Isaías 5:6 - DIOSPA QHELQACHISQ

⁶ Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Qheshwa Biblia DC

⁶ Ch'impachata ruwasaj. Manaña puntasninta k'utonqankuchu, nitaj qhoranqankuchu. Khishkalla junt'aykonqa waj qhoraspiwan. Phuyusman nisaj amaña chaynejman paramunanta.

DIOSPA QHELQACHISQAN DEUTEROCANONICAL

⁶ Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 5:6 ပူးပေါင်းရင်းမြစ်များ

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 8:35

Qanpa contraykipi juchallikusqankurayku, ichapis mana paramunmanchu. Sichus Templo qhawarisqa mañakusunkuman qan llakichisqaykirayku, juchankumanta kutirikuspataj, chantá sutiykita yupaychaspa mañakusunkuman chayqa,

Job 31:40

jallp'aypi trigo poqonanmantaqa khishkalla poqochun, cebadaj cuentanmantapis qhoralla wiñaykuchun, nispa. Ajinata nispa Job kutichikuyta tukorqa.

Proverbios 24:31

Chajranpi qhoralla junt'aykusqanta rikorqani, rumi perqanpis thuñisqa kasqanta.

Isaías 24:12

Llajtaqa laqayaman tukun, llajtaj jatun punkunkunapis phirisqallataj.

Isaías 30:23

Chaypacha Tata Dios parachimonqa tarpuna tiempopi, chay tarpusqaykichejtaj sumajta poqonqa. Uywaykichejpis sumaj q'omer pampakunapi michisqa kanqanku.

Isaías 32:10

Qankunaqa mana imamanta llakiyniyoj kashankichej chaypis, uj watamanta jina mancharikuspa kharkatitinkichej, imaraykuchus uva pallaypis tukukaponqa, poqoyta oqhariypis manaña kanqachu.

Isaías 49:19

Llajtaykeqa thuñisqa, phirisqa karqa, ch'inpachataj. Kunantajrí ashkha kasqaykichejrayku jallp'a aylluykipaj k'ullku kanqa. Ñak'arichisojkunataj karupi kanqanku.

Isaías 55:13

Khishkaj cuentanmanta pino sach'a wiñanqa. Ithapalloj cuentanmantataj arrayán sach'a wiñanqa. Chayqa uj señal kanqa, Tata Diospa sutin wiñaypaj jatunchasqa kananpaj, nitaj jayk'ajpis chinkachisqachu kanqa.

Isaías 7:19

May chhika soldadokuna jamuspa, tiyakonqanku ch'in wayq'okunapi, chhanka jusk'ukunapi, khishkarara ch'umikunapi, uywa ujyana qochakunapi ima.

Jeremías 14:1

Ch'aki wata kasqanrayku Tata Diosqa Jeremiasta nerqa:

Jeremías 14:22

Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Jeremías 25:11

Tukuy kay suyoqa ch'inyachisqa kanqa, raqayman tukuchisqataj. Kay suyumanta runakunataj qanchis chunka wata junt'ata Babiloniata kuraj kamachej makinpi kankichej.

Jeremías 45:4

Tata Diostajrí kayta nisunki: Noqaqa sayachisqayta thuñini, mallkisqaytapis t'irani. Ajinallatataj tukuy kay suyupi kajkunawan ruwasaj.

Lamentaciones 2:6

Tata Dios huerta qhawana ch'ujllata jina Templonta thuñirparin. Maypichus tantakoj kanku, chayta ujllata thuñirparerqa. Tata Diosqa Sionpi raymi ruwanata, samarina p'unchaytapis qonqapunankuta ruwarqa. Chay jina phiñakuyninwan kuraj kamachejta, chantá sacerdotekunatapis qhesacharqa.

Oseas 3:4

Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Oseas 9:6

Tukuchisqa kanaykichejmanta ayqejtiykichejpis, Egiptomanta runakuna jap'isonqachej, Menfis llajtapitaj ayaykichej p'ampasqa kanqa. Qolqe jallch'anaykichejman ithapallulla junt'aykonqa, jaraykichejpipis khishkalla wiñaykaponqa.

Joel 1:7

Uva sach'aykunata q'araykunku, higo sach'aykunatapis q'ara k'aspillata saqerparinku. Tukuyninta q'araykunku, tukuy yurantataj yurajllata saqerparinku.

Amós 4:7

Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

Deuteronomio 29:23

23 (22) Tukuy suyu azufrella, kachilla, ruphasqa jallp'alla kasqanta rikonqanku. Chay jina jallp'api mana imatapis tarpuyta atenqankuchu, nitaj imapis poqoyta munanqachu. Ni qhorallapis wiñanqachu. Imaynatachus Tata Dios sinch'i phiñakusqanrayku Sodoma llajtata, Gomorrata, Admata, chantá Zeboyin llajtata ima chinkarparicherqa, ajinallataj suyuykichejta ch'inman tukuchenqa.

Apocalipsis 11:6

Jinallataj chay testigokuna mana parachimunankupaj atiyniyoj kanku, paykuna sut'inchayta tukunankukama. Paykuna atiyniyojllataj kanku yakuta yawarman tukuchinankupaj, kay pachapi kajkunatapis mashkha kutitachá munasqankuta tukuy imaymana onqoywan ñak'arichinankupaj ima.