Isaías 5:18 - DIOSPA QHELQACHISQ

¹⁸ Imallachus kanqa qankunawan llullakuspa mana allin ruwayta aysamojkuna, carretata jina millay ruwayta aysajkuna.

Qheshwa Biblia DC

¹⁸ Ay, qankunamanta llullakuspa sajra kajta qhatatejkunaqa, carretata jina qhatatinku juchata qhatatejkunaqa!

DIOSPA QHELQACHISQAN DEUTEROCANONICAL

¹⁸ Imallachus kanqa qankunawan llullakuspa mana allin ruwayta aysamojkuna, carretata jina millay ruwayta aysajkuna.

Isaías 5:18 ပူးပေါင်းရင်းမြစ်များ

Salmos 10:11

Millay runaqa sonqonpi nillantaj: Dios noqanchejmanta qonqapun, jinataj uyanta qhataykukun mana imatapis rikunanpaj, nispa.

Salmos 14:1

(1b) Wampukunaqa sonqonkupi ninku: Mana Dios kanchu, nispa. Tukuyninku millayta purinaman qokunku, ruwasqankutaj mayta millachikunapaj jina. Allinta ruwajqa mana pipis kanchu.

Salmos 36:2

2 (3) Payqa sumaj runa kasqanta yuyakuspa, mana reparanchu millay ruwasqan chejnikuna kasqanta.

Proverbios 4:17

Millayta ruwasqanku, kallpankuman atinisqa runamanta suwasqanku ima, paykunaj mikhuyninku jina, ujyayninku jinataj.

Isaías 28:15

Qankuna nisqankichej: Uj tratota wañuywan ruwayku, ukhu pachawantaj tratoyoj kayku. Manchay jasut'iy jamojtinpis, mana chayamuwasqaykuchu, imaraykuchus llullakuypi pakakuyku, jinallataj ch'awkiyaypipis, nispa.

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Jeremías 23:14

Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 23:24

Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Jeremías 36:23

Chantá Yehudí kinsa, chayrí tawa t'aqataña ñawirejtin, kuraj kamachejqa chay t'aqata qhelqerej cuchillonwan khuchuspa, ninaman wijch'uykorqa. Ajinata ruwarqa qaramanta ruwasqa p'anqa ninapi ruphasqa tukukunankama.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Ezequiel 13:22

Qankunaqa llullakusqaykichejwan cheqan ruwajkunata llakichinkichej. Noqataj mana munanichu llakisqa kanankuta. Qankunarí sonqochankichej sajra sonqoyojkunata millay purisqankumanta ama t'aqakunankupaj.

Sofonías 1:12

Chaypacha noqa lamparata jap'ichispa, Jerusalén llajtapi k'uchun k'uchunta mask'asaj. Chantá pikunachus vino jina tekalla kakojkunata jasut'isaj, mana ima llakiyniyoj kashanku, chaykunata. Paykunata jasut'isaj, imaraykuchus nishanku: Tata Dios mana allin kajta ruwanchu, nitaj mana allin kajtapis, nispa.

San Juan 16:2

Qankunataqa judío masiykichejkuna tantakunanku wasimanta wijch'usonqachej. Chaypachataj pillapis qankunata wañuchispaqa, yuyanqa Diospaj allinta ruwashasqanta.

Hechos 26:9

Sut'ita nisqaykichej: Ñawpajta noqapis yuyaj kani Nazaret llajtayoj Jesuspa contranta imatapis ruwanay kasqanta.

Jueces 17:13

Chaypacha Micaiaqa uj levita runata sacerdoten kananpaj churasqanrayku, yuyarqa Tata Dios tukuy imapi payta yanapananta.

Jueces 17:5

Micaiataj wasinpi uj cheqata lantita yupaychanapaj wakicherqa, jaqaypitaj churarqa waj lantinkunatawan ima. Chantá ruwakorqa uj efod lantita. Ujnin kaj churintapis sacerdote kananpaj churallarqataj.