezequiel 34:27

Sach'akuna sumajta poqonqanku, jallp'ataj tukuy imata sumajta poqochenqa. Jinallataj ovejaykunapis kikin jallp'ankupi mana imamanta manchachikuspa kawsanqanku. Maypachachus noqa aylluyta kacharichisaj, pikunachus paykunata ñak'arichejkunaj makinkumanta chaypacha, paykuna yachanqanku noqa Tata Dios kasqayta.

Levítico 25:54

Sichus chay watapi mana pipis pagaspa israelita masinta kacharichinchu chayqa, Kacharipuna watallapiña chay runa wawankunawan khuska llojsiponqa.

1 Pedro 1:18

Yachankichej jina, Diosqa chay qhasi manakaj kawsaymanta ashkha preciota pagaspa kacharichisorqachej, mayqen kawsaytachus tataykichejkunamanta yachakorqankichej, chaymanta. Chay pagasqan precio mana qorichu, nitaj qolqechu karqa, imaraykuchus chaykunaqa tukukapojllamin.