Isaías 48:1 - DIOSPA QHELQACHISQ

¹ Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Qheshwa Biblia DC

¹ Jacobpa ayllun, kayta uyariy. Israelpa sutinwan sutichasqa runas, Judá ayllumanta mirasqas kajkuna, Señorpa sutinta oqharispa parlajkuna, Israelpa Diosninmanta yuyarikojkuna. Chaywampis, chayta ruwankichej mana cheqa kaywanchu, nitaj cheqan sonqowanchu.

DIOSPA QHELQACHISQAN DEUTEROCANONICAL

¹ Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Isaías 48:1 ပူးပေါင်းရင်းမြစ်များ

Génesis 32:28

28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

Génesis 35:10

Nerqataj: Sutiykeqa Jacob. Kunanmantarí manaña jinachu sutiyki kanqa. Aswanpis sutiyki “Israel” kanqa, nispa. Ajinata Dios Jacobta waj sutiwan suticharqa.

2 Reyes 17:34

Paykunaqa unay ruwaj kanku, jinata kunankamapis ruwashallankupuni. Tata Diosta mana yupaychankuchu, nitaj nisqanta, kamachisqanta, yachachisqanta ima kasunkuchu. Israel sutiwan sutichasqa Jacobpa mirayninman Tata Dios kamachisqakunata qosqanta, jinataj yachachisqanta mana kasunkuchu.

2 Reyes 5:20

Eliseoj kamachin Guejazí sonqonpi nerqa: Wiraqocheyqa chay sirio runa Namán apamusqanmanta mana imatapis jap'ikuyta munaspa kachapullan. Tata Diospa sutinrayku tiluni: Usqhayta rispa, taripamusaj. Ichapis imallatapis qowanman, nispa.

Salmos 63:11

11 (12) Kuraj kamachejrí Diospa ruwasqanmanta kusikonqa. Pikunachus Diospa sutinpi tilojkunaqa takispa Diosta jatunchanqanku. Llullakojkunaj siminkutajrí wisq'asqa kanqa.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Salmos 68:26

26 (27) Tukuyniykichej Diosta yupaychaychej. Jinallataj tukuy Israelmanta tantakojkuna Tata Diosta yupaychaychej.

Salmos 68:27

27 (28) Paykunaj ñawpaqenkuta sullk'a kaj Benjamín jatun ayllu rin, Judá jatun ayllojta kamachejninkunapis rishallankutaj, Zabulonmanta, Neftalimanta kurajkunawan ima.

Éxodo 23:13

Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Proverbios 5:16

Munakuyniykeqa payllapaj kachun, amataj wajpa warminta qhawaychu.

Isaías 26:13

Tata Diosniyku, qan kamachinawaykutaqa waj runakunalla munayninkuman jina kamachiwayku. Chaywanpis qanllata Diosniykupaj rejsikapuyku.

Isaías 44:5

Chaypachataj nenqanku: Noqaqa Tata Diospata kani, nispa. Ujtaj nenqa: Noqaqa Jacobpa mirayninmanta kani, nispa. Ujkunataj makinkupi qhelqakonqanku: Noqaqa Tata Diospata kani, nispa. Israel sutiwantaj sutichakonqanku, nispa.

Isaías 45:23

Noqaj kawsayniyrayku tiluni, simiytaj cheqanta parlan. Kay nisqayqa junt'akonqapuni. Chaytaj kay jina kanqa: Noqaman tukuy runakuna qonqorikuwanqanku, sutiypitaj tilonqanku.

Isaías 46:12

Uyariwaychej, rumi sonqo runakuna, cheqan kawsaymanta karunchakojkuna:

Isaías 51:1

Tata Dios nin: Cheqanta kawsajkuna, Tata Diosta mask'ajkuna, uyariwaychej: Qhawariychej ima chhankamantachus ch'eqosqa kasqaykichejta, ima canteramantachus orqhosqa kasqaykichejta.

Isaías 51:2

Unanchariychej ñawpa tataykichej Abrahammanta, ñawpa mamaykichej Saramantawan, pichus qankunata paqarisorqachej, paymanta. Manaraj wawayoj kashajtinku, paykunata wajyarqani, samincharqani, miracherqanitaj.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Isaías 62:8

Tata Dios paña makinta oqharispa, tilorqa: Manaña jayk'ajpis awqaykikunaman trigoykita mikhunankupaj qosajchu, nitaj waj llajtayojkunapis vinota ruwasqaykimanta ujyanqankuchu, mayqentachus sinch'ita kallpakuspa ruwarqanki, chayta.

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Isaías 65:16

Pipis kay suyupi wajta saminchayta munajqa noqa cheqa kaj Diospa sutinpi payta saminchanqa. Pichus tiluyta munajqa noqa cheqa kaj Diospa sutinrayku tilonqa. Qallariymantapacha ima llakiykunachus karqa, chaykuna qonqasqa kanqanku, manataj ujtawan rikunaypaj pakasqa kanqa.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 44:26

Chaywanpis Egiptopi tiyakoj Judamanta kajkuna, tukuyniykichej noqa Tata Diospa nisqayta uyariychej: Jatun sutiyrayku kayta tiluni: Judamanta Egiptopi tiyakojkuna manaña ujtawan sutiyta oqharenqankuchu, Diosninkupaj rejsikapuwaspa, nitaj tilonqankuchu: Tukuyta Kamachej Tata Diospa sutinrayku tiluni, nispaqa.

Jeremías 5:2

Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Levítico 19:12

Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

Miqueas 2:7

Tata Diostajrí kutichin: Jacobpa ayllun, chay parlasqaykichej allinchu? Yuyankichejchu Espírituy chay jinata purejkunawan pacienciakunantapuni? Manachu parlasqay yanapan, pichus cheqanta kawsan, chay runata?

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Zacarías 5:3

Chantá ángel niwarqa: Chaypi, tukuy Israel suyupaj maldición kanamanta qhelqasqa kashan. Puraj ladonpi qhelqasqa kashan. Ujnin ladonpi nin pichus suwajqa chinkachisqa kananta, ujnin ladonpitaj nin qhasimanta tilojqa jasut'inamanta mana llusp'inanta.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Números 24:7

Israelqa ashkha yakuyoj kanqa. Ujyanankupaj, tarpusqankutapis qarpanankupaj jina kanqa. Israelpa kuraj kamachejnenqa kamachej Agagmantapis astawan atiyniyoj kanqa, atiynintaj may jina uyarisqa.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

San Juan 1:47

Chantá Jesús Natanaelta payman qayllaykushajta rikuspa, nerqa: Kay runaqa israelitapuni, imaraykuchus payqa mana pitapis q'otiyanchu, nispa.

San Juan 4:24

Diosqa mana rikukoj espiritumin, payta yupaychajkunataj Santo Espíritoj yanapasqan cheqa kajman jina tukuy sonqo payta yupaychananku tiyan, nispa.

Romanos 2:17

Qanrí, judío kani, nispa jatunchakunki, jinataj kamachisqakunapi atinikunki, Dioswan kawsakusqaykimantataj runaykachanki.

Romanos 9:6

Ajinata nispa, mana nishanichu Dios nisqanta mana junt'asqanta. Manachayqa pay wakin israelitakunawan nisqanta junt'an. Chaywanpis mana Israel miraymanta tukuy kajkunachu cheqapuni Diospa ayllunmanta kanku.

Romanos 9:8

Chay niyta munan Abrahampa mirayninmanta kajkuna mana tukuypunichu Diospa wawankuna kasqankuta. Manachayqa Abrahampa wawankuna kanku, pikunachus Diospa nisqanman jina paqarejkunalla.

Deuteronomio 10:20

Tata Diosniykichejta may jatun respetowan qhawaychej, pay sapallantataj yupaychaychej, payllatataj qhatikuychej. Tilunaykichej kajtenqa, paypa sutinta oqharispa tiluychej.

Deuteronomio 33:28

Israelqa ni imata manchachikusqa tiyakonqa, miraynintaj sonqo tiyaykusqa kawsaypi kawsakonqanku. Jallp'ankupeqa trigo, uva ima sumajta poqonqa. Parapis ni jayk'aj pisiyanqachu.

Deuteronomio 5:28

Ajinata nishawajtiykichej Tata Dios parlawasqaykichejta uyarisharqa. Chantá niwarqa: Kay runakuna imatachus nisusqankuta noqa uyarini. Imatachus nisqankoqa allinmin rijch'awan.

Deuteronomio 6:13

Tata Diosniykichejta may jatun respetowan qhawankichej, payllatataj yupaychankichej. Tiluspapis, Tata Diospa sutillanpi tiluychej.

1 Timoteo 4:2

Chay yachachejkunaqa puraj uya, llullataj kanku. Sonqonku thaluyasqa kasqanrayku, mana allin ruwasqankumanta sonqonku manaña nananchu.

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.