Isaías 51:1 - DIOSPA QHELQACHISQ

¹ Tata Dios nin: Cheqanta kawsajkuna, Tata Diosta mask'ajkuna, uyariwaychej: Qhawariychej ima chhankamantachus ch'eqosqa kasqaykichejta, ima canteramantachus orqhosqa kasqaykichejta.

Qheshwa Biblia DC

¹ Cheqan kajta mask'ajkuna, Señorta mask'ajkuna, uyariwaychej. Qhawariychej ima chhankamantachus ch'eqosqas kasqaykichejta, ima canteramantachus orqhosqa kasqaykichejta.

DIOSPA QHELQACHISQAN DEUTEROCANONICAL

¹ Tata Dios nin: Cheqanta kawsajkuna, Tata Diosta mask'ajkuna, uyariwaychej: Qhawariychej ima chhankamantachus ch'eqosqa kasqaykichejta, ima canteramantachus orqhosqa kasqaykichejta.

Isaías 51:1 ပူးပေါင်းရင်းမြစ်များ

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

2 Crónicas 15:4

Jinapis ñak'ariyninkupi, Israelpa Tata Diosninman kutirikuspa mask'ajtinku, payqa uyarerqa.

Salmos 24:6

Ajina kanku Tata Diosta tukuy mask'ajkuna, pikunachus Jacobpa Diosninpa ñawpaqenpi kayta munajkunaqa.

Salmos 94:15

Chaypacha juezkunaqa watej cheqan justiciata ruwanqanku, cheqanta ruwaspa purejkunataj chayman jina kawsanqanku.

Proverbios 15:9

Tata Diosqa mana allinta ruwajkunaj kawsasqankuta millachikun, cheqanta kawsajkunatarí munakun.

Proverbios 21:21

Pichus cheqan kawsayta, munakuytawan mask'ajqa unayta kawsanqa. Pay allinpaj qhawasqa kanqa, chantá qhapajyanqa ima.

Isaías 45:19

Noqaqa mana pakaypichu parlani, nitaj maynej laqha ukhupichu. Manallataj Jacobpa mirayninta nerqanichu: Maypichus mana ima kanchu, chaypi mask'awaychej, nispa. Noqa Tata Diosmin maychus kajta parlani, cheqantataj imatapis willaykichej.

Isaías 48:1

Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Isaías 48:12

Jacobpa ayllun Israel, uyariway. Qanta wajyarqayki. Noqalla Dios kani, tukuy imaj qallariynin, tukukuynintaj.

Isaías 51:4

Aylluymanta kajkuna, uyariwaychej. Noqa yachachisqayta tukuyman willasaj. Kamachisqayqa tukuy suyupaj k'anchay jina kanqa.

Isaías 51:7

Uyariwaychej, cheqan kajta rejsejkuna, pikunachus yachachiyniyta sonqoykichejpi jap'ikojkuna: Runakuna qankunamanta millayta rimasqankuta ama manchachikuychejchu, amataj chay jinatapuni alqochakusqankurayku q'enaqakuychejchu.

Isaías 55:6

Tata Diosta mask'aychej, kunan tarinapaj jina kashajtin. Qayllallapiraj kashajtin, Diosta wajyakuychej.

Isaías 65:10

Mask'awaj kamachiykuna ovejankukunata Sarón pampapi mirachenqanku, wakankutataj Acor vallepi samarichenqanku.

Amós 5:6

Tata Diosman kutirikamuychej, kawsanaykichejpaj. Manachus jinata ruwankichej chayqa, Tata Dios israelitakunaj patankuman ninata kachaykamonqa, Betelpitaj ninata thasnunanpaj mana pipis kanqachu.

Sofonías 2:3

Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

San Mateo 5:6

Kusikuyniyojmin kanku cheqan kawsaymanta yarqhachikojkunaqa, ch'akichikojkunapis, imaraykuchus Dios paykunata sajsachenqa.

San Mateo 6:33

Aswanpis qankunaqa Dios kuraj kamachejniykichej kananta tukuy sonqo munaychej, chayman jina cheqan kawsaytapis ñawpajta mask'aychej, jinapitaj Diosqa chay waj imakunata yapata jina qosonqachej.

Romanos 10:3

Manallataj yachankuchu Diosqa imaynatachus runata cheqanpaj qhawasqanta. Manachayqa paykuna yuyasqankuman jinalla cheqanpaj qhawasqa kayta mask'arqanku. Ajinamanta imatachus Dios wakicherqa cheqan runapaj qhawasqa kananchejpaj, chayta qhesacharqanku.

Romanos 14:19

Ajinaqa, ujkuna ujkuna allinta kawsakunapaj atisqanchejta ruwana, jinataj purajmanta kallpachanakuspa yanapanakuna.

Filipenses 3:13

Wawqe panakuna, mana nishanichu noqa maymanchus chayanayman chayasqaytaña. Chaywanpis kayta ruwani: Imachus ñawpajta noqapaj aswan karqa, chayta qonqayman churaspa, maymanchus chayanay kashan, chayta qhawaspa kallpakuni.

1 Timoteo 6:11

Qanrí, Diospa kamachin, chay mana allin kajkunamanta karunchakuy. Aswanpis Diosta kasuspallapuni puriypi kallpakuy, Jesucristoj sumaj yachachisqan kanaykipaj. Jinallataj Diospi atinikuspallapuni kay, chantá Diosta tukuy qhatikojkunata munakuy. Sichus llakiykuna qhatirisunkiman chayqa, pacienciakuy, chantá tukuywan k'acha kay.

2 Timoteo 2:22

Waynakunata, sipaskunataqa tukuy imaymana millay kajta ruwaspa purinaman sonqonku aysan. Qanrí chay jina purinamanta ayqey. Aswanpis cheqan kajta ruwaspallapuni puriy, jinallataj Diosta mana wasanchaspa kawsay. Chantá munakuyniyoj kaspa, wajkunawan allinpi kawsakuy. Ajinata ruway, pikunachus llimphu sonqomanta Diosta yupaychanku Diosninkupaj rejsikapusqankurayku, chaykunawan khuska.

Hebreos 12:14

Qankuna atisqaykichejta ruwaychej tukuywan allinta kawsakunaykichejpaj, jinallataj Diospaj t'aqasqa jina llimphu kawsayniyoj kanaykichejpaj. Pichus mana llimphu kawsayniyoj kajqa Tukuyta Kamachej Diospa uyanta mana rikonqachu.