Isaías 42:4 - DIOSPA QHELQACHISQ

⁴ Payqa mana sayk'onqachu, nitaj iskayrayanqachu, tukuy kay pachapi justiciata sayachinankama. Mama qocha patapi suyukunapis imatachus yachachisqanta suyallanqankutaj.

Qheshwa Biblia DC

⁴ Payqa mana sayk'onqachu, nitaj iskayrayanqachu, kay jallp'a patapi cheqan kajta sayachinankama. Mar qocha cantospi kajkunaqa paypa yachachisqasnimpi suyanqanku.

DIOSPA QHELQACHISQAN DEUTEROCANONICAL

⁴ Payqa mana sayk'onqachu, nitaj iskayrayanqachu, tukuy kay pachapi justiciata sayachinankama. Mama qocha patapi suyukunapis imatachus yachachisqanta suyallanqankutaj.

Isaías 42:4 ပူးပေါင်းရင်းမြစ်များ

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Salmos 22:27

27 (28) Tukuy kay pachamanta runakunapis Tata Diosmanta yuyarikuspa, payman kutirikullanqankutaj, ñawpaqenpitaj tukuy runakuna qonqorikonqanku,

Isaías 40:22

Tata Diosmin kay pachamanta aswan patapi tiyasqa kashan. Chaymantapacha qhawarimuspataj, runakunata phinki phinkikuna jinallata rikumun. Payqa janajtapis toldota jina aysan, imaynatachus runa tiyakunan toldota aysan, ajinata.

Isaías 40:28

Manachu jayk'aj yacharqankichej? Manallatajchu uyarerqankichej? Tata Diosqa wiñay wiñaypaj kawsaj Diosmin. Jinallataj tukuy kay pachatapis paymin ruwarqa. Payqa mana llawch'iyanchu, nitaj sayk'unchu. Paypa yuyasqantaqa mana pipis yachayta atinmanchu.

Isaías 41:5

Mama qochaj kantunpi kaj suyukuna chayta rikuspa, manchachikunku. Kay pachataj, ujnin k'uchumanta ujnin k'uchukama kharkatitin. Chantá ujllaman tantaykukunku maqanakoj jamunankupaj.

Isaías 42:10

Tata Diosman mosoj takiyta takiychej. Kay pachaj aswan karu k'uchunmantapacha payta yupaychaychej. Mama qochapi barcota purichejkuna, chay qochapi kawsajkuna ima payta yupaychaychej. Jinallataj mama qocha chawpipi kaj churukunapis, chaypi tiyakojkuna ima yupaychallaychejtaj.

Isaías 42:12

Tata Diosta jatunchaychej. Mama qocha kantupi llajtakunapis, payta yupaychaychej.

Isaías 42:21

Tata Dios cheqan kayninrayku may jatun kamachisqanta jatuncharqa.

Isaías 49:1

Mama qocha kantupi kaj llajtakuna, karupi kaj jatun suyukuna ima, uyariwaychej: Manaraj paqarishajtiy, Tata Dios wajyawarqa. Mamaypa wijsanpi kashajtillayraj, pay ajllakuwarqa.

Isaías 51:4

Aylluymanta kajkuna, uyariwaychej. Noqa yachachisqayta tukuyman willasaj. Kamachisqayqa tukuy suyupaj k'anchay jina kanqa.

Isaías 51:5

Justicia ruwanay p'unchay qayllapiña. Kacharichinay p'unchay ñanpiña kashan, atiyniywantaj tukuy suyuta kamachisaj. Mama qocha kantupi tiyakojkunaqa jatun atiyniywan paykunata yanapanayta suyanqanku.

Isaías 55:5

Qanpis mana rejsisqa suyukunata wajyallankitaj. Qanta mana rejsisoj suyukuna usqhayta qanman jamusonqanku Tata Diosniykirayku, Israelpa May Llimphu Kaj Diosnin qanta pataman oqharisusqanraykutaj, nispa.

Isaías 60:9

Chaykuna karumanta jamoj barcokuna kanku, Tarsismanta jatuchaj barcokunataj ñawpajta jamushanku. Chay barcokuna churiykikunata qolqenkutawan, qorinkutawan khuska apamushanku. Ajinamanta Tata Diosniyki, Israelpa May Llimphu Kaj Diosnin jatunchasqa kanqa, imaraykuchus payqa jatun kayninpa lliphipiyninwan junt'aykuchisunki.

Isaías 66:19

Noqa paykunaj chawpinkuman uj señalta churasaj. Chantá paykunamanta wakin ayqekojkunata kay suyukunaman kachasaj: Tarsisman, Libiaman, arcowan flechayta yachaj Lidiaman, jinallataj, Tubalman, Greciaman, mama qochapi karu kaj churukunapi tiyakojkunaman ima. Paykunaqa manchay uyarisqa kasqaymanta mana yachankuchu, manataj jayk'ajpis jatun kayniypa lliphipiyninta rikunkuchu. Chaymantataj chay ayqekojkuna jatun kayniypa lliphipiyninmanta tukuy chay suyukunaman willanqanku.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

San Mateo 12:21

Chantá tukuy kay pachapi kaj runakunaqa paypi atinikuspa allin kajta suyakonqanku. Ajinata Isaías Jesusmanta sut'incharqa.

Marcos 3:3

Jesustajrí makin ch'akisqa runata nerqa: Jamuy, kaypi kajkunaj chawpinpi sayay, nispa.

Romanos 16:26

Chay willayqa Diosmanta sut'inchajkunaj qhelqasqankupi rejsichisqaña karqa, wiñaypaj kawsaj Diospa kamachisqanman jina. Kunantajrí chay pakasqa yachayqa rejsichisqaña runakuna jap'ikunankupaj, kasunankupajtaj.

1 Corintios 9:21

Mana judío kajkunarí Moisespa kamachisqanta mana junt'ankuchu. Jinallataj noqa paykunawan kashaspa, paykuna jina purini, paykunata Cristoman pusanaypaj. Ajinata nispaqa, mana nishanichu Diospa kamachisqanta qhesachasqayta. Aswanpis Cristoj kamachisqanta kasuni.