Isaías 41:11 - DIOSPA QHELQACHISQ

¹¹ Chantá qanta tukuy chejnisojkunaqa p'enqachisqa, k'umuykuchisqataj kanqanku. Qanwan maqanakojkunaqa manapis kankumanchu jina wañuchisqa kanqanku.

Qheshwa Biblia DC

¹¹ Qanta tukuy chejnikusojkunaqa p'enqachisqas k'umuykachachisqastaj kanqanku, mana imananankutapis yachakonqankuchu. Qanwan maqanakojkunaqa manapis kankumanchu karqa jina tukukaponqanku.

DIOSPA QHELQACHISQAN DEUTEROCANONICAL

¹¹ Chantá qanta tukuy chejnisojkunaqa p'enqachisqa, k'umuykuchisqataj kanqanku. Qanwan maqanakojkunaqa manapis kankumanchu jina wañuchisqa kanqanku.

Isaías 41:11 ပူးပေါင်းရင်းမြစ်များ

Éxodo 11:8

Chaymantaqa tukuy yanapasojkuna jamuwanqanku, ñawpaqeyman qonqoriykukuspataj, niwanqanku: Ripuychej ari, qan, chantá pikunachá qanwan kashanku, chaykunapis, nispa. Chaypacharaj noqa ripusaj, nispa. Ajinata Moisés faraonta niytawan, faraonpa ñawpaqenmanta manchay phiñasqa llojsiporqa.

Éxodo 12:29

Jinapi chawpi tutata Tata Diosqa Egipto llajtayojkunaj tukuy kuraj kaj churinkunata wañuracherqa. Wañucherqa faraonpa kuraj kaj churin, pichus kamachinan tiyanapi tiyaykunan karqa, chaymanta, carcelpi wisq'asqa kasharqa, chaypa kuraj kaj churinkama. Jinallataj tukuy uywakunaj phiwi uñantapis wañuchillarqataj.

Éxodo 23:22

Sichus cheqatapuni payta kasunki chay, tukuy nisqantataj ruwanki chayqa, noqa awqaykej awqan kasaj. Pichus contraykipi sayaykusojman noqa sayaykullasajtaj.

Isaías 17:13

Chaywanpis Tata Dios paykunata k'amejtinkama, karuman ayqerikaponqanku, orqopi wayraj apaykachasqan q'opa jina, chayrí imaynatachus muyoj wayra sach'ata ujllata oqharin, ajinata.

Isaías 29:5

Chantá awqaykunapis ñut'u jallp'a jina ñut'usqa kallanqankutaj. Manchay kallpawan contraykita jamojkuna wayrawan apachikoj q'opa jina apaykachasqa kanqanku. Mana yuyasqallamanta ujllata

Isaías 29:7

Tukuy suyumanta chay chhika runakuna Arielwan maqanakusqankoqa mosqoypi jinalla kanqa. Arielpa contranta tukuy maqanakojkuna, chantá pakakunan wasinta urmachejkuna, jinallataj llakiyman churajkunapis mosqoypi jinalla chinkaponqanku.

Isaías 29:8

Yarqhasqa runa mosqoynillanpi mikhuspa, yarqhasqa rijch'arin. Jinallataj mosqoynillanpi manchayta yakumanta ch'akichikuspa yakuta ujyan. Chaywanpis may ch'akisqa, siminpis may pharalla rijch'arin. Ajinallataj kanqa chay chhika runakuna Sión orqoj contranta maqanakojkunawanqa.

Isaías 34:12

Chay llajtata kamachinanpaj mana kuraj kamachej kanqachu, imaraykuchus tukuy kurajkuna chinkaponqanku.

Isaías 40:17

Tata Diospa ñawpaqenpi tukuy suyoqa mana imachu kanku, tukuyninkutaj manapis kankumanchu jinalla kanku.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 41:24

Chaywanpis qankuna lantikuna, mana imachu kankichej, manallataj imatapis ruwayta atinkichejchu. Chayrayku qankunata yupaychajkuna qhesachasqa, pisipaj qhawasqataj kanku, nispa.

Isaías 41:29

Tukuyninku qhasi manakaj kanku, manataj imatapis ruwayta atinkuchu. Jich'aspa ruwasqaykichej lantikunaqa qhasi manakaj kanku.

Isaías 45:24

Noqamanta nenqanku: Cheqapuni Tata Diosllamanta justiciawan, jatun atiywan ima jamun, nispa. Noqallaman tukuypis jamonqanku, pikunachus contraypi ruwajkunapis may p'enqaypi rikhurenqanku.

Isaías 49:25

Tata Diostajrí ninpuni: Presochasqa runaqa kallpayoj soldadoj makinmanta qhechusqa kanqa, presochasqa runapis millay runaj makinmanta kacharichisqallataj kanqa. Qanwan churanakojkunawan noqa churanakusaj, noqa kikiytaj wawaykikunata kacharichisaj.

Isaías 49:26

Chay ñak'arichisojkunaman kikin aychallankutataj mikhuchisaj, yawarnillankuwantaj vinowan jina paykunata machachisaj. Ajinamanta tukuy runakuna yachanqanku noqa Tata Dios pagota qospa kacharichisoj kasqayta. Noqaqa Jacobta kamachej kani, may atiyniyojtaj, nispa.

Isaías 54:15

Sichus pipis qanwan maqanakoj sayaykamusonqa chayqa, mana noqaj kamachisqayraykuchu kanqa. Pillapis qanpa contraykipi sayaykojqa ñawpaqeykipi urmanqa.

Isaías 54:17

Chaywanpis qanta chinkachinanpaj armata mana pipis ruwayta atenqachu. Pichus contraykita parlajtaqa juezpa ñawpaqenpi ch'inyachillankipuni. Chaykunata kamachiypi kajkunaman qoni, noqataj paykunata qhespichisaj. Ajinata noqa Tata Dios nini.

Jeremías 12:17

Chaywanpis sichus mayqen suyu mana uyarikoj kanman chayqa, chay suyuta saphinmanta t'iraytawan, chinkachisaj, nispa. Ajinata noqa Tata Dios nini.

Jeremías 2:3

Israel noqapaj t'aqasqa karqa, chajraymanta aswan allin kaj oqharisqay jina karqa. Pillapis paykunata ñak'arichejtenqa, noqa ñak'arichillajtaj kani, sinch'i ñak'ariykunata apachispa. Noqa Tata Diosmin chayta nini.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

Zacarías 12:3

Chay p'unchaypi Jerusalenta mana oqhariy atina llasa rumiman tukuchisaj. Mayqen suyupis chay rumita oqhariyta munajtin, wasan ch'utanqa. Chaypachaqa tukuy suyukuna Jerusalenpa contranpi tantaykukonqanku.

Hechos 16:39

Chantá carcelman rispa, paykuna mañarqanku Pablowan, Silaswan chay ruwasqankuta qonqayman churanankuta. Jinaytawantaj, carcelmanta paykunata orqhospa, mañallarqankutaj chay llajtamanta ripunankuta.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.