Isaías 5:2 - DIOSPA QHELQACHISQ

² Paymin jallp'ata llank'asqa, rumintapis pallasqa, chaymantaj sumajnin kaj uvata mallkisqa. Chay uva huertaj chawpinpitaj qhawanapaj torreta ruwasqa, chantá uvata sarunapaj t'oqotapis ruwallasqataj. Munasqayqa uvankuna sumajta poqonanta suyasqa. Chaywanpis k'allku uvallata poqosqa.

Qheshwa Biblia DC

² Jallp'ata allarqa, rumisnintataj pallarqa, chaymantaj sumajnin kaj uvas k'aspista plantarqa. Chay uvas chajraj chaupimpitaj uj ch'ujllata ruwarqa, chaymantaqa ruwallarqataj uj uvas ch'irwanata. Munasqayqa suyarqa sumajta uvasnin poqonanta, chay tukuywampis k'allku uvasllata poqorqa.

DIOSPA QHELQACHISQAN DEUTEROCANONICAL

² Paymin jallp'ata llank'asqa, rumintapis pallasqa, chaymantaj sumajnin kaj uvata mallkisqa. Chay uva huertaj chawpinpitaj qhawanapaj torreta ruwasqa, chantá uvata sarunapaj t'oqotapis ruwallasqataj. Munasqayqa uvankuna sumajta poqonanta suyasqa. Chaywanpis k'allku uvallata poqosqa.

Isaías 5:2 ပူးပေါင်းရင်းမြစ်များ

2 Samuel 7:10

Chay jawaqa wakichillarqanitaj uj cheqata Israel aylluypaj, chaypitaj paykunata churarqani kikin jallp'ankupi tiyakunankupaj. Ajinamanta mana pipis paykunawan chejninakonqankuchu, nitaj chay sajra ruwaj runakunapis ñawpajpi jina paykunata llakichenqankuchu,

Nehemías 13:15

Chantá rikullarqanitaj Judapi wakinkunaqa samarina p'unchaypi vinota ruwanankupaj uvata sarushajta, trigo marq'atapis astashasqajta ima. Rikullarqanitaj vinota, uvata, higota, tukuy q'epita burrokunaman chajnaspa samarina p'unchaypi Jerusalenman apashajta. Chaypacha paykunata k'amerqani samarina p'unchaypi ranqhasqankumanta.

Salmos 80:8

8 (9) Qanqa uva sach'ata jina Egiptomanta orqhomuwarqayku. Chantá qanta mana yupaychasojkunata wijch'uspa, chayman uvata mallkiykorqanki.

Salmos 80:9

9 (10) Uvata mallkinaykipaj jallp'ata picharqanki, chay uva sach'ataj saphichakuspa, tukuy suyuntinman junt'aykorqa.

Éxodo 33:16

Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Isaías 1:8

K'achita Jerusalén sapan qhepakun, uva huertata qhawana ch'ujlla jina, pepino chajra chawpipi ch'ujlla jina, awqakunawan muyuykusqa llajta jina.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 2:21

Noqa qanta sumaj ajllasqa uvata jina mallkerqayki, chay mallkitaj sumajta poqoj uvamanta karqa. Kunantajrí imaynamanta mana allinta poqoj uva sach'aman tukorqankiri?

Oseas 10:1

Israelqa uva sach'a jina may chhika poqoyniyoj. Chaywanpis astawan qhapajyasqankuman jina, astawan ashkha altarkunata jatarichillarqankutaj. Jallp'anku astawan sumajta poqojtin, yupaychana rumi sayantakunatapis astawan k'achituta ruwarqanku.

Miqueas 4:8

Qanrí, Jerusalén, uywa qhawana torre jina kanki, sumaj perqasqa llajtataj. Chaypachataj ujtawan Israelpa jatun llajtan kanki, imaynachus ñawpajpi may uyarisqa karqanki, jinallataj.

Números 23:9

Kay chhanka patamanta paykunata rikuni, kay orqo patamantataj paykunata qhawashani. Kay runakunaqa mana imatapis manchachikuspa, tiyakushanku. Tukuymanta nisqa waj jina runakuna kanku.

San Mateo 21:19

Ñan kantupitaj higo sach'ata rikorqa, poqoyninta pallarikuyta munaspataj qayllaykorqa. Chaywanpis laqhellata tarerqa. Chantá chay sach'ata nerqa: Kunanmantapacha amaña jayk'aj poqonkichu, nispa. Sach'ataj chaypacha ch'akiporqa.

San Mateo 21:33

Uyariwaychej, uj rijch'anachinatawan nisqaykichej: Uj patrón jallp'anpi uvakunata mallkisqa, chay huertatataj perqawan muyuykuchisqa. Chaymanta chajra chawpipi uva ch'irwanata ruwachisqa, qhawana torretapis sayachisqa. Chantá huertanta llank'ajkunaman partidopi qospa, karuman ripusqa.

San Mateo 21:34

Uva pallana p'unchay chayamojtintaj, huertayojqa wakin kamachinkunata kachasqa, chay llank'ajkunamanta paypa partenta jap'inankupaj.

Marcos 11:13

Karumantataj uj higo sach'ata rikorqa q'omer laqheyojta. Poqoyta tariyta munaspataj, higo sach'aman qayllaykorqa. Chaywanpis mana poqoyta tarerqachu, manachayqa laqhellata, imaraykuchus manaraj higo poqona tiempochu karqa.

Marcos 12:1

Chay qhepata Jesús rijch'anachinanejta runakunaman yachachiyta qallarerqa: Uj runa jallp'anpi uvata mallkiykusqa, chaytataj perqawan muyuykuchisqa. T'oqota allaspataj, uva ch'irwanata ruwasqa, qhawananpajtaj uj torreta sayarichisqa. Chantá uva huertanta partidopi qospa, karuman ripusqa.

Marcos 12:2

Uva pallana p'unchay chayamojtintaj, huertayoj ujnin kamachinta kachasqa, chay llank'ajkunamanta paypata kajta jap'inanpaj.

Romanos 9:4

Paykuna israelitakuna kanku, pikunatachus Diosqa wawankunapaj rejsikaporqa, paykunamantaj jatun kayninta rikucherqa, chaykuna. Jinallataj paykunawan tratota ruwarqa, qollarqataj kamachisqankunata, jinallataj imaynatachus payta yupaychanata yachacherqa. Chantá ashkha imakunatapis qonanta nillarqataj.

1 Corintios 9:7

Pitaj soldado kanman qolqellanwantajri? Pitaj uva sach'ata mallkispa poqochisqanmanta mana mikhunmanchuri? Chayrí, pichus ovejata michejqa manachu ovejanmanta ch'awaspa lecheta ujyanman?

Deuteronomio 32:6

Wampu runakuna, mana yachayniyojkuna, ajinatachu Tata Diosmanqa pagankichej? Manachu payqa tataykichej, ruwasojniykichejtaj? Paymin qankunata ruwasorqachej, kawsaytataj qosorqachej.

Jueces 16:4

Chaymanta qhepata Sansonqa sonqonta suwachikorqa Sorec Vallemanta Dalila sutiyoj warmiwan.