Isaías 52:2 - DIOSPA QHELQACHISQ

² Jerusalén llajta, jatariy, p'achaykimanta jallp'ata thalarakuytawantaj, kamachinayki tiyanapi tiyaykuy. Presochasqa sipas jina Sión, kunkaykipi cadenawan watasusqankuta phaskarakuy.

Qheshwa Biblia DC

² Jerusalén, sayarikuspa, chay p'achaykimanta jallp'ata thalarakuspa tiyaykukuy; Sión presochasqa sipas, chay kunkaypi yugota watasusqankuta phaskarakuy.

DIOSPA QHELQACHISQAN DEUTEROCANONICAL

² Jerusalén llajta, jatariy, p'achaykimanta jallp'ata thalarakuytawantaj, kamachinayki tiyanapi tiyaykuy. Presochasqa sipas jina Sión, kunkaykipi cadenawan watasusqankuta phaskarakuy.

Isaías 52:2 ပူးပေါင်းရင်းမြစ်များ

Isaías 10:27

Chaypacha wasaykiman llasa q'epi churasusqankuta qhechusaj, jinallataj yugota churasusqankutapis p'akisaj, nispa.

Isaías 14:25

Asiriokunataqa suyuypi chinkachisaj, orqoypitaj paykunata sarurasaj. Aylluyta kacharichisaj paykuna yugota churasqankumanta, aylluypa wasankumantataj paykunaj churasqanku q'epita phaskarasaj.

Isaías 29:4

Chantá k'umuykuchisqa kaspa, ukhu pachamanta parlamunki, parlasqaykitaj ñut'u jallp'a ukhumanta uyarikonqa. Parlasqaykeqa almaj parlasqan jina kanqa, jallp'a ukhumantataj chhichimonqa.

Isaías 3:26

Llajtapi kaj chhika runakuna mayta waqanqanku, llakiy p'achatataj churakonqanku. Chay llajtataj saqerpayasqa qhepakonqa, imaynatachus alqochasqa warmi pampapi k'umuykusqa qhepakun, ajina.

Isaías 49:21

Qantaj sonqoykipi ninki: Pitaj kay chhika wawakunata qowarqari? Noqajtaqa manapuni churiykuna karqachu, nitaj wawayoj kayta aterqanichu. Noqa karuman apachisqa, wijch'usqataj karqani. Pitaj kaykunata uywanman karqari? Noqataqa sapayta saqerpariwarqanku. Kaykunarí maypitaj karqankuri? nispa.

Isaías 51:14

Carcelpi ñak'arichisqa kajqa usqhayllata kacharichisqa kanqa. Mana carcelpi wañonqachu, nillataj yarqhaymantapis ch'ayñanqachu.

Isaías 51:23

Noqatajrí chay copata ñak'arichisojkunamanñataj qosaj, pikunachus nisoj kanku: Pampaman siriykuy, pataykita purinaykupaj, nispa, chaykunaman. Qanqa paykunata kasuspa, pampaman sirerqanki, paykunataj pataykita ñanta jina purerqanku, nispa.

Isaías 60:1

Jerusalén, sayarispa lliphipiriy, imaraykuchus k'anchayniyki chayamunña, Tata Diospa jatun kayninpa lliphipiynintaj pataykipi k'anchashan.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Isaías 9:4

4 (3) Qanqa paykunata yugoman watasqa jina ñak'ariymanta kacharichinki. Jinallataj llasa q'epita wasankumanta q'epirachinki, chantá sinch'i llakiypi jarap'asqa kasqankumanta ima. Jinataj kamachinanku varatapis p'akillankitaj, imaynatachus Madianwan ruwarqanki, ajinata.

Jeremías 51:45

Aylluymanta kajkuna, Babiloniamanta llojsimpuychej, sapa ujtaj kawsayninta noqa Tata Diospa sinch'i phiñakuyniymanta librachun.

Jeremías 51:50

Qankuna wañuchisqa kanamanta llusp'ejkuna, mana sayarispa, ayqekuychej. Karupi kashaspapis, Tata Diosmanta yuyarikuychej, jinallataj Jerusalenmantapis.

Jeremías 51:6

Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.

Ezequiel 34:27

Sach'akuna sumajta poqonqanku, jallp'ataj tukuy imata sumajta poqochenqa. Jinallataj ovejaykunapis kikin jallp'ankupi mana imamanta manchachikuspa kawsanqanku. Maypachachus noqa aylluyta kacharichisaj, pikunachus paykunata ñak'arichejkunaj makinkumanta chaypacha, paykuna yachanqanku noqa Tata Dios kasqayta.

Zacarías 2:6

6 (10) Tata Dios nillantaj: Noqamin qankunata tukuynejman ch'eqeracherqaykichej. Kunantajrí niykichej: Wichaynej suyumanta usqhayta llojsimuychej.

Zacarías 2:7

7 (11) Qankuna ñawpajta Sionpi tiyakojkuna, maymanchus apasqa karqankichej, chay Babiloniamanta ayqeychej. Noqa Tata Diosmin chayta niykichej, nispa.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

San Lucas 4:18

Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

Apocalipsis 18:4

Chaymantá janaj pachamanta wajpa parlamusqantañataj uyarerqani: Noqajta kajkuna, chay llajtamanta llojsimuychej. Ama chay llajtaj juchallisqanwan chhapukuychejchu, ama paywan khuska jasut'isqa kanaykichejpaj.