Isaías 5:5 - DIOSPA QHELQACHISQ

⁵ Kunanqa uva huertaywan imatachus ruwanayta nisqaykichej: Perqanta thuñisaj, jinamantataj huertay chinkanqa. Tukuy sarunankupajtaj perqanta urmarachisaj.

Qheshwa Biblia DC

⁵ Kunanqa, uvas sach'asniywan imanasajchus chayta nisqaykichej: Perqasninta thuñisaj, jinamanta chinkanqa, perqasninta urmarachisaj, tukuy sarunankupaj.

DIOSPA QHELQACHISQAN DEUTEROCANONICAL

⁵ Kunanqa uva huertaywan imatachus ruwanayta nisqaykichej: Perqanta thuñisaj, jinamantataj huertay chinkanqa. Tukuy sarunankupajtaj perqanta urmarachisaj.

Isaías 5:5 ပူးပေါင်းရင်းမြစ်များ

Génesis 11:4

Chaymantataj ninakorqanku: Kunanqa uj llajtata, janaj pachaman chayaj torretawan ruwanachej. Ajinata ruwaspa, noqanchej manchay uyarisqa kasunchej, manataj kay pachaman ch'eqerasunchu, nispa.

Génesis 11:7

Chayrayku urayk'uspa, parlayninkuta pejturparimunachej ama entiendenakunankupaj, nispa.

Nehemías 2:3

Chaywanpis kuraj kamachejta nerqani: Kuraj kamachejníy, wiñaypaj kawsakuy. Imaraykutaj mana llakikusajchuri? Maypichus tatay mamay p'ampasqa kashanku, chay llajtaqa thuñisqa kashan, muyuyninpi perqanpa punkunkunataj rupharasqa kashanku, nispa.

Salmos 89:40

40 (41) Tukuy perqanta thuñerqanki, llajtankunatapis raqayman tukucherqanki.

Salmos 89:41

41 (42) Chayrayku tukuy chaynejta purejkuna paymanta suwaranku, muyuyninpi kajkunataj asipayanku.

Proverbios 24:31

Chajranpi qhoralla junt'aykusqanta rikorqani, rumi perqanpis thuñisqa kasqanta.

Eclesiastés 3:3

Uj tiempoqa wañuchinapaj tiyan, uj tiempotaj jampinapaj. Uj tiempoqa thuñinapaj tiyan, uj tiempotaj wasichanapaj.

Isaías 10:6

Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

Isaías 25:10

Tata Dios makinwan Sión orqota waqaychanqa, Moab suyutatajrí pachanpi sarurparenqa, imaynatachus pajata q'opata jich'anapi sarunku, ajinata.

Isaías 28:18

Wañuywan trato ruwasqaykichejqa chinkachisqa kanqa. Ukhu pachawan tratoyoj kasqaykichejpis mana sayanqachu. Manchachikuna jasut'i chayarparimuytawan, qankunata p'ampaykusonqachej.

Isaías 28:3

Chay runaykachaj Samaria llajta, Israel suyupi machajkunaj uma oqharinan llajta, awqannejta sarurparisqa kanqa.

Isaías 32:10

Qankunaqa mana imamanta llakiyniyoj kashankichej chaypis, uj watamanta jina mancharikuspa kharkatitinkichej, imaraykuchus uva pallaypis tukukaponqa, poqoyta oqhariypis manaña kanqachu.

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.

Jeremías 21:4

Israelpa Diosnin Tata Diosqa kayta nisunki: Noqa soldadoykichejkunata qhepaman kutirichisaj, Babilonia soldadokunawan Caldeamanta soldadokunawan ima maqanakushajtiykichej. Soldadoykikunatataj kay llajta chawpipi tantaykusaj.

Jeremías 28:8

Manaraj qan, nitaj noqapis kashajtinchej, Diosmanta sut'inchajkuna ashkha suyoj contrankupi, jinataj atiyniyoj kuraj kamachejkunaj contrankupi ima unay willasqankuña maqanakuymanta, yarqhaymanta, onqoymantawan.

Jeremías 45:4

Tata Diostajrí kayta nisunki: Noqaqa sayachisqayta thuñini, mallkisqaytapis t'irani. Ajinallatataj tukuy kay suyupi kajkunawan ruwasaj.

Lamentaciones 1:15

Tukuyta Kamachej Diosqa jark'akuwaj wapu soldadoykunata wijch'un. Ashkha soldadotataj kachaykamuwan, wapu soldadoykunata wañurachinankupaj. Tukuyta Kamachej Diosqa uvatapis sarushanman jina, mana qharita rejsej sipasta jina Judá suyuta sarurparin.

Lamentaciones 2:6

Tata Dios huerta qhawana ch'ujllata jina Templonta thuñirparin. Maypichus tantakoj kanku, chayta ujllata thuñirparerqa. Tata Diosqa Sionpi raymi ruwanata, samarina p'unchaytapis qonqapunankuta ruwarqa. Chay jina phiñakuyninwan kuraj kamachejta, chantá sacerdotekunatapis qhesacharqa.

Lamentaciones 4:12

Kay pachapi kuraj kamachejkuna, tukuy kay pachapi tiyakojkuna ima manapuni jayk'ajpis yuyarqankuchu, awqankuna Jerusalén llajtaj punkunta yaykuykunankutaqa.

Daniel (hebreo) 8:13

Chay qhepata uj angelqa waj angelta tapurishajta uyarerqani: Mayk'ajtaj tukukonqa imachus sapa p'unchay jaywana altarpi rikukushan, chayri? Mayk'ajkamataj Templopi millayta juchallispa kanqankuri? Mayk'ajkamataj Diosta qhatejkunata saronqankuri? nispa.

Oseas 2:12

12 (14) Uva sach'anta, higo sach'antapis chaqorachisaj, mayqenmantachus pay nirej: Kaykunataqa waynaykuna qowarqanku, nispa, chayta. Aswanpis chay tukuyta ch'umiman tukuchisaj, k'ita animalkuna mikhukapunankupaj.

Oseas 2:14

14 (16) Chaywanpis aswan qhepaman noqaqa sonqonta ujtawan suwasaj. Ch'insitunejman payta pusaspa, sonqonman may misk'ita parlaykusaj.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

Apocalipsis 11:2

Temploj jawanpi kaj patiotarí ama midinkichu, imaraykuchus chay patiota qoni noqata mana qhatiwajkunaman, paykunataj noqapaj ajllakusqay llajtata kinsa wata khuskanniyojta saronqanku.