Isaías 50:8 - DIOSPA QHELQACHISQ

⁸ Kutikuwajneyqa qayllaypi kashan. Pitaj imamanta ch'ataykuwanqari? Jaku ari, juezpa ñawpaqenman rinachej. Pitaj noqata ch'ataykuwajri? Qayllaykamuwaspa, uyanta rikuchikuchun.

Qheshwa Biblia DC

⁸ Jark'awajqa qayllallaypi kashan. Pillapis contraypi kanchu? Jaku rinachej ari juezpa ñaupaqenman. Pitaj noqata ch'ataykuwajri? Qayllaykamuwaspa niwachun.

DIOSPA QHELQACHISQAN DEUTEROCANONICAL

⁸ Kutikuwajneyqa qayllaypi kashan. Pitaj imamanta ch'ataykuwanqari? Jaku ari, juezpa ñawpaqenman rinachej. Pitaj noqata ch'ataykuwajri? Qayllaykamuwaspa, uyanta rikuchikuchun.

Isaías 50:8 ပူးပေါင်းရင်းမြစ်များ

Apocalipsis 12:10

Chay qhepata noqa janaj pachamanta jatunmanta parlamojta uyarerqani: Kunan Diosninchej jatun atiyninwan ayllunta qhespichin, jinallataj tukuy runata kamachishan. Chantá Criston kasuchikunanpaj atiyniyojllataj kashan. Wawqe pananchejkunata ch'atajtarí ñapis janaj pachamanta wijch'umunkuña, pichus Diosninchejpa ñawpaqenpi tuta p'unchay paykunata ch'ataykoj, chayta.

Isaías 41:1

Mama qocha churukunapi kaj runakuna, ñawpaqeypi ch'in kaychej, tukuy suyutaj kallpachakuychej. Qayllamuspa parlawaychej, jinamanta yachasunchej mayqenninchejchus cheqanpi kasqanchejta.

Isaías 43:26

Contraypi ima niwanaykipaj kajtenqa, jamuy chaymanta sut'iman orqhonanchejpaj. Ichapis mana juchayoj kasqaykita rikuchiwankiman.

Isaías 41:21

Jacobpa kuraj kamachejnin Tata Dios nillantaj: Tukuy suyoj diosninkukuna, imatachus parlarinaykichejta rimariychej. Imatachus ruwayta atisqaykichejta rikuchiychej.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

San Mateo 5:25

Sichus piwanpis phiñanakuytawan quejaman rishanki chayqa, paywan allinyakapuy. Manachayqa awqayki juezman apasonqa, jueztaj carcelta qhawajwan jap'ichisonqa, carcelman wisq'achisunanpaj.

Deuteronomio 19:17

chaypacha iskaynin quejanakojkuna Tata Diospa ñawpaqenman, sacerdotekunaman, chantá juezkunaman ima renqanku, pikunachus mit'ankuman jina chaypacha kashanqanku, chaykunaman.

Éxodo 22:9

9 (8) Sichus pipis pejpa chinkachikusqan wakanta, burronta, ovejanta, p'achanta, chayrí imallantapis jap'ikapunman chayqa, dueñontaj rikhurimuspa mañapunman chayqa, iskayninku Diospa ñawpaqenman rinanku tiyan. Pichus juchayoj llojsejqa dueñonman uj jinatawan kutichipunan tiyan.

Job 13:19

Sichus pipis imamanta ch'ataykuwanman chayqa, ch'inyakuyman, wañupuymantaj.

Salmos 119:151

Qantajrí, Tata Dios, qayllallapi kashanki, tukuy kamachisqaykitaj cheqanpuni kanku.

Isaías 1:18

Tata Dios nillantaj: Jamuychej, kay imamanta parlarisunchej: Mana allin ruwasqaykichej may jina pukapis kachun, rit'ita jina yurajyachisaj. May jina kullipis kachun, yuraj millmata jina yurajyachisaj.

Isaías 45:25

Noqa Tata Diosrayku Israelpa miraynin cheqanpaj qhawasqa kanqanku, umankuta oqharispataj, kusikonqanku.

Isaías 54:17

Chaywanpis qanta chinkachinanpaj armata mana pipis ruwayta atenqachu. Pichus contraykita parlajtaqa juezpa ñawpaqenpi ch'inyachillankipuni. Chaykunata kamachiypi kajkunaman qoni, noqataj paykunata qhespichisaj. Ajinata noqa Tata Dios nini.