Isaías 41:16 - DIOSPA QHELQACHISQ

¹⁶ Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Qheshwa Biblia DC

¹⁶ Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

DIOSPA QHELQACHISQAN DEUTEROCANONICAL

¹⁶ Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Isaías 41:16 ပူးပေါင်းရင်းမြစ်များ

Salmos 1:4

Dioswan churanakojkunawanrí mana jinachu kanqa. Paykuna wayraj apasqan q'opa jina kanku.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Isaías 17:13

Chaywanpis Tata Dios paykunata k'amejtinkama, karuman ayqerikaponqanku, orqopi wayraj apaykachasqan q'opa jina, chayrí imaynatachus muyoj wayra sach'ata ujllata oqharin, ajinata.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 28:5

Chaypacha Tukuy Atiyniyoj Tata Dios israelitakunamanta puchojkunapaj may sumaj lliphipishaj k'achanchasqa pillu jina kanqa.

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

Isaías 29:5

Chantá awqaykunapis ñut'u jallp'a jina ñut'usqa kallanqankutaj. Manchay kallpawan contraykita jamojkuna wayrawan apachikoj q'opa jina apaykachasqa kanqanku. Mana yuyasqallamanta ujllata

Isaías 35:10

Ajinata Tata Diospa qhespichisqan kajkuna kutimponqanku, Sionmantaj takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunapaj tukukaponqa.

Isaías 40:24

Paykunaqa chaypachallaraj mallkisqa sach'aman rijch'akunku, manaraj allinta saphichakoj sach'aman. Tata Dios wayrachimojtinrí, paykuna ch'akipunkupacha, muyoj wayrataj q'opata jina paykunata apakapun.

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 60:19

Chaypacha mana intichu, nitaj killachu k'anchamusonqa, manachayqa noqa Tata Diosmin wiñaypaj k'anchaykamusqayki. Noqa Diosniykirayku jatunchasqapuni kanki.

Isaías 65:18

Qankuna maytapuni wiñaypaj kusikunkichej chayta ruwasqayrayku. Jerusalenta jatunta kusikunapaj ruwasaj, jinallataj chaypi tiyakoj runakuna kusikunankupaj.

Jeremías 15:7

Noqa llajtakunaj punkunpi qanta jorkawan jina wayrachispa wijch'usqayki. Mana wawayojta, phirisqatataj saqesqayki, imaraykuchus millay ruwasqaykita mana saqeyta munarqankichu.

Jeremías 51:2

Babiloniaman awqankunata kachaykusaj, trigota jina paykunata wayrachinankupaj. Chay suyuta ch'inyachenqanku, imaraykuchus tukuynejmanta contranpi llojsiykamonqanku, ñak'arinanku p'unchay chayamojtin.

Jeremías 51:20

Tata Dios nin: Babilonia, qanqa maqanakupaj armay jina kanki. Qanwanqa waj suyukunata phirirasaj, qanllawantaj kamachinanku tiyanakunata chinkachisaj.

Jeremías 51:33

Israelpa Tukuy Atiyniyoj Tata Diosnin kayta nin: Babiloniaqa trillana eraman rijch'akun, trigo oqharina tiempotaj chayamushanña, nispa.

Daniel (hebreo) 2:35

Chantá ujllata fierropis, t'urupis, broncepis, qolqe metalpis, qoripis ima ñut'u jallp'a jina rikhurisqa. Jinataj imaynatachus trigota wayrajtinchej wayraqa pajata apakapun, ajinata wayraqa chay tukuyta oqharisqa mana imata puchuchispa. Lantita phiriykusqa, chay rumitajrí jatun orqoman tukusqa, tukuy kay pachamantaj junt'aykusqa.

Oseas 11:9

Mana phiñakuyniy k'ajarisqanman jinachu ruwasaj. Mana ujtawan Efrainta chinkachisajñachu, imaraykuchus noqaqa Dios kani, manataj runachu. Noqa chawpiykichejpi May Llimphu Kaj Diosmin kani, manataj phiñasqachu qankunaman jamusaj.

Joel 2:23

Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Miqueas 5:8

8 (7) Chaypacha Jacobpa ayllunmanta puchojkunaqa ashkha suyukunaj chawpinkupi kanqanku, imaynatachus león k'ita animalkuna ukhupi purin, ajinata. Imaynatachus uña león ovejakunaj chawpinkuta pasaj jinalla t'ajllaspa wañurachin, manataj ujtapis saqenchu, ajina Jacobpa ayllunmanta puchojkuna kanqanku waj suyukuna ukhupi.

San Mateo 3:12

Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

Romanos 5:11

Mana chayllachu. Astawanqa Tukuyta Kamachej Jesucristonejta Dioswan allinpi kawsakunaman churasqa kasqanchejmanta kusikullanchejtaj, imaraykuchus paynejtamin Dioswan allinyachisqa kanchej.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.