Isaías 45:2 - DIOSPA QHELQACHISQ

² Kunan Tata Dios Ciroman kay jinata nin: Noqa qanpa ñawpaqeykita rispa, orqokunata pampachasaj. Broncemanta ruwasqa punkukunata t'unarasaj, fierro barretakunatapis p'akirasaj.

Qheshwa Biblia DC

² Noqa qampa ñaupaqeykita risaj, moqo moqosta khuskachasaj; broncemanta ruwasqa punkusta t'unarasaj, fierro barretastapis p'akirasaj.

DIOSPA QHELQACHISQAN DEUTEROCANONICAL

² Kunan Tata Dios Ciroman kay jinata nin: Noqa qanpa ñawpaqeykita rispa, orqokunata pampachasaj. Broncemanta ruwasqa punkukunata t'unarasaj, fierro barretakunatapis p'akirasaj.

Isaías 45:2 ပူးပေါင်းရင်းမြစ်များ

Salmos 107:16

Payqa broncemanta punkukunata phirirarqa, fierromanta tranqueratapis p'akirarqa.

Isaías 13:2

Uj q'ara orqo puntapi maqanakuna wiphalata sayachiychej, chaypitaj maqanakuman yaykunapaj jatunmanta qhapariychej. Makiykichejwan soldadokunata wajyaychej, kurajkunaj punkunkuta yaykunankupaj.

Isaías 14:31

Filisteapi llajtakuna, aullakuychej, nanaywantaj qhapariychej. Manchariywan kharkatitiychej, imaraykuchus wichaynejmanta soldadokuna manchay yana q'oshñi jina jamusunkichej, manataj ni ujpis paykunamanta qhepakunchu.

Isaías 24:12

Llajtaqa laqayaman tukun, llajtaj jatun punkunkunapis phirisqallataj.

Isaías 40:4

Tukuy meq'ankunaman junt'achiychej, jinataj orqokunata, moqokunata ima pampachaychej. Wist'u kajta cheqanyachiychej. Moqo moqolla kajtapis pampachaychej.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 45:13

Noqaqa Cirota churasaj kamachisqayta junt'ananpaj, may ñantachus purinantapis noqa pusasaj. Paymin llajtayta watej sayarichenqa. Pikunachus mana munashajta waj suyuman apasqa kashanku, chaykunatapis kacharichipuwanqa mana t'inkaraykuchu, nispa. Noqa Tukuy Atiyniyoj Tata Dios ajinata nini.

Isaías 48:15

Noqa Cirowan parlarqani, chantá payta wajyarqani, pusamorqanitaj. Chayrayku maytachá purisqanpi allinpuni renqa.

Jeremías 28:13

Rispa, noqa Tata Dios kay nisqayta Jananiasman nimuy: K'aspimanta yugota p'akerqanki, chaypa cuentanmanta fierromantañataj yugota ruwasaj.

Jeremías 51:30

Babiloniamanta wapu soldadokunajta manaña maqanakunankupaj kallpanku kanchu. Maqanakuyta saqerparispa, jark'achasqa pakakunallankupiña warmi jina pakaykunku, imaraykuchus wasinkoqa ruphaykuchisqa kashan, llajta punkunkunataj phirisqa.

Jeremías 51:58

Babiloniaj phatu perqankuna tukuynin urmachisqa kanqanku, chay chhikachachaj punkunkunapis ruphaykuchisqa kanqanku. Chay llajtata sayarichejkunaqa mayta sayk'uspa, qhasillapaj ruwarqanku, imaraykuchus tukuy ruwasqanku ninallapi ruphasqa tukukonqa. Noqa Tukuy Atiyniyoj Tata Dios chayta nini.

Daniel (hebreo) 5:28

PARSIN niyta munan: Suyuyki t'aqanasqa kanqa, jinataj medokunaman, chantá persakunaman jaywasqa kanqa, nispa.

Daniel (hebreo) 8:4

Chay carneroqa tukuy imata wajrasqa inti yaykuynejman, wichaynejman, uraynejmantaj. Mana ima uywapis ñawpaqenpi sayaykuyta atisqachu nitaj atiyninmanta kacharichikuyta atisqachu. Imatapis munasqanta ruwasqa, jinataj astawan astawan kallpayojman tukusqa.

Nahúm 3:13

Soldadoykikunaqa warmi jina kanqanku. Llajtaykej punkonqa awqaykikunapaj kicharisqa kanqa, cerrojontataj ruphaykonqanku.

San Lucas 3:5

Tukuy wayq'o junt'achisqa kanqa, jinataj tukuy orqokuna, moqokuna ima pampachakonqa. Wist'u ñankunaqa cheqanchasqa kanqa, moqo moqolla ñankunapis pampachasqa.

Hechos 1:15

Chay p'unchaykunallapitaj wawqe panakuna tantakorqanku, uj pachaj iskay chunkayoj jina. Chantá Pedro sayariytawan, paykunata nerqa: