Isaías 42:3 - DIOSPA QHELQACHISQ

³ Lajrasqa soqosota mana p'akerparenqachu, nitaj ñak'ayllata lawrashaj mecherotapis wañuchenqachu. Manachayqa cheqan justiciata ruwanqa.

Qheshwa Biblia DC

³ Lajrasqa soqosota mana p'akenqachu, nitaj ñak'ayllata larwashaj mecherotapis wañuchenqachu. Cheqan sonqowan cheqan kajta ruwanqa.

DIOSPA QHELQACHISQAN DEUTEROCANONICAL

³ Lajrasqa soqosota mana p'akerparenqachu, nitaj ñak'ayllata lawrashaj mecherotapis wañuchenqachu. Manachayqa cheqan justiciata ruwanqa.

Isaías 42:3 ပူးပေါင်းရင်းမြစ်များ

Salmos 147:3

Payqa sonqo p'akisqa kajkunata kawsarichin, k'irisqa kajtapis jampiykun.

Salmos 54:5

5 (7) Payqa awqaykunaman millayta ruwasqankuman jina kutichenqa. Nisqanman jina paykunata chinkarparichenqa.

Salmos 94:15

Chaypacha juezkunaqa watej cheqan justiciata ruwanqanku, cheqanta ruwaspa purejkunataj chayman jina kawsanqanku.

Salmos 96:13

Tata Diospa ñawpaqenpi kusikuchunku, imaraykuchus pay jamushan. Arí, pay jamushan kay pachata kamachinanpaj. Chaymantataj kay pachapi tukuy runata maychus kajta, cheqa kajwantaj kamachenqa.

Salmos 98:9

Tata Dios kay pachata juzgananpaj jamushan. Payqa kay pachapi runakunata cheqan kajman jina juzganqa, mana pimanpis sayakuspa.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

Isaías 42:2

Payqa mana qhaparenqachu, nitaj jatunmanta parlanqachu, manataj callekunapipis sinch'ita parlanqachu.

Isaías 50:10

Qankunamanta mayqenpis Tata Diosta manchachikoj kanmanchu? Diospa kamachinpa parlasqanta kasukoj kanmanchu? Laqhayaypi purejkuna, ni ima k'anchayta rikojkuna, Tata Diospi atinikuychej, paymantataj jap'ikuychej.

Isaías 50:4

Tukuyta Kamachej Tata Dios yachay parlayta simiyman churarqa, sayk'usqa runakunata parlaspa kallpachanaypaj. Sapa paqarin pay rijch'arichiwan, yachachisqanta sumajta uyarinaypaj.

Isaías 63:1

Pitaj Edom suyumanta jamushanri? Pitaj Bosra llajtamanta jamushan puka p'achayojri? Pitaj sumaj p'achallisqa atiyniyoj thaskejri? Chaymin noqa Tata Dios kani, pichus qhespichinapaj atiyniyoj kaspa, atipanaytapuni willani, chay.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 31:25

Yarqhasqa kajkunaman mikhuchisaj, yakumanta ch'akisqakunamantaj yakuta ujyachisaj, nispa.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

Miqueas 7:9

Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima, noqataj samarichisqaykichej.

San Mateo 12:20

Lajrasqa soqosollatapis mana p'akenqachu, nitaj ñak'ayllata lawrashaj mecherotapis wañuchenqachu, cheqan justiciata atipachinankama.

San Juan 20:27

Chantá Tomasta nerqa: Ruk'anaykita kayman churay, makiytataj qhawariy. Jinataj makiykita kay wallak'uyman churay. Amaña iskayrayaychu, manachayqa noqa kawsashasqayta creey, nispa.

San Juan 5:30

Jesús judiokunaj kurajninkukunata nillarqataj: Mana imatapis noqallamantachu ruwani. Noqaqa Tataypa niwasqanman jina pitapis juzgani, juzgasqaytaj cheqanpuni, imaraykuchus mana munasqallaytachu ruwayta mask'ani, manachayqa kachamuwaj Tataypa munaynillanta.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.