Isaías 5:4 - DIOSPA QHELQACHISQ

⁴ Imatawantaj uva huertayta ruwayman karqari? Manachu tukuy ima ruwanayta junt'arqani? Noqataj misk'i uva poqonanta suyarqani. Imajtintaj k'allku uvallata poqonri?

Qheshwa Biblia DC

⁴ Imatawantaj ruwanay kanman karqa uvas sach'asniytari? Manachu allinta plantarqani? Noqaqa suyarqani uvasniy sumajta poqonanta. Imajtintaj k'allku uvasllata poqonri?

DIOSPA QHELQACHISQAN DEUTEROCANONICAL

⁴ Imatawantaj uva huertayta ruwayman karqari? Manachu tukuy ima ruwanayta junt'arqani? Noqataj misk'i uva poqonanta suyarqani. Imajtintaj k'allku uvallata poqonri?

Isaías 5:4 ပူးပေါင်းရင်းမြစ်များ

Éxodo 37:22

Mut'ukuna, palqakuna imaqa candelerowan ujlla karqa. Chaytaqa martillowan takaspa, sumaj qorimanta ruwarqa.

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Jeremías 2:21

Noqa qanta sumaj ajllasqa uvata jina mallkerqayki, chay mallkitaj sumajta poqoj uvamanta karqa. Kunantajrí imaynamanta mana allinta poqoj uva sach'aman tukorqankiri?

Jeremías 2:5

Ajinata Tata Dios nisunkichej: Ñawpa tataykichejkuna ima mana allin kajtataj noqapi tarerqanku, noqamanta karunchakunankupajri? Qhasi manakaj dioskunata yupaychaspa, paykunapis qhasi manakajllamantaj tukorqanku.

Jeremías 24:2

Ujnin canasta mishkhamanta sumaj poqosqa higoyoj karqa. Chay ujninrí mana allin poqosqa higoyoj karqa, millay mana mikhunapaj jinachu.

Jeremías 7:25

Ñawpa tataykichejkuna Egiptomanta llojsimusqankumantapacha kunankama, qankunaman sapa kuti noqamanta sut'inchajkunata kachamullarqanipuni.

Jeremías 7:26

Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Oseas 10:1

Israelqa uva sach'a jina may chhika poqoyniyoj. Chaywanpis astawan qhapajyasqankuman jina, astawan ashkha altarkunata jatarichillarqankutaj. Jallp'anku astawan sumajta poqojtin, yupaychana rumi sayantakunatapis astawan k'achituta ruwarqanku.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.