Isaías 5:11 - DIOSPA QHELQACHISQ

¹¹ Imallachus kanqa qankunapaj tutamanta jatariytawan machakojkuna, ch'isiyanankama machasqa, vino ujyaspalla kajkunamanta.

Qheshwa Biblia DC

¹¹ Ay, imanallankichejchus tutamanta jatariytawan machajkunaqa; ch'isiyanankama machasqas, vino ujyaspalla kajkunaqa!

DIOSPA QHELQACHISQAN DEUTEROCANONICAL

¹¹ Imallachus kanqa qankunapaj tutamanta jatariytawan machakojkuna, ch'isiyanankama machasqa, vino ujyaspalla kajkunamanta.

Isaías 5:11 ပူးပေါင်းရင်းမြစ်များ

2 Samuel 19:35

35 (36) Pusaj chunka watayojña kani. Manaña yachanichu imachus allin mana allin kajpatapis. Manaña sumajta mikhunichu nitaj ujyanipischu. Manañataj uyariyta atinichu takejkunatapis. Kuraj kamachejníy, imamanñataj qanpa llakiyniyki kanaypaj riymanri?

Proverbios 20:1

Vinoqa runata machu machuman tukuchin, machachikoj ujyanakunataj astawan runata qhayqerachin. Chaywan machajqa mana yuyayniyoj jina imatapis ruwarparillan.

Proverbios 23:32

Ujyaykusqamantarí, katari jina khanikun, nanachikuntaj.

Isaías 22:13

Qankunarí aswanpis asikorqankichej, kusikorqankichejtaj. Ovejakunata, wakakunatapis ñak'aytawan, sumaj aychata mikhuspa, vinotapis ujyaspa, nerqankichej: Mikhunachej, ujyanachej, imaraykuchus q'aya wañupusun, nispa.

Isaías 24:9

Raymipi vino ujyanapis tukukun, machachina ujyanakunapis jayaman tukun.

Isaías 28:1

Ay, Samaria llajtamanta, qanqa Efraín suyupi machajkunaj uma oqharinan llajta kanki, qawisqa t'ika pilluwan jina k'achanchasqa. Sumaj vallepi kaspapis, vinoj atipasqan llajta kanki.

Isaías 28:3

Chay runaykachaj Samaria llajta, Israel suyupi machajkunaj uma oqharinan llajta, awqannejta sarurparisqa kanqa.

Isaías 5:22

Imallachus kanqa qankunawan vinota ujyanapaj wapu kajkuna. Qankunataqa ni pipis machana ujyanata wakichiypi atipasunkichejchu.

Isaías 56:12

Paykuna ninakunku: Jamuychej, vinota ujyasunchej, licorwantaj macharikunachej. Q'ayataj kunan p'unchay jina kanqa, chayrí aswan sumajrajchus kanqapis, nispa.

Habacuc 2:15

Ay, imarajchus kanqa qanmanta, imaraykuchus qayllaykipi kajkunata chajrusqa vinowan machaykuchinki, q'alalla kayninkuta qhawanaykirayku.

Habacuc 2:5

Mayta runaykachajkunaqa may atiyniyoj kayta munanku, mana samarikuspa mask'anku astawan astawan munaspa, chay atiy tukukuyniyoj kajtinpis. Siminkuta aya p'ampanata jina kicharinku, wañuy jinataj mana sajsakuyta atinkuchu. Chayrayku waj suyukunata jap'inankupaj ujmantaj ujmantaj phinkiykunku.

San Lucas 21:34

Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

Romanos 13:13

Chantá maychus kajta ruwaspa, p'unchaypi purina jinata purinachej, amataj imaymana millay machaykunapi, imaymana millay khuchiriyopi, churanakuypi, nitaj envidianakuypipis.

1 Corintios 6:10

Jinallataj Diospa kamachiyninman mana yaykonqankuchu suwajkuna, mich'a kajkuna, machajkuna, maldicejkuna, chantá q'otiyajkuna ima.

Gálatas 5:21

envidianakuy, machakuykuna, raymita ruwaspa millay kajta ruway, chantá waj jina mana allin kajta ruway ima. Imaynatachus ñawpajta nerqaykichejña, kunan ujtawan nillaykichejtaj: Chaykunata ruwajkunaqa Diospa kamachiyninman mana yaykonqankuchu, nispa.

1 Samuel 25:36

Chantá Abigaíl kutiporqa, maypichus Nabal kasharqa, chayman. Rikorqataj wasinpi sumaj raymita kuraj kamachejpaj jinapuni ruwashasqanta. Nabalqa may kusisqa phiri machasqataj kasharqa. Chayrayku Abigailqa q'ayantinkama mana imatapis nerqachu.