Isaías 51:9 - DIOSPA QHELQACHISQ

⁹ Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Qheshwa Biblia DC

⁹ Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

DIOSPA QHELQACHISQAN DEUTEROCANONICAL

⁹ Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Isaías 51:9 ပူးပေါင်းရင်းမြစ်များ

Job 26:12

Payqa mama qochata atiyninwan kuyuchin, mama qochapi Rajab nisqa sierpetapis yachayninwan atipan.

Job 9:13

Sichus Dios phiñakun chayqa, phiñakuynin mana usqhayta tiyaykuyta atinchu. Chakin urapi k'umuykuchisqa kanqanku, pikunachus Rajabta yanapajkuna.

Salmos 21:13

13 (14) Tata Dios, atiyniykita may jinata jatunchay, noqaykutaj atipasqaykimanta takispa, yupaychasqayku.

Salmos 44:1

1 (2) Diosníy, noqayku uyarerqayku, tataykupis willallawarqaykutaj, unay paykuna kawsashajtinku, t'ukunata ruwasqaykimanta.

Salmos 44:2

2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

Salmos 44:23

23 (24) Tukuyta Kamachej Diosníy, rijch'ariy ari, imaraykutaj puñushallankipuniri? Rijch'ariy ari. Ama wiñaypajqa qhesachawaykuchu.

Salmos 44:24

24 (25) Imaraykutaj noqaykumanta pakakunkiri? Imaraykutaj ñak'arichisqa, chantá sarusqa kasqaykumanta qonqapunkiri?

Salmos 59:4

4 (5) Mana ima mana allin kajtapis ruwarqanichu. Chaywanpis awqaykuna wañuchinawankupaj usqhayllata wakichikunku. Rijch'ariy, yanapariwaj jamuy, imaynachus kashasqayta rikuway.

Salmos 7:6

6 (7) Tata Dios, sayariy, manchayta phiñakuspataj, awqaykunaj k'arajta phiñakusqankuman sayaykuy. Qanqa justiciata ruwanaykita nerqanki, kunantaj noqaman sayasqa kay ari.

Salmos 77:5

5 (6) Pasaj p'unchaykunamanta yuyarikuni, ñawpa watakunamantapis yuyarikullanitaj.

Salmos 78:65

Chantá puñusqanmanta jina Tukuyta Kamachej Dios rijch'arerqa, imaynatachus maqanakoj runa vinowan machaykuspa qhaparin, ajinata qhaparispa.

Salmos 87:4

Rejsiwaj suyukunamanta kaykuna kanku: Egipto, Babilonia, Filistea, Tiro, chantá Etiopiawan ima. Tukuyninku Sión llajtapi rikhurerqanku.

Salmos 89:10

10 (11) Chantá mama qochapi jatun sierpeta chakiykiwan saruspa, wañusqata jina ruwarqanki, awqaykikunatataj makiykej kallpanwan ch'eqeracherqanki.

Salmos 89:11

11 (12) Janajpis, kay pachapis qanpata kanku. Qanmin kay pachata ruwarqanki, tukuy ima chaypi kajtapis.

Salmos 93:1

Tata Diosníy, qanmin Kuraj Kamachejniyku kanki. Qanqa jatun kayniykiwan p'achallikunki, atiyniykiwantaj chumpiykukunki. Tata Dios, qanmin kay pachata sinch'ita sayacherqanki, manataj jayk'ajpis kuyurenqachu.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Isaías 30:7

Cheqamanta Egiptoj yanapaynenqa qhasi manakaj. Chayrayku noqaqa chay suyuta sutichani: Ni imapi yanapaj Rajab, nispa.

Isaías 51:17

Jerusalén llajta, rijch'ariy, rijch'arikuy, sayarikuytaj. Qanqa Tata Diospa k'araj phiñakuyninwan junt'a kashan, chay copata makinmanta jap'ispa, ujyarqanki. Qan machanaykikama phiñakuynin copamanta qonchuntinta ujyaykorqanki.

Isaías 51:5

Justicia ruwanay p'unchay qayllapiña. Kacharichinay p'unchay ñanpiña kashan, atiyniywantaj tukuy suyuta kamachisaj. Mama qocha kantupi tiyakojkunaqa jatun atiyniywan paykunata yanapanayta suyanqanku.

Isaías 52:1

Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 53:1

Pitaj willasqaykuta jap'ikorqari? Pimantaj Tata Dios atiyninta rikucherqari?

Isaías 62:8

Tata Dios paña makinta oqharispa, tilorqa: Manaña jayk'ajpis awqaykikunaman trigoykita mikhunankupaj qosajchu, nitaj waj llajtayojkunapis vinota ruwasqaykimanta ujyanqankuchu, mayqentachus sinch'ita kallpakuspa ruwarqanki, chayta.

Ezequiel 29:3

Faraonman, runankunamanwan niy: Tukuyta Kamachej Tata Dios kay jinata nisunkichej: Egiptota kuraj kamachej faraón, qanqa sierpe jina mayuyki chawpipi winkuspa, nishanki: Nilo mayoqa noqajta, noqa ruwarqani, nispa. Chayrayku noqa Tata Dios contraykipi kashani.

Miqueas 7:15

May t'ukuna imakunata paykunaman rikuchiy, imaynatachus Egiptomanta paykunata orqhomushaspa rikucherqanki, ajinata.

Habacuc 2:19

Ay, imarajchus kanqa qanmanta, imaraykuchus k'ullumanta llajllasqa lantita ninki: Rijch'ariy, nispa. Mana parlayta atej rumitataj ninki: Sayarikuy, nispa. Chaykunaqa imamantapis willasuyta atinkumanchuri? Mana, imaraykuchus, qoriwan chayrí qolqe metalwan lluch'isqa kaspapis, mana kawsayniyojchu kanku.

Habacuc 3:13

Qan aylluykita yanapaj llojsimunki, jinallataj ajllakusqayki kamachejta yanapanki. Millay runaj wasinpa qhatantapis qan phirerqanki, cimientontapis ura k'uchunkama rikhuricherqanki.

Zacarías 10:11

Paykuna Egiptoj mama qochanta chimpanqanku, noqataj yaku oqharikojtapis sayachisaj. Nilo mayutapis ukhukama ch'akichisaj. Jinallataj Asiriaj may runaykachasqanta pampata ruwasaj, Egiptoj atiynintapis chinkachisaj.

Zacarías 2:13

13 (17) Tukuy kay pachapi runakuna Tata Diospa ñawpaqenpi ch'in kachunku, imaraykuchus payqa noqanchejman jamun may llimphupaj qhawasqa cheqamanta, maypichus tiyakun, chaymanta.

San Lucas 1:51

Makinwan Dios atiyninta rikuchin, ch'eqerachintaj runaykachajkunata, churanakojkunata ima.

San Juan 12:38

Chay karqa Diosmanta sut'inchaj Isaiaspa nisqanman jina. Pay nisqa: Tukuyta Kamachej Dios, pitaj willasqaykuta jap'ikorqari? Pimantaj Tata Dios atiyninta rikucherqari? nispa.

Hechos 7:7

Noqatajrí mirayniykita ñak'arichej suyuta jasut'isaj. Qhepamantaj mirayniyki chay suyumanta llojsimuspa, kay cheqapi yupaychawanqanku, nispa.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Apocalipsis 11:17

Nerqankutaj: Tukuyta Kamachej, Tukuy Atiyniyoj Dios, pachis pachis niyku. Qanmin kawsanki, wiñay wiñaymantapachataj kawsallarqankipuni. Kunantaj jatun atiyniykiwan kay pachapi kamachiyta qallarishanki.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Jueces 6:13

Gedeonrí kuticherqa: Ay wiraqochíy, noqaykuwanchus Tata Dios kashan chayqa, imaraykutaj kay tukuy ima qhatirishawaykuri? Maytaj chay t'ukuna imakunata Egiptomanta orqhomushaspa, Tata Dios ruwasqanmanta ñawpa tataykukuna willawasqaykuri? Tata Diosqa madianitakunaj makinman jaywaykuwayku, nispa.