Isaías 5:16 - DIOSPA QHELQACHISQ

¹⁶ Tukuy Atiyniyoj Tata Diosrí justiciata ruwaspa, jatunchasqa kanqa. May Llimphu kaj Diosqa may llimphu kasqanta rikuchenqa cheqan kajta ruwaspa.

Qheshwa Biblia DC

¹⁶ Tukuy Atiyniyoj Señorqa cheqan kajta atiyninwan rikuchenqa, Santo Diosqa llimphu kayninta rikuchenqa cheqanta ruwaspa.

DIOSPA QHELQACHISQAN DEUTEROCANONICAL

¹⁶ Tukuy Atiyniyoj Tata Diosrí justiciata ruwaspa, jatunchasqa kanqa. May Llimphu kaj Diosqa may llimphu kasqanta rikuchenqa cheqan kajta ruwaspa.

Isaías 5:16 ပူးပေါင်းရင်းမြစ်များ

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.

Salmos 21:13

13 (14) Tata Dios, atiyniykita may jinata jatunchay, noqaykutaj atipasqaykimanta takispa, yupaychasqayku.

Salmos 46:10

10 (11) Paytaj nin: K'umuykuychej, chantá noqa Dios kasqayta rejsikapuwaychej. Tukuy suyupi yupaychawanqanku, tukuy kay pachapitaj jatunchawanqanku, nispa.

Salmos 9:16

16 (17) Tata Diosqa cheqan justiciata ruwaj kasqanwan rejsichikun. Millayta ruwaspa purejkunarí ruwasqallankupitaj urmanku.

Isaías 12:4

Chaypacha ninkichej: Tata Diosman pachis nispa, sutinta yupaychaychej. Imatachus ruwasqanta tukuy runaman willamuychej, jinallataj Tukuy Atiyniyoj kasqanmantapis willallaychejtaj.

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Isaías 2:17

Ajinamanta runaj wapuykachaynenqa k'umuykuchisqa kanqa, runaj machu machu kaynintaj urmachisqa kanqa. Chay juicio p'unchaypeqa Tata Dioslla jatunchasqa kanqa.

Isaías 2:9

Chaymantataj lantikunaman k'umuykunku, chay jinamantaj chayanku. Tata Dios, paykunata ama qhespichiychu.

Isaías 28:17

Justiciataqa plomadata jina churasaj, cheqan kajtataj hilota jina churasaj, nispa. Chantá llullakuypi pakakunaykichejta chijchi para chinkachenqa, ch'awkiyaypi pakakunaykichej cheqatapis yaku apakaponqa.

Isaías 29:23

Chantá chay chhika wawankukunapaj imatachus ruwasqayta rikuspa, paykuna noqata May Llimphu Kaj Diospaj rejsikapuwanqanku. Noqata may jatunpaj qhawawanqanku. Jinallataj may jatun respetowan qhawawanqanku, Jacobpa May Llimphu Kaj Diosnin kasqayrayku.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Isaías 33:10

Tata Diosrí nin: Kunan sayarikuspa, atiyniyta, kallpaytawan rikuchisaj.

Isaías 33:5

Tata Dios janaj pachapi tiyakushaspapis, pay allin kajwan, justiciawantaj Sionman junt'achin.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Isaías 61:8

Noqa Tata Dios justiciata munakuni. Suwayta, millay ruwayta imarí chejnikuni. Noqaqa nisqayta junt'asajpuni, ruwasqankuman jinatataj paykunaman t'inkata qosaj, paykunawantaj wiñaypaj tratota ruwasaj.

Isaías 8:13

Aswanpis Tukuy Atiyniyoj Tata Diosllata may llimphupaj qhawaychej. Payllata may jatun respetowan qhawaychej, payllatataj kasuychej.

Ezequiel 20:41

Ima munayta q'apashaj inciensota jina jap'ikapusqaykichej, maypachachus ch'eqerasqa kashankichej, chay suyukunamanta, llajtakunamantawan orqhomuspa tantaykusqaykichej, chaypacha. Chantapis qankunanejta may llimphu kasqayta tukuy suyukunapi kaj runakunaman rikuchisaj.

Ezequiel 28:22

Tukuyta Kamachej Tata Dios kay jinata nisunki: Sidón llajta, contraykipi kashani. Qannejta noqa jatunchasqa kasaj. Maypachachus qanta jasut'ispa, juchamanta t'aqasqa may llimphu kasqayta rikuchisaj chaypacha, tukuy runakuna yachanqanku noqa Tata Dios kasqayta.

Ezequiel 28:25

Tukuyta Kamachej Tata Dios nillantaj: Maypachachus tukuy suyukunaman ch'eqerachisqamanta Israel aylluyta tantaykamusaj chaypacha, chay suyukunaj rikunankuta may llimphu kaj Dios kasqayta rejsichikusaj. Israelitakunataj kikin suyunkupi tiyakonqanku, mayqentachus kamachiy Jacobman qorqani, chaypi.

Ezequiel 36:23

Qankuna waj suyukunapi may jatun sutiyta ch'ichicharqankichej. Noqatajrí chay suyukunaj ñawpaqenkupi sutiy may jina llimphuchus kasqanta rikuchisaj. Ajinata ruwajtiy, chay suyukuna yachanqanku noqa Tata Dios kasqayta.

Ezequiel 38:16

Chantá Israel aylluypa contranpi qan maqanakoj yaykunki, yana phuyu jina Israelpa tukuynin jallp'anta p'ampaykuspa. Chay qhepa p'unchaykunapi noqaqa aylluypa contranpi pusamusqayki, waj suyukunamanta runakuna noqata rejsinawankupaj. Chaypachataj qannejta noqa may llimphu kasqayta rikuchikusaj, nispa.

Ezequiel 38:23

Ajinata ruwaspa, jatun kayniyta, chantá may llimphu Dios kasqayta sut'inchasaj. Jinataj kay pachamanta tukuy runaman rejsichikusaj. Chaypachataj tukuyninku yachanqanku noqa Tata Dios kasqayta, nispa.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Números 20:13

Chayrayku chay juturita “Meriba”, nispa suticharqanku. Meriba suti niyta munan “phiñanakuy”. Ajinata israelitakuna chaypi Tata Dioswan churanakusqankurayku chay sutiwan suticharqanku. Chaypitaj Tata Dios may llimphu kasqanta rikucherqa.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

1 Pedro 1:16

Diospa Qhelqachisqanpi nin: Qankunaqa Diospaj t'aqasqa kajkuna jina puriychej, imaraykuchus noqaqa may llimphumin kani, nispa.

1 Pedro 2:15

Diosqa qankuna allin kajta ruwanaykichejta munan, ajinamanta mana yuyayniyoj nitaj mana imata yachaj runakunaj thawtisqankuta ch'inyachinaykichejpaj.

1 Pedro 3:15

Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.