Isaías 48:4 - DIOSPA QHELQACHISQ

⁴ Chay ajina karqa k'ullu kasqaykichejta yachasqayrayku. Kunkaykichejqa fierro jina mana kuyurej, umaykichejpis bronce jina sinch'illataj.

Qheshwa Biblia DC

⁴ Chayqa karqa k'ullu kasqaykirayku, much'uykeqa fierro jina, frenteykipis bronce jina.

DIOSPA QHELQACHISQAN DEUTEROCANONICAL

⁴ Chay ajina karqa k'ullu kasqaykichejta yachasqayrayku. Kunkaykichejqa fierro jina mana kuyurej, umaykichejpis bronce jina sinch'illataj.

Isaías 48:4 ပူးပေါင်းရင်းမြစ်များ

2 Reyes 17:14

Paykunarí mana kasorqankuchu, astawanpis ñawpa tatankukuna jina sonqonkuta rumiyacherqanku, pikunachus Tata Diospi mana atinikusqankuchu, chaykuna jina.

2 Crónicas 30:8

Chayrayku ama ñawpa tataykichejkuna jina rumi sonqo kaychejchu. Tata Diosta kasuychej, Diospa Templonmantaj yupaychaj jamuychej, mayqentachus Tata Dios wiñaypaj payllapaj t'aqakusqa, chayman. Ajinata Tata Diosniykichejta qhatikuychej, paytaj qankunapaj manaña chay jina phiñasqachu kanqa.

2 Crónicas 36:13

Payqa sonqonta sinch'ita rumiyachispa, Israelpa Tata Diosninman mana kutirikuyta munarqachu. Sedequiasqa Diospa sutinrayku tiluspa, nerqa Nabucodonosorta manapuni wasanchananta. Chaywanpis contranpi oqharikuspa, wasancharqa.

Nehemías 9:28

Jinapis paykunapaj allin kawsay kajtin, watejmanta ñawpaqeykipi juchallillajñataj kanku. Chayrayku watej awqankunaj makinman urmajta saqerqanki, chay runakunataj chakinku uraman israelitakunata churarqanku. Chantataj yanapayniykita mañakullasojtaj kanku. Qantaj khuyakuyniykipi uyarimullajtaj kanki janaj pachamantapacha, ashkha kutita paykunata kacharichinaykipaj.

Salmos 75:5

5 (6) Ama atiyniyoj kasqaykichejmanta runaykachaychejchu, amataj parlaspaqa wapu wapu kaychejchu, nispa.

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Éxodo 32:9

Chay jawa Tata Diosqa Moisesta nillarqataj: Noqa yachaniña kay runakuna rumi sonqo kasqankuta.

Éxodo 33:3

Qankunaqa riychej, maypichus lechewan, abeja misk'iwan yaku jina purishan, chay jallp'aman. Noqarí mana qankunawanchu risaj, ama qankunata chawpi ñanpi chinkarparichinaypaj, imajtinchus qankunaqa ancha rumi sonqo kankichej, nispa.

Éxodo 33:5

imaraykuchus Tata Diosqa Moisesta nisqa: Israelitakunata niy: Qankunaqa uyarikunapaj joq'ara kankichej. Uj chhikantachus qankunawan riyman chayqa, usqhayllata qankunata tukurparichiykichejman. Kunanpacha jaluchuykichejta orqhokuychej. Ajinapi noqa yachasaj qankunawan imatachus ruwanayta, nispa.

Éxodo 9:7

Faraonqa israelitakunaj uywankunata qhawajta kacharqa, nitaj uj wañusqatapis tarerqankuchu. Chaywanpis faraonqa sonqonta rumiyachillarqapuni, manataj israelitakunata kachariporqachu.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Isaías 30:9

Kay runakunaqa mana kasukoj kanku, llullataj, manataj ni imarayku Tata Diospa kamachisqanta uyariyta munankuchu.

Isaías 46:12

Uyariwaychej, rumi sonqo runakuna, cheqan kawsaymanta karunchakojkuna:

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Jeremías 7:26

Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Ezequiel 2:4

Noqaqa mana kasukoj rumi sonqo runakunaman kachashayki, qantaj kay jinata ninki: Tukuyta Kamachej Tata Dios ajinata nin, nispa.

Daniel (hebreo) 5:20

Chaywanpis tatayki sonqonpi jatunchakusqanrayku, runaykachaspa k'ullu kasqanraykutaj, Tata Diosqa paymanta kamachej kayninta, jinataj jatunpaj qhawasqa kaynintawan qhechorqa.

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

Deuteronomio 10:16

Chayrayku sonqoykichejmanta tukuy mana allin kajta wijch'uychej. Amataj mana uyarikuyta munaj k'ullu kaychejchu.

Deuteronomio 31:27

Noqa yachani qankunaqa mana kasukoj rumi sonqo kasqaykichejta. Qankunaqa noqa kawsashajtillayraj Tata Diosta mana kasorqankichejchu. Q'aya minchha noqa wañupojteyqa, astawanrajchá mana kasunkichejchu.

Hebreos 3:13

Aswanpis, sapa p'unchay purajmanta kallpachanakuychej, tiempo kashajtillanraj. Pajtataj qankuna juchaj q'otiyasqan kaspa, sonqoykichejpi rumiyachisqa kawajchej.