Isaías 5:30 - DIOSPA QHELQACHISQ

³⁰ Chay p'unchay chayamojtin, chay suyumanta kaj soldadokunaqa mama qocha jina Israelpa contranpi qhaparenqanku. Pillapis suyuntinta qhawarejqa llakiywan laqhayaykushajta rikonqa. Janajpi k'anchajkunatapis yana phuyu laqhayaykuchenqa.

Qheshwa Biblia DC

³⁰ Chay nacionqa chay p'unchaypi chayamuspa manchayta Israelpa contranta sonanqa mar qocha jina; pillapis jallp'ata qhawarejqa llakiywan laqhayaykushajta rikonqa, cielopi k'anchajkunatapis laqhayaykushajta.

DIOSPA QHELQACHISQAN DEUTEROCANONICAL

³⁰ Chay p'unchay chayamojtin, chay suyumanta kaj soldadokunaqa mama qocha jina Israelpa contranpi qhaparenqanku. Pillapis suyuntinta qhawarejqa llakiywan laqhayaykushajta rikonqa. Janajpi k'anchajkunatapis yana phuyu laqhayaykuchenqa.

Isaías 5:30 ပူးပေါင်းရင်းမြစ်များ

Eclesiastés 12:2

Chayrayku paymanta yuyarikuypuni, manaraj intej k'anchaynin chinkapushajtin, niraj killajta, ch'askakunajtapis k'anchaynin chinkapushajtin. Parajtinkamapis phuyu kashajtillanraj Diosmanta yuyarikuypuni.

Isaías 13:10

Janajpi kaj ch'askakuna, imachus k'anchajkuna ima manaña k'anchanqankuchu. Inteqa llojsimuspapis laqhayaykaponqa, killapis manaña k'anchanqachu.

Isaías 13:4

Orqokunapi ashkha runaj ch'ajwasqan jina uyarikun. May chhika soldadokunaj purisqanpis, suyukunaj purisqanku, ch'ajwasqanku ima uyarikullantaj. Tukuy Atiyniyoj Tata Dios soldadonkunata maqanakupaj tantaykun.

Isaías 17:12

Ashkha suyumanta soldadokunaj ch'ajwasqanku uyarikun, mama qochaj qhollchoqeyasqan jina. Chayqa ashkha atiyniyoj soldadokunaj ch'ajwasqanku, paykunataj ashkha yakoj sonasqanpis kanman jina sonarichispa jamushanku.

Isaías 30:6

Chantá Tata Dios niwarqa: Neguevpi k'ita animalkunamanta kayta sut'inchay: Llakiy ñak'ariy jallp'anejta, maypichus leonkunalla, chantá imaymana nina katarikuna ima tiyan, chaynejta aylloyqa valorniyoj imakunata burrokunapi apanku, qhapaj imankutataj camellokunapi, mana yanapayta atej Egipto suyuman.

Isaías 59:9

Chayrayku, justiciaqa noqanchejmanta chinkarin, manataj cheqan kayqa taripawanchejchu. K'anchayta suyanchej, chaywanpis laqhalla tiyan. Sut'iyamunanta suyaspapis, laqhallapipuni purinchej.

Isaías 8:22

Jallp'ata qhawarispataj, rikonqanku llakiyllata, laqhayayllata, may waqaytataj. Jinataj tuti laqha ukhuman wijch'usqa kanqanku.

Jeremías 13:16

Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Jeremías 30:5

Tata Dios nin: Runakunata manchachikuywan qhaparishajta uyarini. Sinch'i manchachikuy tiyan, manataj allin kawsay kanchu.

Jeremías 50:42

Paykunaqa flechanapaj arcoyoj, t'ojsina lanzayoj ima jamushanku. Jinallataj rumi sonqo mana uj chhikan khuyakuyniyoj kanku. Ch'ajwasqankoqa mama qochaj qhollchoqeyasqan jina sonarin, caballopitaj purinku. Ñapis Babiloniaj contranpi maqanakoj yaykunankupajña kashanku.

Jeremías 6:23

Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

Lamentaciones 3:2

Payqa mana k'anchayniyoj laqha ñankunata pusaykachawarqa, purichiwarqataj.

Ezequiel 26:3

Chayrayku Tukuyta Kamachej Tata Dios kay jinata nin: Tiro llajta, noqa contraykipi kashani. Chayrayku ashkha suyukunata contraykipi kachaykamusaj, imaynatachus mama qochapi yaku qhollchoqeyaspa jatarin, ajinata, nispa.

Joel 2:10

Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Amós 5:18

Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

Amós 8:9

Tukuyta Kamachej Tata Dios nillantaj: Chaypachaqa chawpi p'unchay kashajtin, noqa intita laqhayachisaj, chay p'unchayllataj kay pachata laqhayachisaj.

San Mateo 24:29

Jesús yachachillarqataj: Ñak'ariy p'unchaykunaj qhepanta, inti laqhayaykaponqa. Killapis manaña k'anchanqachu, ch'askakunapis urmaranqanku. Jinallataj janaj pacha atiykunapis kharkatitenqanku.

Apocalipsis 6:12

Jayk'ajchus sojta kaj sellota Cordero llik'erqa chaypacha, rikorqani manchay jallp'a ikhakuyta. Inteqa yana tela jina yanayarqa, killataj yawar jina pukaman tukorqa.