Isaías 5:14 - DIOSPA QHELQACHISQ

¹⁴ Chayrayku ukhu pachapis yarqhasqa jina siminta jatunta kicharin, chaymantaj chinkaykonqanku qhapaj runakuna, mana kasuta ruwana runakunapis, jinallataj paykunawan raymipi kusikojkunapis.

Qheshwa Biblia DC

¹⁴ Wañoyqa yarqhasqa siminta jatunta kicharin. Chayman chinkarenqanku qhapajkuna, runasnintin, paykunawan kusikojkunapis.

DIOSPA QHELQACHISQAN DEUTEROCANONICAL

¹⁴ Chayrayku ukhu pachapis yarqhasqa jina siminta jatunta kicharin, chaymantaj chinkaykonqanku qhapaj runakuna, mana kasuta ruwana runakunapis, jinallataj paykunawan raymipi kusikojkunapis.

Isaías 5:14 ပူးပေါင်းရင်းမြစ်များ

San Lucas 21:34

Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

Habacuc 2:5

Mayta runaykachajkunaqa may atiyniyoj kayta munanku, mana samarikuspa mask'anku astawan astawan munaspa, chay atiy tukukuyniyoj kajtinpis. Siminkuta aya p'ampanata jina kicharinku, wañuy jinataj mana sajsakuyta atinkuchu. Chayrayku waj suyukunata jap'inankupaj ujmantaj ujmantaj phinkiykunku.

Proverbios 30:16

Jallp'aj sonqon, mana wawata rejsej warmi, may ch'aki jallp'a, mana thasnukoj nina lawray ima. Chay tawantin mana sajsakuyta atinkuchu.

San Mateo 7:13

Diospa kamachiyninman k'ullku punkunejta yaykuychej, imaraykuchus chinkayman pusaj ñan jatunmin, chayman yaykuna punkupis jatunllataj. Chaynejta yaykojkunapis may ashkhallataj kanku.

Proverbios 27:20

Wañuywan, ukhu pachawan ima mana jayk'aj sajsankuchu. Jinallataj runaj munapayayninpis mana sajsakunchu.

Salmos 55:15

15 (16) Awqaykunata wañoyqa kaymanta jinalla jap'ichun. Kawsashajlla jallp'aj sonqonman yaykuchunku, imaraykuchus millayta ruwayta munanaqa sonqonkupi kashan.

Isaías 30:33

Unaymantapacha Asiria llajtayojkunapaj, kuraj kamachejninkupajwan ima, Tofet nisqa q'olachina cheqa wakichisqa kashan, manchay jatun, ukhutaj, ashkha llant'ayoj, ninayoj ima. Chaymantaj Tata Diosqa azufre mayuta jina samayninwan jap'iykuchenqa.

Isaías 14:9

Ukhu pachapi kajkuna chayanaykita mayta suyashasunku. Qanta taripamusoj jamuspa, pikunachus unay kay pachapi kamachejkuna karqanku, paykuna kamachinanku tiyanamanta sayarikonqanku.

San Lucas 17:27

Chaypacha runakuna mikhusharqanku, ujyasharqanku, casarakusharqanku, ususinkutapis casarachisharqanku, Noé jatun barcoman yaykunan p'unchaykama. Jatun para chayamuspataj, tukuyninkuta chinkacherqa.

Isaías 21:4

Yuyayniy chinkarparin, manchachikuywantaj kharkatitini. Ch'isiyaykunanta suyasqayqa manchachikunaman tukupun.

Proverbios 1:12

Cheqan runakunata kawsashajllata oqoykusunchej, imaynatachus ukhu pacha wañusqata oqoykun, ajinata.

Salmos 49:14

14 (15) Chay runakunata michejqa wañuymin, jinataj paykunata ovejapis kankuman jina jallp'aj sonqonman pusan. Chaypi allin rijch'ayninku tukukaponqa, jallp'aj sonqontaj wasinku kaponqa. Sut'iyamojtintaj, cheqan runakuna paykunata kamachenqanku.

Daniel (hebreo) 5:30

Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Nahúm 1:10

Khishkarara ch'awjra jina, ch'aki ichhu jinataj tukuynin awqankuna ruphachisqa kanqanku.

Isaías 14:11

Wapu kayniykitawan, atiyniykitawan ima qanwan khuska p'ampaykorqanku. Kamachinayki wasipipis manaña arpaykej waqayninpis uyarikunchu. Kunan mast'akunaykeqa khurukunalla, qhatakunaykipis sillwi khurukunallaña kanku.

Isaías 24:8

Panderetakunata, arpakunatawan tocaspa kusikojkuna ch'inyapunku, kawsaqenkuwan mayta ch'ajwaspa kusikojkunapis ch'inyapullankutaj.

Ezequiel 7:12

Kunan chay p'unchay chayamunña. Vendejpis, rantikojpis manaña kusikuchunkuchu, imaraykuchus noqa tukuy paykunata jasut'isaj.