Isaías 52:1 - DIOSPA QHELQACHISQ

¹ Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Qheshwa Biblia DC

¹ Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

DIOSPA QHELQACHISQAN DEUTEROCANONICAL

¹ Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Isaías 52:1 ပူးပေါင်းရင်းမြစ်များ

1 Crónicas 16:29

Tata Diosman may yupaychana sutinmanta jatunchaychej. Paypa ñawpaqenman jaywanaykichejwan jamuychej. K'achitu lliphipirishaj wasinpi Tata Diosta yupaychaychej.

Nehemías 11:1

Chaypacha kamachejkunaqa Jerusalén llajtapi tiyakorqanku. Chay waj runakunataj suerteta choqarqanku, sapa chunka ayllukunamanta ujnin kaj ayllu Diospaj t'aqasqa Jerusalén llajtapi tiyakapunankupaj. Chay jisq'on puchoj ayllukunarí waj llajtitakunapi tiyakapunanku karqa.

Salmos 110:3

Maqanakoj llojsinayki p'unchayta soldadoykikunaqa sonqomanta munaspa, qanwan khuska maqanakonqanku qanpaj t'aqakusqayki orqopi. Inti llojsimuyta kallpaykeqa chhullawan jina mosojyachisqa kanqa.

Éxodo 28:2

Wawqeyki Aaronpajqa Diospaj t'aqasqa sacerdotepaj jina, sumaj p'achata ruwapunki, ima munay, manchay k'achitu rikukunanpaj.

Éxodo 28:40

Aaronpa churinkunapajqa sumaj p'achata, chumpita, ch'ulutawan ruwapunki, sacerdote jina p'achallikunankupaj, chantá ima munay, manchay k'achitu rikukunanpaj.

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Isaías 1:26

Ñawpajta jina sumaj juezkunata churapusqayki, jinallataj yuyaychasojkunapis qallariypi jina kapusonqanku. Chaymantataj Jerusalenta sutichanqanku: Cheqan Justiciata Ruwaj Llajta, nispa, jinallataj: Tata Diosman K'askasqa Llajta, nispa.

Isaías 26:2

Kunantaj chay llajtaj punkunkunata kichariychej, chayninta cheqan runakuna yaykunankupaj, pikunachus Diosta mana wasanchankuchu, chaykuna.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Isaías 4:3

Pikunachus Sionpi qhepakojkuna, chantá Jerusalén llajtapi tiyakushankuraj chaykuna “Diospaj t'aqasqa”, nispa sutichasqa kanqanku.

Isaías 48:2

Qankuna ninkichej: Diospa llajtanmanta kayku, nispa, chantá nillankichejtaj Israelpa Diosninpi atinikusqaykichejta. Chay Diospa sutenqa Tukuy Atiyniyoj Tata Diosmin.

Isaías 49:18

Umaykita oqharispa, muyuyniykita qhawariy. Chay wawaykikunaqa tukuynejmanta tantaykukuspa, jamonqanku, nispa. Tata Dios nillantaj: Noqa kawsayniyrayku tiluni: Wawaykikunawan novia p'achawan jina sumajta p'achallikunki, chaykunawantaj sumaj k'achanchasqa kanki.

Isaías 51:17

Jerusalén llajta, rijch'ariy, rijch'arikuy, sayarikuytaj. Qanqa Tata Diospa k'araj phiñakuyninwan junt'a kashan, chay copata makinmanta jap'ispa, ujyarqanki. Qan machanaykikama phiñakuynin copamanta qonchuntinta ujyaykorqanki.

Isaías 51:9

Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Isaías 60:1

Jerusalén, sayarispa lliphipiriy, imaraykuchus k'anchayniyki chayamunña, Tata Diospa jatun kayninpa lliphipiynintaj pataykipi k'anchashan.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Isaías 64:10

Ajllakusqayki llajtakunaqa chay jina ch'inpachaman tukunku. Sión llajtaqa ch'inpacha, Jerusalenpis laqayalla.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

Ezequiel 44:9

Chayrayku noqa Tukuyta Kamachej Tata Dios kay jinata nini: Israel ayllu ukhupi tiyakunku, chay waj llajtayoj runakunamanta mayqenchus sonqonpi, aychanpipis mana circuncidasqa kajqa manapuni Temployman yaykonqachu.

Daniel (hebreo) 10:9

Chay runata parlajta uyarispataj, yuyayniy chinkawasqanrayku pampaman choqakorqani.

Joel 3:17

17 (4.17) Chaypacha qankuna yachankichej, noqa Tata Diosniykichej t'aqakusqay Sión orqopi tiyakusqayta. Jerusalenqa noqapaj t'aqakusqay llajta kanqa, manañataj jayk'ajpis waj llajtayojkuna jap'enqankuchu.

Nahúm 1:15

15 (2.1) Qhawaychej, orqo patanejta chaski jamushanña. Payqa allin willaykunata apamushan, kusiy kawsaymanta willaykunata. Judá, Diospaj yupaychana raymita ruway, imaraykuchus manaña jayk'ajpis sajra runakuna suyuykichejman junt'aykamonqankuchu. Astawanpis tukuyninku wañuchisqa kanqanku.

Hageo 2:4

Chaywanpis Zorobabel, kunan kallpachakuy ari. Jinallataj qanpis, Josadacpa churin kuraj kaj sacerdote Josué, kallpachakullaytaj. Kay jallp'api tiyakojkuna, qankunapis kallpachakullaychejtaj. Temployta ruwayta qallariychejpacha, imaraykuchus noqa qankunawan kashani, nispa. Ajinata Tukuy Atiyniyoj Tata Dios nisunkichej.

Zacarías 3:4

Chayrayku chay ángel yanapajninkunata kamacherqa: Josuéj ch'ichi p'achanta lluch'uychej, nispa. Chantá Josueman kutirispa, chay ángel nerqa: Qhawariy, chay niyta munan juchayki pampachasqaña kasqanta. Kunantaj kamachisaj llimphu mosoj p'achawanñataj p'achallichisunankuta, nispa.

San Mateo 4:5

Chaymanta, Kuraj Supayqa Diospaj t'aqasqa Jerusalén llajtamanñataj Jesusta pusarqa, Templo patapi sayaykuchispataj, nerqa:

San Lucas 15:22

Tatanrí uywaqenkunata kamachisqa: Usqhayllata aswan sumaj p'achata orqhomuspa, kay wawayta p'achallichiychej. Anillotapis makinman churaychej, mosoj juk'utatapis chakinman.

Romanos 13:14

Aswanpis Tukuyta Kamachej Jesucristo imaynachus kasqanwan p'achawan jina p'achallikuychej, amataj yuyaychejchu juchallinaman aysaj sonqoykichejpa munayninta ruwayta.

Romanos 3:22

Diosqa runata cheqanpaj qhawawanchej Jesucristopi atinikusqanchejrayku. Paytaj chayta ruwan Jesuspi tukuy atinikojkunawan, imaraykuchus Diosqa runata mana qhawaranchu.

Efesios 4:24

Jinataj Diosman rijch'akoj ruwasqa, chay mosoj runa kaywan p'achawan jina p'achallikuychej. Chay mosoj runaqa cheqanta ruwaspa purinapi, chantá cheqa kajman jina llimphu kawsanapi rikuchikun.

Efesios 5:14

Chayrayku ninku: Puñushasqaykimanta rijch'ariy, wañusqakuna ukhumantataj sayariy, Cristotaj k'anchaykusonqa, nispa.

Efesios 6:10

Kunanqa kaytawan niykichej: Munasqa wawqe panakuna, Tukuyta Kamachej Jesuspa jatun atiyninwan kallpachakuyta mask'aychej.

Apocalipsis 11:2

Temploj jawanpi kaj patiotarí ama midinkichu, imaraykuchus chay patiota qoni noqata mana qhatiwajkunaman, paykunataj noqapaj ajllakusqay llajtata kinsa wata khuskanniyojta saronqanku.

Apocalipsis 19:14

Chantá janaj pachamanta soldadokunaqa paypa qhepanta yuraj caballokunapi risharqanku, linomanta sumaj awasqa yuraj llimphu p'achawan p'achallisqa.

Apocalipsis 19:8

Chay sipasman Dios atiyta qorqa yuraj lliphipej sumaj awasqa linomanta p'achawan p'achallikunanpaj. Linomanta sumaj awasqa telaqa ninakun Diospa ajllakusqankunaj cheqan ruwasqankuwan, nispa.

Apocalipsis 21:2

Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.