Isaías 48:9 - DIOSPA QHELQACHISQ

⁹ Chaywanpis sutiyrayku sinch'i phiñakuyniyta ñit'iykukuni. Noqa jatunchasqa kanayrayku phiñakuyniyta ñit'iykukuspa, mana chinkacherqaykichejchu.

Qheshwa Biblia DC

⁹ Sutiyrayku phiñakuyniyta ñit'iykukuni. Noqa jatunchasqa kanayrayku mana chinkacherqaykichu.

DIOSPA QHELQACHISQAN DEUTEROCANONICAL

⁹ Chaywanpis sutiyrayku sinch'i phiñakuyniyta ñit'iykukuni. Noqa jatunchasqa kanayrayku phiñakuyniyta ñit'iykukuspa, mana chinkacherqaykichejchu.

Isaías 48:9 ပူးပေါင်းရင်းမြစ်များ

Salmos 106:8

Chaywanpis, Tata Dios, munakuyniyki may jina kasqanrayku paykunata qhespicherqanki, jatun atiyniykitataj rejsicherqanki.

Salmos 143:11

Tata Dios, sutiykirayku kawsachiway ari, cheqan kasqaykiraykutaj llakiymanta orqhoway.

Salmos 25:11

Tata Dios, millayta ruwasqayqa may jinamin. Chaywanpis sutiyki jatunchasqa kananrayku juchayta pampachay.

Salmos 78:38

Diostajrí khuyakuyniyoj kaspa, mana allin ruwasqankuta pampachaj, paykunata mana tukuchispalla. Tata Dios ashkha kutita phiñakuyninta ñit'iykukorqa, manataj phiñakuyninwan atipachikorqachu.

Salmos 79:9

Qhespichiwajniyku Dios, yanapawayku, kacharichiwayku, juchaykutataj pampachay ari, sutiyki manchay uyarisqa kasqanrayku.

Proverbios 19:11

Yuyayniyoj runaqa mana phiñakuyninwan apachikunchu. Phiñakuyta qonqayman churasqanrayku payqa allinpaj qhawasqa.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Isaías 37:35

Tata Dios nillantaj: Noqamin kay llajtamanta sayaykusaj, jark'akusajtaj. Noqarayku, jinallataj kamachiy Davidta munakusqayrayku chayta ruwasaj, nispa.

Isaías 43:25

Chaywanpis Diosniyki kasqayrayku, chay millay juchaykita llimphuchasaj. Juchaykikunatataj qonqayman churasaj.

Isaías 48:11

Noqarayku chayta ruwarqani, ama sutiy pisipaj qhawasqa kananpaj. Manataj saqesajchu qankuna lantikunata Diosta jina jatunchanaykichejta.

Isaías 65:8

Tata Dios nillantaj: Imaynatachus pipis sumaj uva chhullchuta tarispa, nin: Ama kaytaqa usuchiychu, imaraykuchus chaymanta sumaj vinota ruwasun, nispa, ajinallatataj kamachiykunamanta mana tukuynintachu chinkachisaj.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Ezequiel 20:14

Chaywanpis, imatachus yuyasqayta mana ruwarqanichu noqamanta runakuna ama millayta parlanankupaj, pikunachus Egiptomanta israelitakunata orqhomushajta rikuwarqanku, chaykuna.

Ezequiel 20:22

Chaywanpis makiyta paykunaj contranpi mana oqharerqanichu, ama waj suyukuna noqamanta millayta parlanankupaj, mayqenkunaj rikunantachus israelitakunata Egiptomanta orqhorqani, chaykuna.

Ezequiel 20:44

Israel ayllu, noqa qankunata qhawarisqaykichej, mana millay ruwasqaykichejman jinachu, nitaj millay juchata ruwasqaykichejman jinachu. Manachayqa sutiy pataman oqharisqa kananpaj jina qhawasqaykichej. Chaypacha noqa Tata Dios kasqayta yachankichej. Ajinata noqa Tukuyta Kamachej Tata Dios nini.

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Ezequiel 36:21

Israel ayllu waj suyukunaman chayaspa, may llimphu sutiyta p'enqaypi rikhurichisqanmanta sonqoy nanawarqa.

Josué 7:9

Cananeokuna, chantá kaynejpi tukuy tiyakoj runakuna atipachikusqaykuta yachanqanku, tantaykuykuspataj, tukuyniykuta tukuchiwasqayku. Sichus ajina kanman chayqa, imataj kanqa chay jina may uyarisqa sutiykiwanri? nispa.

1 Samuel 12:22

Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.