Isaías 51:3 - DIOSPA QHELQACHISQ

³ Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Qheshwa Biblia DC

³ Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

DIOSPA QHELQACHISQAN DEUTEROCANONICAL

³ Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 51:3 ပူးပေါင်းရင်းမြစ်များ

Génesis 13:10

Chantá Lotqa tukuynejta qhawarqa, astawanqa Jordán mayu valleta Soar juch'uy llajtakama. Chay jallp'aqa yakuyoj karqa, Tata Diospa huertan jina sumaj, Egiptopi jallp'aman rijch'akojtaj. Chay karqa, manaraj Tata Dios Sodoma llajtata, Gomorra llajtatawan chinkachishajtin.

Salmos 85:8

8 (9) Noqa uyarisaj imatachus Tata Dios parlanqa, chayta. Payqa ayllunman, chantá payta qhatejkunaman sonqo tiyasqa kawsaymanta parlanqa, paykuna manaña mana yuyayniyojkuna jina purinankupaj.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 35:6

Cojokunapis taruka jina phinkiykachanqanku, mana parlayta atejkunapis kusiywan takirenqanku. Yakupis ch'innejpi phullchirenqa, ch'in ch'aki jallp'apitaj yaku purirenqa.

Isaías 41:16

Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Isaías 43:19

Kunan noqa uj mosoj imata ruwasaj, chaytaj rikhurishanña. Manachu chayta qankuna reparashankichejri? Ch'innejpi watej uj ñanta kicharisaj, mayukunatataj ch'aki pampakunapi rikhurichisaj.

Isaías 44:26

Chaywanpis kamachiykunaj nisqanku junt'akunanta ruwani, jinallataj kachasqay runakunaj yuyasqankupis. Paykunanejta Jerusalenman nini: Kay cheqapi runakuna watej tiyakonqanku, nispa. Nillanitaj: Judá suyupi llajtakunapis watej ruwasqa kanqanku, nispa. Kamachillanitaj laqayakunapis watej sayarichisqa kanankuta.

Isaías 49:13

Janaj, kusiywan takiy ari, kay pachapis, mayta kusikuy. Qankunapis orqokuna, kusiywan qhapariychej, imaraykuchus Tata Dios ayllunta sonqochan, ñak'arichisqa kajkunamantataj khuyakun.

Isaías 49:19

Llajtaykeqa thuñisqa, phirisqa karqa, ch'inpachataj. Kunantajrí ashkha kasqaykichejrayku jallp'a aylluykipaj k'ullku kanqa. Ñak'arichisojkunataj karupi kanqanku.

Isaías 49:8

Tata Dios nillantaj: Khuyakunay p'unchay chayamojtin, uyarerqayki, qhespichina p'unchaypitaj yanaparqayki. Noqa waqaychasqayki, qannejtataj uj tratota tukuy runawan ruwasaj. Chay suyuta watej mosojyachisaj, saqerpayasqa jallp'akunatataj watej rak'irasaj.

Isaías 51:12

Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Isaías 52:9

Jerusalén llajtaj laqayan, jatunmanta may kusiywan qhapariychej, imaraykuchus Tata Dios ayllunmanta khuyakun, jinataj Jerusalén llajtata kacharichin.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 65:18

Qankuna maytapuni wiñaypaj kusikunkichej chayta ruwasqayrayku. Jerusalenta jatunta kusikunapaj ruwasaj, jinallataj chaypi tiyakoj runakuna kusikunankupaj.

Jeremías 31:25

Yarqhasqa kajkunaman mikhuchisaj, yakumanta ch'akisqakunamantaj yakuta ujyachisaj, nispa.

Ezequiel 28:13

Diospa huertan Edén ukhupi kasharqanki. Tukuy imaymana lliphipirishaj k'achitu rumikunawan k'achanchasqa p'achayoj karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan ima. K'achanchakunayki, jaluchuykikuna ima qorimanta karqanku. Maypachachus ruwasqa karqanki chaypacha, chay tukuy ima qanpaj wakichisqa karqa.

Ezequiel 36:11

Qankunapi runakunata, uywakunatapis ashkhata miraykuchisaj. Miranqanku, ashkhamantaj tukonqanku. Imaynatachus ñawpa tiempopi tiyakorqankichej ajinallatataj tiyakunkichej. Qankunataqa ñawpajmantapis astawan allintaraj ruwasqaykichej. Chaypachataj qankuna yachankichej noqa Tata Dios kasqayta.

Ezequiel 36:35

Nenqankutaj: Kay ch'inman tukuchisqa jallp'aqa Edén huertamanña rijch'akun. Kay llajtakunaqa thuñisqa, ch'inyachisqataj, ch'usaj pampaman tukuchisqa karqanku. Kunantajrí watej sumaj ruwasqaña kanku, runakunataj chaypi tiyakunkuña, nispa.

Joel 2:3

Chaykuna, imaynatachus nina tukuy ima tarisqanta ruphaykun, ajinata ruwanku. Manaraj chay p'unchay chayamushajtin, jallp'aqa Edén huerta jina karqa. Ripojtinkurí, ch'in q'ara pampaman tukun. Paykunaj makinkumantaqa mana imapis llusp'inchu.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.