Isaías 47:9 - DIOSPA QHELQACHISQ

⁹ Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Qheshwa Biblia DC

⁹ Chay iskaynin llakiykuna ujllata uj p'unchayllapi qhatirisonqa, ujllapi mana wawasniyoj, mana qosayojtaj rikhurinki. Chay jina yatirisniyoj, layqasniyoj kashajtiykipis, chay llakiykunaqa kaymanta jinalla chayamusonqa.

DIOSPA QHELQACHISQAN DEUTEROCANONICAL

⁹ Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Isaías 47:9 ပူးပေါင်းရင်းမြစ်များ

Salmos 73:19

Paykunaqa uj ñawi ch'irmiypi pampachasqa rikhurenqanku, manchachikuytaj paykunata tukuchenqa.

Isaías 13:16

Chay soldadokunaqa wawakunata tatankoj ñawpaqenpi pampaman ch'allpanqanku. Wasinkumanta tukuy imata suwarakaponqanku, warminkutapis alqochanqanku.

Isaías 21:9

Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

Isaías 47:11

Chayrayku sinch'i llakiypuni qanta qhatirisonqa, manataj ima layqeriyokunawanpis jark'akuyta atinkichu. Jatun ñak'ariy chayamusonqapuni, manataj chaymanta llusp'iyta atinkichu. Mana yuyashajtillayki, chay tukuy ñak'ariykuna urmaykamusonqa.

Jeremías 15:9

Ashkha wawayoj mamakunaqa mana kallpayoj llawch'iman tukonqanku, samakuytapis mana atenqankuchu. Manaraj wañunankupi wañonqanku. P'enqachisqa, k'umuykachachisqataj kanqanku. Pipis chaymanta kawsashaj qhepakojtaj awqanwan wañuchisqallataj kanqa. Ajinata noqa Tata Dios nini.

Jeremías 51:29

Kay pacha ikhakun, kharkatitintaj, imaraykuchus Tata Dios wakichikusqanta junt'ashan, Babiloniata ch'in t'ajra pampaman tukuchinanpaj.

Daniel (hebreo) 2:2

Chantá pay yachayniyojkunata, watojkunata, layqakunata, ch'askakunata qhawaspa watojkunatawan wajyacherqa, mosqokusqanta sut'inchanankupaj. Paykunataj kuraj kamachejpa ñawpaqenman rerqanku.

Daniel (hebreo) 4:7

7 (4) Jinapi tukuy Babilonia suyumanta tukuy yatirikuna, yachayniyoj kajkuna, jinallataj ch'askakunata qhawaspa watojkunapis jamorqanku, noqataj mosqokusqayta paykunaman willarqani. Chaywanpis paykuna mosqokusqay imatachus niyta munasqanta mana sut'inchayta aterqankuchu.

Daniel (hebreo) 5:30

Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Daniel (hebreo) 5:7

Chantá qhaparispa, kamachinkunata kamacherqa yatirikunata, yachayniyojkunata, ch'askakunata qhawaspa watojkunata ima pusamunankuta. Paykuna jamojtinkutaj, Belsasar nerqa: Sichus pillapis jaqay qhelqasqata ñawiriyta atin, sitajchus imatachus niyta munasqanta sut'inchawayta atinman chayqa, p'achallichisqa kanqa sumaj puka p'achawan, kunkanmantaj qori cadena k'achanchanata churanqanku. Chantá suyuypi kinsa kaj kamachejmin kanqa, nispa.

Nahúm 3:4

Chay tukuy jamun Nínive khuchichakusqanrayku, pichus manchay k'achita, layqachinanpaj may yachayniyojtaj karqa. Chay layqachisqanwan, khuchichakusqanwantaj llajtakunata, suyukunatapis sonqonkuta suwaspa q'otiyarqa.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Rut 1:20

Noemitajrí kuticherqa: Amaña Noemí niwaychejchu, manachayqa Mara niwaychej, imajtinchus Tukuy Atiyniyoj Diosqa imaymana llakiykunata apachimuwan.

Rut 1:5

Majlón, chantá Quelionpis wañupullarqankutaj, Noemitaj mana qosayoj, nitaj churinkunayoj rikhurerqa.