Isaías 41:18 - DIOSPA QHELQACHISQ

¹⁸ Manachayqa ch'aki orqokunapi mayuta rikhurichisaj, vallekunapitaj yaku juturikunata. Ch'innejkunapi yaku qochakunata rikhurichisaj, ch'aki jallp'akunapitaj yakuta phullchichimullasajtaj.

Qheshwa Biblia DC

¹⁸ Ch'aki orqospi mayusta rikhurichisaj, vallespitaj yaku juturista. Ch'aki pampaspi yaku qochasta rikhurichisaj, ch'aki jallp'aspitaj yakusta t'ojyachisaj.

DIOSPA QHELQACHISQAN DEUTEROCANONICAL

¹⁸ Manachayqa ch'aki orqokunapi mayuta rikhurichisaj, vallekunapitaj yaku juturikunata. Ch'innejkunapi yaku qochakunata rikhurichisaj, ch'aki jallp'akunapitaj yakuta phullchichimullasajtaj.

Isaías 41:18 ပူးပေါင်းရင်းမြစ်များ

Salmos 104:10

Chantá qanllataj juturikunata rikhuricherqanki orqokunaj chawpinta rinankupaj, yakuwantaj mayukunata junt'achinankupaj.

Salmos 105:41

Chhankata Moisés wajtajtin, yaku jutumorqa, ch'aki pampatataj mayu jina purirerqa.

Salmos 107:35

Diosqa ch'aki pampata qochayojman tukucherqa, jinallataj ch'aki jallp'ata yaku juturiyojman.

Salmos 126:4

Tata Dios, ñawpajta imaynatachus allinpi kawsakorqayku, chay jinallamantaj kutichiwayku, imaynatachus Néguev ch'innejpis parasqanrayku waj jinaman tukun, ajinata.

Salmos 46:4

4 (5) Uj mayu Diospa llajtanpi tiyakojkunata kusichin, maypichus Dios tiyakun, chay llajtata.

Isaías 12:3

Qankunapis pujyumanta yakuta jina kusiywan Diospa qhespichisqanta ujyaychej.

Isaías 30:25

Maypachachus manchay wañuchinaku p'unchay awqaykichejpaj chayamonqa, torrekunataj urmaranqanku chaypacha, jatuchaj orqokunapi, jatuchaj lomakunapi ima yaku mayu jina phajcharimonqa.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 33:21

Tata Diosqa chaypimin tukuy atiyninta rikuchiwasun. Payqa jatun mayu jina kanqa, sumajta rishaj ashkha yaku jinataj. Awqakunaqa chay mayuta mana chimpayta atenqankuchu juch'uy barcowan, nitaj jatun barcowanpis.

Isaías 35:1

Ch'inkuna, t'ojra pampapis kusikuchun. Watejmanta qhallallarishaj rosa jina t'ikanqa.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 48:21

Ch'innejta paykunata pusashajtin, yaku ch'akiymanta mana wañorqankuchu. Manachayqa Tata Diosqa chhankamanta yakuta phullchichimorqa. Chhankata lajrarqa, yakutaj purirerqa.

Isaías 58:11

Chantá noqa Tata Diosqa pusaykachasqaykichejpuni. Ch'innejpi ashkha mikhunata qosqaykichej. Ukhuykichejtapis sumajta kallpachasaj. Qankunataj sumaj qarpasqa huerta jina kankichej, mana jayk'aj ch'akej yaku juturi jinataj.

Isaías 65:13

Chayrayku Tukuyta Kamachej Tata Dios nisunkichej: Kamachiykunaqa sumajta mikhonqanku, qankunatajrí yarqhaymanta wañunkichej. Kamachiykunaqa sumaj yakuta ujyanqanku, qankunatajrí yaku ch'akiywan ñak'arinkichej. Kamachiykunaqa kusikonqanku, qankunatajrí may p'enqachisqa kankichej.

Joel 3:18

18 (4.18) Chay p'unchayqa orqokunapi, lomakunapi ima vinowan, lechewan yaku jina purenqanku. Judá suyupitaj juch'uy mayukunapis ashkha yakuyoj kanqanku. Noqaj Temploypi yaku juturi rikhurenqa, chaytaj Sitín valleta qarpanqa.

Zacarías 14:8

Chaypacha Jerusalenmanta ch'uwa jutoj yaku purirenqa, chay yakutaj q'oñi tiempopipis, chiri tiempopipis mana ch'akenqachu. Khuskannenqa Wañusqa Qocha nisqaman renqa, khuskannintaj mama qochaman.

Apocalipsis 22:1

Chay qhepata angelqa kawsaj yakuyoj ch'uwa mayuta rikuchiwarqa, cristal jina lliphipejta, mayqenchus Diospa kamachina tiyananmanta, chantá Corderojmantawan llojsimusharqa, chayta.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.

Jueces 15:19

Chantá Diosqa Lehí nisqa cheqapi uj yaku juturita rikhuricherqa, Sansontaj chay pujyumanta ujyaspa, watej kallpachakorqa. Chayrayku chay jutureqa sutichasqa karqa: Enacoré, nispa. Chayqa kunankama Lehí cheqapi kashan.