Isaías 5:7 - DIOSPA QHELQACHISQ

⁷ Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Qheshwa Biblia DC

⁷ Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

DIOSPA QHELQACHISQAN DEUTEROCANONICAL

⁷ Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Isaías 5:7 ပူးပေါင်းရင်းမြစ်များ

Génesis 4:10

Tata Diostajrí nerqa: Imatataj ruwarqankiri? Wawqeykej yawarnenqa jallp'amantapacha justicia ruwanayta qhaparimushawan.

2 Samuel 7:10

Chay jawaqa wakichillarqanitaj uj cheqata Israel aylluypaj, chaypitaj paykunata churarqani kikin jallp'ankupi tiyakunankupaj. Ajinamanta mana pipis paykunawan chejninakonqankuchu, nitaj chay sajra ruwaj runakunapis ñawpajpi jina paykunata llakichenqankuchu,

Job 34:28

Paykunaqa wajchakunata, pisichikojkunata ima waqacherqanku, chay waqasqankutaj Diosman chayarqa, paytaj uyarerqa.

Salmos 147:11

Tata Diosqa payta jatunchajkunawan sonqo junt'asqa, pikunachus khuyakuyniyoj kasqanpi atinikojkunawanpis kusikullantaj.

Salmos 149:4

Tata Diosqa ayllunwan sonqo junt'asqa kashan, llamp'u sonqoyojkunatataj atipachispa pilluykuchin.

Salmos 80:15

15 (16) Qan kikiyki mallkisqaykita, ijimojkunata sumajta wiñachisqaykita ima qhawariy.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

Proverbios 21:13

Sichus pipis wajcha runakunaj mañakusqankuta mana uyarin chayqa, paypa mañakusqanpis manallataj uyarisqachu kanqa.

Eclesiastés 4:1

Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

TAKIYKUNA 7:6

6 (7) Munasqetáy, munarikunapaj jina kanki, alajita, may k'achitapuni kanki.

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Isaías 1:6

Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

Isaías 27:2

Chaypacha Tata Dios nenqa: Sumaj misk'ita poqoj uva huertamanta takirikuychej.

Isaías 3:14

Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Isaías 3:15

Ima nispataj qankuna aylluyta munasqaykichejta ruwankichejri? Imaraykutaj qankuna wajchakunata sonqo nanayta k'umuykachachinkichejri? nispa. Ajinata Tukuy Atiyniyoj Tata Dios nin.

Isaías 3:17

Chayrayku Tukuyta Kamachej Dios chay warmikunaj umankuman llejti onqoyta apachimonqa. Paykunatataj q'ara umallata saqenqa.

Isaías 30:12

Chayrayku Israelpa May Llimphu Kaj Diosnin nin: Qankunaqa kay k'amisqayta qhesachaspa, mana allin ruwaykunapi, millayta ruwaykunapi ima atinikunkichej. Chay millay imakunaman sayasqa kankichej.

Isaías 46:12

Uyariwaychej, rumi sonqo runakuna, cheqan kawsaymanta karunchakojkuna:

Isaías 5:2

Paymin jallp'ata llank'asqa, rumintapis pallasqa, chaymantaj sumajnin kaj uvata mallkisqa. Chay uva huertaj chawpinpitaj qhawanapaj torreta ruwasqa, chantá uvata sarunapaj t'oqotapis ruwallasqataj. Munasqayqa uvankuna sumajta poqonanta suyasqa. Chaywanpis k'allku uvallata poqosqa.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Isaías 59:14

Justiciaqa pisipaj qhawasqa, cheqan kajtaj karupi kashan. Cheqan kajta ruwayqa mana maypi kanchu. Manataj munanchejchu maychus kajta ruwanata.

Isaías 59:4

Mana pipis justiciata munajqa kanchu, nitaj pipis juezpa ñawpaqenpi llimphu sonqowan parlarinchu. Manachayqa qhasi manakajllapi atinikunku, llullata parlaspa. Millay kajllata ruwayta yuyaychakunku, chantataj juchallillankupuni.

Isaías 62:5

Imaynatachus wayna parlakusqan sipaswan casarakun, ajinallatataj Diospis qanta warminpaj oqharikapusonqa. Imaynatachus qhari warmi kusikunku, ajinallatataj Diosniyki qanwan kusikonqa.

Jeremías 12:10

Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Jeremías 24:2

Ujnin canasta mishkhamanta sumaj poqosqa higoyoj karqa. Chay ujninrí mana allin poqosqa higoyoj karqa, millay mana mikhunapaj jinachu.

Jeremías 50:46

Babilonia suyoj urmasqanqa kay pachata kuyurichenqa, urmasqanmanta qhaparqachasqankutaj tukuy kay pachapi uyarikonqa, nispa.

Ezequiel 22:29

Kay suyupi tiyakojkunapis millayta ruwanaman, suwakuymantaj qokullankutaj. Wajcha runakunata, mana kapuyniyojkunatapis munasqankuta ruwanku. Waj llajtayojkunatapis ñak'arichispa, mana paykunapaj cheqan justiciata ruwankuchu.

Oseas 10:1

Israelqa uva sach'a jina may chhika poqoyniyoj. Chaywanpis astawan qhapajyasqankuman jina, astawan ashkha altarkunata jatarichillarqankutaj. Jallp'anku astawan sumajta poqojtin, yupaychana rumi sayantakunatapis astawan k'achituta ruwarqanku.

Miqueas 6:12

Kay llajtamanta qhapajkunaqa tukuyninku runa masinkuta ch'uskejkuna kanku, ch'awkiyajkuna, q'otiyajkuna ima.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Habacuc 1:3

Imaraykutaj millay ruwayllata, ñak'ariyllatawan qhawachiwankiri? Millay ruwaykunawan, wañuchinakuywan ima muyurisqa kani. Tukuynejpi phiñanakuykuna, maqanakuykunapis tiyan.

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

San Mateo 23:23

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa sapa chunkamanta ujta Diosman qonkichej mentamanta, anismanta, cominomanta ima. Chaywanpis kamachisqakunamanta aswan kuraj kajtarí mana kasunkichejchu. Chaykuna kanku: Cheqan kay, khuyapayakoj kay, jinallataj Diosta mana wasanchay ima. Chay kuraj kamachisqakunataqa ruwanaykichejpuni tiyan, mana chay ujkunata qonqaspa.

San Lucas 18:7

Diospa ajllakusqankuna tuta p'unchay paymanta justiciata mañakushajtinku, manachu paykunapaj justiciata ruwanqa? Payqa unaytarajchu suyachikonqa? Mana, icharí?

San Juan 15:2

Noqaman ujchasqa kaj yura, sichus mana poqon chayqa, Tatay k'uturparenqa. Poqoj yuratarí, podaspa llimphuchanqa, astawan poqonanpaj.

Deuteronomio 15:9

Ama sonqoykipi mana allin kajta yuyankichu: Qanchis kaj wata chayamushanña, manu qonqapuna wata, nispa. Ajinata yuyaspa, qanqa pisichikoj llajta masiykita sajra ñawiwan qhawawaj, manataj mañariyta munawajchu. Manachus mañariwaj chayqa, pay Tata Diosman qanpa contraykita qhaparikuyta atinman, qantaj juchachasqa kawaj.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.