Isaías 45:9 - DIOSPA QHELQACHISQ

⁹ May llakiy qhatirenqa, pikunachus Ruwajninkuwan churanakunku, chaykunata. T'urumanta ruwasqa mankaqa ruwajninwan churanakunmanchuri? T'uru mankaqa ruwajninta ninmanchu: Imata ruwashanki? nispa. Chayrí ninmantajchu: Ruwasqaykeqa mana allinchu, nispari?

Qheshwa Biblia DC

⁹ Pichus ruwajninwan churanakojqa imanallanqachus! T'urumanta ruwasqakamalla k'aminakuyta atinkumanchu? T'uru mankaqa ruwajninta ninmanchu: Imata ruwashanki, chayri ninmantajchu ruwasqaykeqa mana allinchu, nispa?

DIOSPA QHELQACHISQAN DEUTEROCANONICAL

⁹ May llakiy qhatirenqa, pikunachus Ruwajninkuwan churanakunku, chaykunata. T'urumanta ruwasqa mankaqa ruwajninwan churanakunmanchuri? T'uru mankaqa ruwajninta ninmanchu: Imata ruwashanki? nispa. Chayrí ninmantajchu: Ruwasqaykeqa mana allinchu, nispari?

Isaías 45:9 ပူးပေါင်းရင်းမြစ်များ

Job 10:9

Yuyarikuy ari t'urumanta ruwawasqaykita. Kunanqa watejchu jallp'allamantaj kutichiwanki?

Job 33:13

Imaraykutaj Dioswan churanakuyta munankiri? Payqa parlasqaykiman mana kutichisunanpunichu tiyan.

Job 40:2

Tukuy Atiyniyoj Dioswan churanakoyqa yuyayniyoj kaychu kanman? Pichus Dioswan churanakoj kutichinan tiyan, nispa.

Job 9:12

Sichus imatapis jap'ikapun chayqa, pitaj mañakapuyta atinmanri? Pitaj imatachus ruwasqanmanta cuentata mañanmanri?

Job 9:4

Diosqa may yachayniyoj, may atiyniyojtaj. Pitaj Diosman sayaykuspa, llimphu llojsiyta suyanmanri?

Proverbios 21:30

Pipis Diospa contranpi sayaykojtin, ni yachayniyoj kaynin, ni yuyayniyoj kaynin, nitaj ima yuyaychakuypis payta yanapanqachu Tata Diosta atipananpaj.

Eclesiastés 6:10

Kunan imachus kajqa ñawpajtaña sutichasqa karqa, runa imaynachus kanantaj ña yachasqaña karqa. Chayrayku paymanta aswan atiyniyoj Dioswanqa mana pipis churanakuyta atinmanchu.

Isaías 10:15

Jachaqa k'utoj runamanta nisqa aswan sumaj kasqanta yuyakunmanchuri? Sierrapis khuchoj runamanta nisqa may kasqanta yuyakullanmantajchu? Chayqa kanman uj k'aspi, chayrí tojnupis runata apaykachanman jina.

Isaías 29:16

Chay jina wampu kanaykichejri. Mankata ruwajtaqa t'uruta jinalla qhawankichej. T'urumanta ruwasqa imaqa ruwajninta ninmanchu: Mana qanchu ruwawanki, nispa? Ruwasqan p'uñoqa ruwajninta ninmanchu: Mana yachankichu imatachus ruwasqaykita, nispa?

Isaías 45:10

Imayna llakiychus kanman sichus uj wawa paqarikuytawan, tatanta ninman: Imapaj yumawarqankiri? nispa. Jinallataj mamantapis ninman: Imapaj paqarichikuwarqankiri? nispa.

Isaías 64:7

Noqayku ukhupi mana pipis kanchu sutiykita oqharispa Diosninpaj rejsikapusojqa, nitaj pipis qanpi atinikoj kanchu. Chayrayku qan uyaykita noqaykumanta pakanki, jinataj millay ruwasqaykuman urmaykojta saqellanki.

Isaías 64:8

Chaywanpis, Tata Dios, qanmin tatayku kanki. Noqaykoqa llink'i t'uru jinalla kayku, qantaj manka llut'aj jina kanki. Chayrayku noqaykoqa tukuyniyku makiykej ruwasqan kayku.

Jeremías 18:6

Manachu noqapis qankuna israelitakunawan ruwayta atini, imaynatachus manka llut'a runa t'uruwan ruwarqa, ajinata? Qankuna makiypi kankichej manka ruwajpa makinpi t'uru jina. Ajinata noqa Tata Dios nini.

Jeremías 36:29

Chantá Judata kuraj kamachej Joacinman kay jinata ninki: Tata Dios nin: Qanqa qaramanta ruwasqa p'anqata ruphacherqanki, imaraykuchus chaypi qhelqasqa nin: Babiloniamanta kuraj kamachejqa jamonqapuni kay suyuta chinkachinanpaj, manataj ni uj runallatapis nitaj uj uywallatapis kawsajta saqenqachu, nispa.

Jeremías 50:24

Babilonia suyu, urmanaykipaj noqa tojllata churarqani, mana reparaspataj, chayman urmaykorqanki. Chaypi jap'ichikuspa, presochasqa rikhurerqanki, noqa Tata Diospa contrayta sayaykusqaykirayku.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

1 Corintios 10:22

Chayta ruwaspa manachu yachankichej Tukuyta Kamachej Jesucristota celosachishasqanchejta? Chayrí yuyankichejchu paymanta aswan atiyniyoj kasqanchejta?