Isaías 51:4 - DIOSPA QHELQACHISQ

⁴ Aylluymanta kajkuna, uyariwaychej. Noqa yachachisqayta tukuyman willasaj. Kamachisqayqa tukuy suyupaj k'anchay jina kanqa.

Qheshwa Biblia DC

⁴ Uyariwaychej llajtas, naciones ima. Noqa uj yachachiyta orqhosaj. Chay cheqan yachachiyneyqa tukuy llajtaspaj k'anchay kanqa.

DIOSPA QHELQACHISQAN DEUTEROCANONICAL

⁴ Aylluymanta kajkuna, uyariwaychej. Noqa yachachisqayta tukuyman willasaj. Kamachisqayqa tukuy suyupaj k'anchay jina kanqa.

Isaías 51:4 ပူးပေါင်းရင်းမြစ်များ

Salmos 106:5

Noqaqa ajllakusqaykikuna kusisqa kawsakusqankuta rikuyta munani. Aylluykiwan khuska kusikuyta munani, qanpata kajkunawan khuska jatunchasunaypaj.

Salmos 147:20

Chaywanpis waj suyukunawan mana ajinatachu ruwarqa. Chay suyukunaqa Diospa kamachisqanta mana jayk'aj yacharqankuchu. Tata Diosqa jatunchasqa kachun.

Salmos 33:12

Kusikuyniyoj pi suyojtachus Tata Diosqa Diosnin kajtin. Chay aylluta payqa paypata kananpaj ajllakun.

Salmos 50:7

Dios nin: Israel ayllúy, uyariway, tukuy imata contraykita sut'ita parlasaj. Noqa Tata Diosqa Diosniyki kani.

Salmos 78:1

(1b) Ayllúy, yachachisqayta uyariychej. Ninriykichejta k'askachimuychej, nisqayta uyarinaykichejpaj.

Éxodo 19:6

Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.

Éxodo 33:13

Sichus cheqatapuni khuyarikuspa qhawarinawaykita tarini chayqa, imatachus ruwayta munasqaykita niway ari, noqa qanta munakusunaypaj, jinataj qan noqapi atinikunaykipaj. Amataj qonqaychu kay runakunaqa qanpata wawaykikuna kasqankuta, nispa.

Proverbios 6:23

Cheqamanta kamachisqankoqa jap'ichisqa lámpara jina, yachachiyninkutaj k'anchay jinallataj. K'amiykuna, yuyaychaykuna ima, imaynatachus kawsanaykita rikuchisonqanku.

Isaías 1:27

Cheqan ruway justiciawan Sión llajtata kacharichisaj, jinallataj Jerusalenpi tiyakojkunamanta pikunachus noqaman kutirikamojkunatapis qhespichisaj.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Isaías 26:2

Kunantaj chay llajtaj punkunkunata kichariychej, chayninta cheqan runakuna yaykunankupaj, pikunachus Diosta mana wasanchankuchu, chaykuna.

Isaías 26:8

Noqaykoqa Tata Dios, mana manchachikuspa kashayku, kamachisqayki ñanta rikuchiwasqaykuta purispa. Tukuy sonqo qanllapi yuyayta munayku.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 42:21

Tata Dios cheqan kayninrayku may jatun kamachisqanta jatuncharqa.

Isaías 42:6

Noqa Tata Dios qanta wajyarqayki munayniyman jina cheqan kajta ruwanaykipaj. Makiykimanta jap'isqayki, noqataj waqaychasqayki. Qanta runakunawan trato ruwasqay kanaykipaj churayki, tukuy suyupajtaj k'anchay jina kanaykipaj.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Isaías 63:8

Tata Dios nerqa: Paykunaqa noqaj aylluy kanku, mana wasanchaj wawaykuna kanku, nispa. Chayrayku pay kikin paykunata qhespicherqa.

Miqueas 4:2

May chhika runa tukuynejmanta jamuspa, nenqanku: Jamuychej, Tata Diospa orqonman wicharinachej, Jacobpa Diosninpa Templonman rinachej. Chaypi pay munasqanman jina kawsayta yachachiwasunchej, noqanchejtaj paypa ñanninpi purisunchej, imaraykuchus Tata Diospa yachachisqan Sionmanta jamonqa, Jerusalenmantataj Tata Dios parlamonqa.

San Lucas 2:32

Payqa tukuy suyupi kajkunaman k'anchanqa, jinallataj Israel aylluyki jatunchasqa kananpaj kanqa, nispa.

1 Corintios 9:21

Mana judío kajkunarí Moisespa kamachisqanta mana junt'ankuchu. Jinallataj noqa paykunawan kashaspa, paykuna jina purini, paykunata Cristoman pusanaypaj. Ajinata nispaqa, mana nishanichu Diospa kamachisqanta qhesachasqayta. Aswanpis Cristoj kamachisqanta kasuni.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.