Isaías 51:5 - DIOSPA QHELQACHISQ

⁵ Justicia ruwanay p'unchay qayllapiña. Kacharichinay p'unchay ñanpiña kashan, atiyniywantaj tukuy suyuta kamachisaj. Mama qocha kantupi tiyakojkunaqa jatun atiyniywan paykunata yanapanayta suyanqanku.

Qheshwa Biblia DC

⁵ Qayllallapiña kashan cheqanchayneyqa, salvacionneyqa llojsimunña, runastaqa atiyniywan kamachisaj. Mar qocha cantospi kajkunaqa noqapi suyanku, atiyniypitaj suyanku.

DIOSPA QHELQACHISQAN DEUTEROCANONICAL

⁵ Justicia ruwanay p'unchay qayllapiña. Kacharichinay p'unchay ñanpiña kashan, atiyniywantaj tukuy suyuta kamachisaj. Mama qocha kantupi tiyakojkunaqa jatun atiyniywan paykunata yanapanayta suyanqanku.

Isaías 51:5 ပူးပေါင်းရင်းမြစ်များ

Salmos 110:6

Tukuy suyumanta runakunata juzganqa. Ayankuta qollu qollullata tantanqa, kay pachapitaj tukuy kamachejkunata ch'allpanqa.

Salmos 67:4

4 (5) Tukuy suyumanta runakuna kusisqa qhaparichunku, imaraykuchus qanqa justiciata ruwaspa, runakunata kamachinki. Qanlla kay pachapi suyukunata allinta michinki.

Salmos 85:9

9 (10) Cheqamanta Dios qayllallapi kashan, payta may jatun respetowan qhawajkunata qhespichinanpaj, ajinamanta paypa jatun kayninpa lliphipiynin jallp'anchejpi kakunanpaj.

Salmos 96:13

Tata Diospa ñawpaqenpi kusikuchunku, imaraykuchus pay jamushan. Arí, pay jamushan kay pachata kamachinanpaj. Chaymantataj kay pachapi tukuy runata maychus kajta, cheqa kajwantaj kamachenqa.

Salmos 98:9

Tata Dios kay pachata juzgananpaj jamushan. Payqa kay pachapi runakunata cheqan kajman jina juzganqa, mana pimanpis sayakuspa.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 24:15

Inti llojsimuynejpi jallp'akunapipis Tata Diosta jatunchaychej ari. Israelpa Tata Diosninpa sutinta mama qochaj tukuy kantunpipis pataman oqhariychej.

Isaías 26:4

Wiñaypaj Tata Diosllapipuni atinikuychej, imaraykuchus payllamin wiñaypaj pakakunanchej chhankaqa.

Isaías 33:2

Tata Dios, noqaykumanta khuyarikuwayku ari. Noqaykoqa qanllapi atinikuspa suyakuyku. Qanqa sapa paqarin kallpachawayku ari, llakiy p'unchaypipis kacharichiwajniyku kay.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 40:10

Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

Isaías 42:4

Payqa mana sayk'onqachu, nitaj iskayrayanqachu, tukuy kay pachapi justiciata sayachinankama. Mama qocha patapi suyukunapis imatachus yachachisqanta suyallanqankutaj.

Isaías 46:13

Noqaqa justiciayta qayllachimusaj, manataj karupichu kashan. Qhespichinaypis usqhayta chayamullanqataj. Noqaqa Sionta qhespichisaj, Israelpitaj jatun kayniypa lliphipiynin rikukonqa, nispa.

Isaías 49:1

Mama qocha kantupi kaj llajtakuna, karupi kaj jatun suyukuna ima, uyariwaychej: Manaraj paqarishajtiy, Tata Dios wajyawarqa. Mamaypa wijsanpi kashajtillayraj, pay ajllakuwarqa.

Isaías 54:17

Chaywanpis qanta chinkachinanpaj armata mana pipis ruwayta atenqachu. Pichus contraykita parlajtaqa juezpa ñawpaqenpi ch'inyachillankipuni. Chaykunata kamachiypi kajkunaman qoni, noqataj paykunata qhespichisaj. Ajinata noqa Tata Dios nini.

Isaías 56:1

Tata Dios nin: Justiciata ruwallaychejpuni. Imatapis cheqanta ruwaychej, imaraykuchus kacharichinay p'unchayqa qayllapiña, noqa jamuspataj, justiciata ruwasaj.

Isaías 59:16

Chaypacha Tata Dios t'ukorqa mana ujllapis ñak'arichisqa runata yanaparej kasqanmanta. Chayrayku pay kikin atiyninwan paykunata kacharicherqa, justiciantaj payta sumajta sayacherqa.

Isaías 60:9

Chaykuna karumanta jamoj barcokuna kanku, Tarsismanta jatuchaj barcokunataj ñawpajta jamushanku. Chay barcokuna churiykikunata qolqenkutawan, qorinkutawan khuska apamushanku. Ajinamanta Tata Diosniyki, Israelpa May Llimphu Kaj Diosnin jatunchasqa kanqa, imaraykuchus payqa jatun kayninpa lliphipiyninwan junt'aykuchisunki.

Isaías 62:11

Tata Dios tukuy kay pachapi kajkunaman nin: Sionpa ususinta niychej: Qhawariy, kacharichisojniyki t'inkan aparisqa jamushan, imatachus wakichisqanwan oqharisqa ima, nispa.

Isaías 63:5

Mask'arqani, manataj pipis yanapawaj karqachu. Mayta t'ukorqani mana pipis noqaman sayasqa kasqanmanta. Ajinapi noqalla atiyniywan aylluyta kacharichinaypaj wakichikorqani, jinataj k'araj phiñakuyniywan yanapachikorqani.

Joel 3:12

12 (4.12) Suyukuna maqanakupaj wakichikuchunku, Josafat nisqa vallemantaj richunku. Chaypimin Tata Diosqa Israelpa qayllanpi kaj suyukunata juchachanqa.

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Marcos 16:15

Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

Hechos 17:31

Chayqa ajina, imaraykuchus Dios uj p'unchayta wakichinña, chay p'unchaypitaj cheqa kayninman jina tukuy runata juzganqa kachamusqan runanejta. Diostaj sut'ita yachayta qon pichus chay runa kasqanta, chay runata wañusqamanta kawsarichimuspa, nispa. Ajinata Pabloqa juntapi kajkunaman nerqa.

Romanos 2:16

Chay jinaqa Jesucristomanta sumaj willayta willasqay yachachin Diospa juzganan p'unchay qayllamushasqanta. Chaypachataj Diosqa tukuy runakuna pakaypi ruwasqankuta Jesucristonejta juzganqa.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

Deuteronomio 30:14

Mana jinata ninaykichejpaj kanchu, imajtinchus kamachisqakunaqa qankunawan kashan, simiykichejpi, sonqoykichejpi ima junt'ayta atinaykipaj jina.

1 Samuel 2:10

Tata Diosqa awqankunata phirenqa. Janaj pachamantapacha paykunaj patankuman qhon qhonkunata kachaykamonqa. Tata Dioslla tukuy kay pachata juzganqa. Paypis kuraj kamachejninta kallpachanqa, ajllakusqantataj aswan atiyniyojta ruwanqa, nispa.