Isaías 41:14 - DIOSPA QHELQACHISQ

¹⁴ Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Qheshwa Biblia DC

¹⁴ Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

DIOSPA QHELQACHISQAN DEUTEROCANONICAL

¹⁴ Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 41:14 ပူးပေါင်းရင်းမြစ်များ

Job 19:25

Noqarí yachani kutikuwajniy kawsashasqanta, kay pachapi pay noqaman kutikunawanta yachallanitaj.

Job 25:6

Tukuy runakuna mana imapis valenchejchu. Noqanchejqa khuru jinalla kanchej, nispa.

Salmos 19:14

14 (15) Qanmin, Tata Dios, pakakunay chhanka kanki, kacharichiwaj Diosniytaj. Chayrayku ñawpaqeykipi parlasqay, yuyasqaypis allin kachun.

Salmos 22:6

6 (7) Noqatajrí mana runachu kani, manachayqa khurulla. Runaj asikunan kani, millachikunantaj.

Salmos 46:5

Diosninchej chay llajta chawpipi kashan. Paymin chay llajtata sayachenqa, tutamantataj yanapanqa.

Salmos 78:35

Chaypacha Patapi Kaj Diosmanta yuyarikoj kanku paymin pakakunanku, kacharichejninkutaj kasqanta.

Isaías 35:10

Ajinata Tata Diospa qhespichisqan kajkuna kutimponqanku, Sionmantaj takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunapaj tukukaponqa.

Isaías 37:4

Ichapis Tata Diosniyki Asiriamanta soldadokunata kamachejpa nisqanta uyarin, pitachus Asiriata kuraj kamachej kachamun kaypi Kawsaj Diospa contranta parlananpaj, chaypata. Tata Diostaj payta imatachus parlasqanmanta jasut'ichun. Chayrayku Tata Diosmanta mañapuwayku ari, kaypi mashkhachus puchunchejraj, chaykunapaj, nispa.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 43:14

Israelpa May Llimphu Kaj Diosnin, pagota qospa kacharichisoj Tata Diosqa ajinata nin: Qankunarayku Babiloniaman soldadokunata kachasaj, Babiloniapi tiyakojkunatataj ayqechisaj. Jinallataj barcokunapi purej runaykachaj caldeokunapis may llakiypi rikhurenqanku.

Isaías 43:3

Noqa Tata Diosniyki kani, Israelpa May Llimphu Kaj Diosnin, qhespichisojniykitaj. Kacharichisunaypaj noqa Egiptota, Etiopiata, Sebatawan ima qanmanta pagota jina qorqani.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Isaías 44:24

Manaraj paqarikushajtiyki, Tata Dios ruwasorqaña, chaymantataj pagaspa kacharichisorqa, paytaj ajinata nin: Noqamin tukuy imata ruwaj Tata Dios kani. Noqalla janajta jatunman aysarqani. Kay pachata ruwashajtiy, mana pipis noqawanchu kasharqa.

Isaías 44:6

Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

Isaías 47:4

Tukuy Atiyniyoj Tata Diosqa qhespichiwajninchej. Israelpa May Llimphu Kaj Diosnenqa kay jinata nin:

Isaías 48:17

Israelpa May Llimphu Kaj Diosnin, pagota qospa kacharichisoj Tata Dios ajinata nin: Noqamin Tata Diosniyki kani. Noqa yachachiyki imachus qanpaj allin kasqanta, jinataj may ñantachus purinaykita rikuchiyki.

Isaías 49:26

Chay ñak'arichisojkunaman kikin aychallankutataj mikhuchisaj, yawarnillankuwantaj vinowan jina paykunata machachisaj. Ajinamanta tukuy runakuna yachanqanku noqa Tata Dios pagota qospa kacharichisoj kasqayta. Noqaqa Jacobta kamachej kani, may atiyniyojtaj, nispa.

Isaías 49:7

Israelpa May Llimphu Kaj Diosnin, qhespichej Tata Dios kay jinata nin pisipaj qhawasqa kajman, waj llajtakunaj chejnikusqankuman, ñak'arichejkunaj wata runanman ima: Kuraj kamachejkuna, kurajkuna ima qanta rikususpa, sayarikonqanku. Qanman k'umuykukonqanku, Israelpa May Llimphu Kaj Diosnin Tata Diosrayku, pichus nisqanta junt'anpuni, pitajchus ajllakusorqa, payrayku, nispa.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Isaías 54:8

K'araj phiñakuyniypi mana unaytachu qanmanta pakakorqani. Chaywanpis wiñay munakuyniywan qanta khuyasqayki. Ajinata qhespichisoj Tata Dios nin.

Isaías 59:20

Tata Dios nin: Preciota pagaspa kacharichejqa Sión llajtaman jamonqa, Jacobpa ayllunmanta pikunachus noqaman juchankumanta kutirikojkunata kacharichinanpaj, nispa.

Isaías 60:16

Waj suyukunaj aswan sumaj mikhunankuta mikhunki, kuraj kamachejkunaj kapuyninkuwantaj kawsanki. Chaypacha rejsiwanki noqa Tata Diosmin qhespichisoj kasqayta, pagaspa kacharichisojniyki, Jacobpa Tukuy Atiyniyoj Diosnin ima kasqayta.

Isaías 63:16

Qanlla tatayku kanki, tatayku Abraham mana rejsikuwajtiykupis. Ñawpa tatayku Israel mana yuyarikuwajtiykupis, qanpuni tatayku kanki, Tata Dios. Wiñaymantapacha pagaspa kacharichiwajniyku kanki.

Jeremías 46:27

Kamachiy Jacob, ama mancharikuychu. Israelníy, ama llawch'iyaychu. Qanwan, wawaykikunawanpis karu suyuman apasqa karqankichej. Noqatajrí chaymanta pusakampusqaykichej. Watej ni pejpa mancharichisqan allinta kawsakunki.

Jeremías 50:34

Jinapis preciota pagaspa kacharichejninkoqa may kallpasapamin, sutintaj Tukuy Atiyniyoj Tata Dios. Paymin paykunarayku justiciata ruwanqa, allin kawsaytataj suyunkuman apamonqa. Babiloniapi tiyakojkunamanrí jatun manchachikuyta kachaykonqa, nispa.

Lamentaciones 3:57

Qhaparikamorqayki, chay p'unchay qayllaykamuwaspa, niwarqanki: Ama manchachikuychu, nispa.

Daniel (hebreo) 10:12

Chantá niwarqa: Daniel, ama mancharikuychu. Qanqa ñawpaj p'unchaymantapacha, mana entiendey atina imakunata yachayta munaspa, Diosman k'umuykuyta yuyaychakorqanki. Chaymantapacha Diosqa mañakusqaykita uyarishasorqa, chayraykutaj noqa jamuni.

Oseas 11:9

Mana phiñakuyniy k'ajarisqanman jinachu ruwasaj. Mana ujtawan Efrainta chinkachisajñachu, imaraykuchus noqaqa Dios kani, manataj runachu. Noqa chawpiykichejpi May Llimphu Kaj Diosmin kani, manataj phiñasqachu qankunaman jamusaj.

San Mateo 7:14

Chaywanpis wiñay kawsayman pusaj ñanqa k'ullkumin, chayman yaykuna punkupis k'ullkullataj. Chayta tarejkunataj pisilla kanku.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Romanos 9:27

Israelitakunamanta parlaspa, Isaiaspis nillarqataj: Israelitakunaj mirayninchus mama qochapi t'iyu jina kanman chaypis, chaykunamanta pisilla qhespichisqa kanqanku.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Deuteronomio 7:7

Tata Diosqa qankunata munakususqanrayku ajllakusorqachej, mana waj llajtayojkunamanta nisqa aswan ashkha kasqaykichejraykuchu. Qankunaqa paykunamanta nisqa mana kasu ruwana karqankichej.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Josué 17:18

Chay sach'arara orqokunantin qankunajta kanan tiyan. Chay monteta chaqospa, jallp'ata jap'ikapuychej. Chaypi tiyakoj cananeokunataqa qankuna wijch'unkichej. Mana imananchu fierro carretakunayoj kasqankoqa, nitaj may jina kallpayoj kasqankupis, nispa.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.