Isaías 47:2 - DIOSPA QHELQACHISQ

² Maran rumita jap'ispa, trigota kutay. Uma qhatanaykita qhatarakuy, qhoysu p'achaykita patakama oqharikuspataj, mayuta chimpay.

Qheshwa Biblia DC

² Maran rumita jap'ispa jak'uta kutay; uma qhatanaykita qhatarakuy, qhoysu p'achaykita pataman oqharikuy, ujut'aykita lluch'ukuspa mayusta chimpay.

DIOSPA QHELQACHISQAN DEUTEROCANONICAL

² Maran rumita jap'ispa, trigota kutay. Uma qhatanaykita qhatarakuy, qhoysu p'achaykita patakama oqharikuspataj, mayuta chimpay.

Isaías 47:2 ပူးပေါင်းရင်းမြစ်များ

Génesis 24:65

Chantá Abrahampa kamachinta taporqa: Kaynejman jamushan, chay runa pitajri? nispa. Kamachitaj kuticherqa: Payqa patronniy, nispa. Chantá Rebecaqa velowan suk'umpaykukorqa.

1 Crónicas 19:4

Chantá Janunqa Davidpa kachamusqan runakunata jap'inankuta kamacherqa, chantá sunkhankuta raphanankuta, p'achankutataj chakankumanta uraman k'uturpanankuta. Jinaytawantaj, paykunata kachariporqa.

Job 31:10

warmeyqa waj runaj wata runan kachun, wajkunataj warmiywan puñuykuchunku.

Éxodo 11:5

Chaypacha wañonqanku tukuy Egipto llajtayojkunaj kuraj kaj qhari wawaykichejkuna. Wañonqanku kamachinan tiyanapi tiyaj faraonpata kuraj kaj churinmantapacha molinota muyuchej kamachi warmej kuraj kaj churinkama. Chantá tukuy uywakunaj phiwi uñankunapis wañullanqankutaj.

Eclesiastés 12:4

Diosmanta yuyarikuy imatapis ruwanapaj jina manaraj tukukushajtin. Chaypacha molinoj kutasqanta uyarinapis pisiyaponqa, p'isqokunaj takisqankutapis manaña uyarinkichu.

Isaías 20:4

Ajinata Asiriata kuraj kamachejqa Egipto llajtayojkunata, Etiopía llajtayojkunatawan, waynakunata, jinataj machu runakunatawan ukhunchana p'achayojllata waj suyukunaman apachenqa. Paykunaqa q'ara chakilla, sikinku rikhurishaj ima purenqanku, Egipto p'enqakunanpaj.

Isaías 3:17

Chayrayku Tukuyta Kamachej Dios chay warmikunaj umankuman llejti onqoyta apachimonqa. Paykunatataj q'ara umallata saqenqa.

Isaías 3:23

Jinallataj espejokunata, sumaj linomanta p'achakunata, uma mayt'unata, velokunata ima chinkachenqa.

Isaías 32:11

Qankuna, ni imamanta llakikoj warmikuna kharkatitiychej, mana imamanta llakiyniyoj warmikuna, pawichikuychej. K'achitu p'achaykichejta lluch'ukuspa, qhashqa p'achata churakuychej, llakisqa kasqaykichejta rikuchinaykichejpaj.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 13:26

Noqapis qanta q'alallata sayachisqayki, p'enqayniykita tukuy rikunankupaj.

Jeremías 25:10

Qankuna ukhupi kusiy wayñu, raymi takiykunapis manaña uyarikonqachu, nitaj casarakojkunaj takirisqankupis. Jinallataj maranpi kutanapis mana uyarikonqachu. Lamparakunapis manaña rikukonqachu.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Lamentaciones 5:13

Aswan kallpayoj runakunata molinopi kutanankupaj churarqanku. Waynakunataj llant'a q'epiwan atiykuchikorqanku.

Oseas 2:3

3 (5) Manachus saqenqa chayqa, imaynatachus paqarerqa, ajina q'alallata saqesaj. Ch'in ch'aki jallp'a jinaman tukuchisaj, yaku ch'akiywantaj wañuchisaj.

Miqueas 1:11

Safirpi tiyakojkuna, llajtaykichejmanta q'arallata, p'enqaytataj waj suyuman apasonqachej. Zananpi tiyakojkuna manchachikuspa, mana llajtankumanta llojsenqankuchu, Betesel llajtapi tiyakojkunataj wañojkunamanta waqashanku. Chayrayku qankunata mana pipis yanapasonqachejchu.

San Mateo 24:41

Jinallataj iskay warmikuna molinopi jak'ushanqanku. Ujnin oqharisqa kanqa, ujnintaj saqerparisqa.

San Lucas 17:35

Iskay warmikunapis khuska jak'ushajtinku, ujnin oqharisqa kanqa, ujnintaj saqerparisqa.

1 Corintios 11:5

Ajinallataj warmipis mana uman suk'umpasqa Dioswan parlarikunman, chayrí Diospa simi nisqanta sut'inchanman chayqa, qosanta mana respetowanchu qhawashan. Mana umanta suk'umpakuspaqa, chujchantapis raphachikunman jina kanman.

Jueces 16:21

Chaypacha filisteokunaqa Sansonta jap'ispa, ñawinkunata orqhorparerqanku, Gaza llajtamantaj aparqanku. Chaypi broncemanta cadenawan wataykuspa, carcelpi jak'uchina molinota muyuchicherqanku.