Isaías 42:9 - DIOSPA QHELQACHISQ

⁹ Ñawpajta imatachus sut'incharqani, chayqa junt'akunña, kunantaj watej sut'inchallasajtaj. Manaraj junt'akushajtin, imachus jamunanmanta willasqaykichej.

Qheshwa Biblia DC

⁹ Ñaupajmanta willasqasniy imaynatachus tukuynin junt'akusqanta; kunantaj mosoj imasta willashani. Manaraj sut'iman llojsishajtin noqaqa willasqaykichej.

DIOSPA QHELQACHISQAN DEUTEROCANONICAL

⁹ Ñawpajta imatachus sut'incharqani, chayqa junt'akunña, kunantaj watej sut'inchallasajtaj. Manaraj junt'akushajtin, imachus jamunanmanta willasqaykichej.

Isaías 42:9 ပူးပေါင်းရင်းမြစ်များ

1 Reyes 11:36

Salomonpa churinmantajrí uj jatun ayllullata qosaj, kamachiy Davidpa ayllunmanta Jerusalenpi uj kuraj kamachej kanallanpajpuni, chay llajtata noqa ajllakorqani, chaypi sutiy yupaychasqa kananpaj.

Isaías 43:19

Kunan noqa uj mosoj imata ruwasaj, chaytaj rikhurishanña. Manachu chayta qankuna reparashankichejri? Ch'innejpi watej uj ñanta kicharisaj, mayukunatataj ch'aki pampakunapi rikhurichisaj.

Isaías 48:3

Imachus qhatirisunanta ñawpajmantaña willarqaykichej. Jinaqa mana yuyasqallamanta ruwaj churakorqani. Tukuy imatachus nisqaytaj junt'akorqapuni.

Isaías 48:5

Unaymantaña noqa willarqaykichej. Manaraj chay kashajtin, noqa chayta willarqaykichejña, ama ninaykichejpaj: Kayqa lantiypa ruwasqanmin. K'ullumanta ruwasqay lanti, chantá fierromanta ruwasqa diosniy kay tukuyta kamachin, nispa.

Isaías 48:6

Chay nisqayta uyarerqankichej, junt'akusqantataj rikorqankichej. Yachankichej nisqayman jinapuni kasqanta. Kunantajrí mosoj imakunamanta uyarichisqaykichej, mana yachasqaykichejtataj sut'inchasqaykichej.

San Juan 13:19

Kunanmantapacha chayta willaykichej, junt'akojtin noqa Cristo kasqayta jap'ikunaykichejpaj.

Hechos 15:18

Ajinata Tukuyta Kamachej Dios nin, pichus kay imakunata ruwananta unaymantapachaña rejsicherqa, chay, nispa.

Josué 21:45

Tata Diostaj israelitakunaman tukuy sumaj nisqanta junt'arqa. Mana ujpis mana junt'asqanqa karqachu.