Isaías 41:8 - DIOSPA QHELQACHISQ

⁸ Chaywanpis Tata Dios nin: Qanrí Israel, kamachiy kanki, qantaj Jacob, ajllakusqay kanki. Kawsaqey Abrahampa mirayninmanta ajllakusqay kanki.

Qheshwa Biblia DC

⁸ Uyariway ari, Israel ayllu, Jacobpa ayllun. Qanqa kamachiy kanki. Qanta noqaqa kausaqey Abrahampa mirayninmanta ajllakorqayki.

DIOSPA QHELQACHISQAN DEUTEROCANONICAL

⁸ Chaywanpis Tata Dios nin: Qanrí Israel, kamachiy kanki, qantaj Jacob, ajllakusqay kanki. Kawsaqey Abrahampa mirayninmanta ajllakusqay kanki.

Isaías 41:8 ပူးပေါင်းရင်းမြစ်များ

1 Crónicas 16:13

Kamachin Israelpa mirayninmanta kajkuna, ajllakusqan Jacobpa wawankuna, uyariwaychej.

2 Crónicas 20:7

Diosniyku, qanqa aylluyki Israelpa ñawpaqenmanta kay suyupi tiyakojkunata wijch'orqanki. Wiñaypajtaj kay suyuta Abraham kawsaqeykej mirayninman qoporqanki.

Salmos 105:6

Abrahampa miraynin, Tata Diosmanta yuyarikuychej, jinallataj Jacobpa miraynin, pikunatachus Dios ajllakorqa, chaykuna.

Salmos 135:4

Payqa Jacobta paypata kananpaj ajllakorqa, Israelta ayllun kananpaj ajllakorqa.

Salmos 136:21

Chay kuraj kamachejkunaj jallp'ankuta israelitakunaman rak'irajman pachis niychej, imaraykuchus munakuynenqa wiñay wiñaypajmin.

Salmos 136:22

Israelitakunaman chayaqeta jina chay jallp'ankuta qojman pachis nillaychejtaj, imaraykuchus munakuynenqa wiñay wiñaypajmin.

Salmos 33:12

Kusikuyniyoj pi suyojtachus Tata Diosqa Diosnin kajtin. Chay aylluta payqa paypata kananpaj ajllakun.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Isaías 29:22

Chayrayku pichus Abrahamta qhespichej Tata Diosqa Jacobpa mirayninta nin: Kunanmanta ñawpajman Jacobqa manaña p'enqachisqachu kanqa, manataj uyanpis mancharikuywan q'elluyanqachu.

Isaías 42:1

Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

Isaías 42:19

Pitaj chay ñawsari? Chay ñawsaqa kamachiy Israelmin. Mana pipis kachasqay jina joq'arachu, nitaj pipis ajllakusqay jina ñawsachu. Ajinamin qan kanki, kamachiy Israel.

Isaías 43:1

Jacobpa miraynin Israel, pichus qanta ruwasorqa, chay Tata Dios nisunki: Ama manchachikuychu, imaraykuchus noqa pagaspa, qanta kacharicherqayki. Noqa sutiykimanta wajyarqayki, qantaj noqajta kanki.

Isaías 43:10

Tata Dios nillantaj: Qankunaqa testigoy kankichej. Israel, qanqa ajllakusqay kamachiy kanki noqata rejsikapunawaykipaj, noqapi atinikunawaykipaj, pichus noqa kasqayta allinta yachanaykipaj ima. Noqamanta ñawpajtaqa mana ima diospis karqachu, manallataj qhepamanpis kanqachu.

Isaías 43:5

Ama manchachikuychu, imaraykuchus qanwanpuni kashani. Chantá inti llojsimuynejmanta, inti yaykuynejmantawan runaykikunata tantamusaj.

Isaías 44:21

Jacobpa ayllun Israel, qan kamachiy kasqaykita yuyarikuy. Noqamanta ama qonqaychu, imaraykuchus noqa ruwarqayki, qantaj kamachiy kanki.

Isaías 45:4

Kamachiy Jacobta munakusqayrayku, ajllakusqay Israelrayku sutiykimanta wajyarqayki. Mana rejsishawajtiykipis, jatunpaj qhawasqa sutita churarqayki.

Isaías 48:12

Jacobpa ayllun Israel, uyariway. Qanta wajyarqayki. Noqalla Dios kani, tukuy imaj qallariynin, tukukuynintaj.

Isaías 49:3

Chantá niwarqa: Israel, qanmin kamachiy kanki. Qannejta jatun kayniyta rikuchisaj, nispa.

Isaías 51:2

Unanchariychej ñawpa tataykichej Abrahammanta, ñawpa mamaykichej Saramantawan, pichus qankunata paqarisorqachej, paymanta. Manaraj wawayoj kashajtinku, paykunata wajyarqani, samincharqani, miracherqanitaj.

Isaías 63:16

Qanlla tatayku kanki, tatayku Abraham mana rejsikuwajtiykupis. Ñawpa tatayku Israel mana yuyarikuwajtiykupis, qanpuni tatayku kanki, Tata Dios. Wiñaymantapacha pagaspa kacharichiwajniyku kanki.

Jeremías 33:24

Manachu reparanki imatachus runakuna nishasqankuta? Paykuna nishanku: Tata Diosqa chay iskaynin ajllakusqan aylluta qhesachan, nispa. Chayrayku pisipaj qhawaspa, aylluytaqa manaña suyupaj jinachu qhawashanku, nispa.

Levítico 25:42

Tukuy israelitakunaqa noqajta kamachiykuna kanku. Noqa paykunata Egiptomanta orqhomorqani, chayrayku paykunaqa mana wata runa jina vendesqa kanqankuchu.

Malaquías 1:2

Tata Dios nin: Noqa qankunata munakuykichej, nispa. Qankunatajrí niwankichej: Imaynapi yachaykuman qan noqaykuta munakuwasqaykutari? nispa. Chantá Tata Dios kutichin: Esauqa Jacobpa wawqen karqa. Chaywanpis noqa Jacobta munakorqani, ajinallatataj qankunatapis munakuykichej.

San Mateo 3:9

Amataj niychejchu: Noqaykoqa qhespichisqa kasqayku Abrahampa miraynin kasqaykurayku, nispa. Noqa sut'ita niykichej: Diosqa kay rumikunamantapis Abrahampaj wawakunata rikhurichiyta atinman.

Gálatas 3:19

Ajina kajtenqa, Moisespa kamachisqan imapajtaj churasqa karqari? Dios qosaj nisqanmanta qhepaman Moisespa kamachisqan churasqa karqa runakuna kamachisqakunata p'akispa mana kasukoj kasqankuta sut'inchananpaj. Chaywanpis chay kanan karqa Abrahampa mirayninmanta kaj jamunankamalla, pimantachus Dios Abrahamman parlarqa, chay. Chantá Diosqa angelkunanejta kamachisqata Moisesman qorqa, pichus allinyachej karqa Dioswan, israelitakunawan, chayman.

Deuteronomio 10:15

Chaywanpis Tata Diosqa qankunaj tataykichejta munakorqa, tukuy ayllu ukhumantataj paykunaj mirayninkuta ajllakorqa. Chaykunaqa qankuna kankichej, imaynatachus kunan rikushanchej, chay.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Santiago 2:23

Ajinamanta Diospa Qhelqachisqanpi imatachus nisqan junt'akorqa: Abrahamqa Diospi atinikuspa nisqanmanta jap'ikorqa, chay jap'ikusqanraykutaj Diosqa Abrahamta cheqan runapaj qhawarqa, nispa. Ajinamanta Diosqa Abrahamta kawsaqenpaj rejsikaporqa.