Isaías 5:23 - DIOSPA QHELQACHISQ

²³ Qankunaqa juchayoj runawan lluk'ichikusqaykichejrayku, juchayoj runata mana juchayoj kasqanta ninkichej, mana juchayojtatajrí juchachankichej.

Qheshwa Biblia DC

²³ Qankunaqa lluk'inas kajtin juchayojta mana juchayojman tukuchinkichej, mana juchayojtataj juchachankichej.

DIOSPA QHELQACHISQAN DEUTEROCANONICAL

²³ Qankunaqa juchayoj runawan lluk'ichikusqaykichejrayku, juchayoj runata mana juchayoj kasqanta ninkichej, mana juchayojtatajrí juchachankichej.

Isaías 5:23 ပူးပေါင်းရင်းမြစ်များ

1 Reyes 21:13

Chaymantataj iskay millay runakuna jamorqanku, Nabotpa ñawpaqenpitaj tiyaykukuspa, tukuy runaj ñawpaqenpi llullakuspa Nabotta ch'ataykorqanku: Payqa Diospa contranta parlarqa, kuraj kamachejpa contrantawan, nispa. Llajtamanta jawaman aysaytawantaj, paykuna rumiwan ch'anqaspa, Nabotta wañucherqanku.

2 Crónicas 19:7

Ajinaqa, Tata Diosta manchachikuychej, allintataj imatachus ruwashasqaykichejta qhawakuychej, imaraykuchus Tata Diosniykichejqa manamin mana allin kajtaqa qhawakullanchu. Payqa mana ujllamanchu kutikun, nitaj lluk'ichikunchu, nispa.

Salmos 94:21

Jinallataj cheqan runaj contranpi oqharikunku, mana juchayoj runatataj wañuchisqa kananpaj juchachanku.

Proverbios 17:15

Tata Dios manapuni munanchu pipis juchallikojta llimphuman orqhonanta, nillataj kusikunchu pipis mana juchayojta juchachasqanmanta.

Proverbios 17:23

Mana allinta ruwaj runaqa pakaypi lluk'ichikun, justiciata q'ewinanpaj.

Proverbios 24:24

Sichus juez juchayojta nin: Mana juchayojchu kanki, nispa chayqa, llajtayojkuna juezta maldicenqanku, suyukunapis payta chejnenqanku.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Isaías 10:1

Ay, qankunata imallachus qhatirisonqachej, mana allin kamachisqakunata wakichejkuna, runakunata ñak'arichinapaj kamachisqakunata qhelqajkuna.

Isaías 10:2

Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

Isaías 28:7

Chaywanpis kunan sacerdotekuna, Diosmanta sut'inchajkunapis vinowan machasqa thampiykachanku, tragowan machasqa yuyay chinkasqa kashanku, vino ujyasqankuwantaj chankaykachanku. Imatachus mosqoypi jina rikusqankuta pantasqata rikunku. Justiciata ruwananku kashajtinpis, paykunaqa machasqa kashanku.

Isaías 29:21

Mana juchayojta tumpaspa llulla juezkunapis chinkanqanku, jinallataj mana juchayojta imaymana llullakuywan ch'awkiyajkuna, chantá mana cheqan justiciata ruwajkunapis, tukuyninku chinkarparichisqa kanqanku.

Isaías 32:7

Ch'awka runaqa millayta ruwayman amañasqa. Llullakuspa, ima sajratapis wakichin, jinallatataj llullakuspa, wajcha runakunatapis juchachan, wajcha runa justiciata mañakojtinpis.

Isaías 59:15

Ch'uwa sonqo kayqa chinkapun, pichus mana allin kajta ruwanata saqepojmantataj, tukuy imanta qhechuspa apakapunku. Chayta rikuspa, Tata Dios phiñakorqa, manaña justicia kasqanrayku.

Amós 5:12

Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Miqueas 7:3

Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

San Mateo 23:35

Ajinata qankuna juchachasqa kankichej tukuy mana juchayojkuna wañuchisqa kasqankumanta, Abel wañuchisqa kasqanmantapacha, Berequiaspa churin Zacariaskama, pitachus Temploj pationpi altar qayllapi wañucherqankichej, chaykama.

Deuteronomio 16:19

Ama justiciata q'ewinkichejchu, amataj uyankuta qhawarispa wakillanman kutikunkichejchu. Amallataj lluk'ichikunkichejchu, imajtinchus lluk'ita jap'ikunaqa aswan yachayniyoj runatapis pantachin, cheqan runakunaj nisqankutapis waj jinaman tukuchin.

Santiago 5:6

Jinallataj qankunaqa mana juchayoj runakunata juchachaspa wañuchinkichej, paykunataj mana imatapis kutichikuyta atinkuchu.