Isaías 40:9 - DIOSPA QHELQACHISQ

⁹ Sión llajta, sumaj willaykunata apamoj, orqo pataman wichariy. Jerusalenman sumaj willaykunata apamoj, mana manchachikuspa, jatunmanta qhapariy. Judá suyupi llajtakunaman chay jinata willay: Diosniykichej chayamushanña, nispa.

Qheshwa Biblia DC

⁹ Sión, uj alto orqoman wichariy, jatunmanta qhapariy, sumaj willaykunata willanaykipaj. Jerusalén, ama manchachikuspa qhapariy. Judá llajtasman willay: Kaypi Diosniykichej kashan, nispa.

DIOSPA QHELQACHISQAN DEUTEROCANONICAL

⁹ Sión llajta, sumaj willaykunata apamoj, orqo pataman wichariy. Jerusalenman sumaj willaykunata apamoj, mana manchachikuspa, jatunmanta qhapariy. Judá suyupi llajtakunaman chay jinata willay: Diosniykichej chayamushanña, nispa.

Isaías 40:9 ပူးပေါင်းရင်းမြစ်များ

2 Crónicas 13:4

Chantá Abiasqa Efraín orqorara cheqaman chayaspa, Semarayin orqo pataman wicharerqa, chaymantataj qhaparerqa: Jeroboán, jinataj tukuy israelitakuna, uyariwaychej:

Isaías 1:1

Judá suyupi Uzías, Yotán, Ajaz chantá Ezequías ima ujmanta uj kamachishajtinku, Tata Diosqa Amozpa churin Isaiasman, mosqoypi jina kay jinata willarqa Judá suyumanta, Jerusalén llajtamantawan:

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 41:27

Noqarí ñawpajtaña Sión llajtaman nerqani: Qhawariychej, yanapasojniykichej kaypiña, nispa. Jerusalenmantaj uj kachata sumaj willaykunawan kacharqani.

Isaías 44:26

Chaywanpis kamachiykunaj nisqanku junt'akunanta ruwani, jinallataj kachasqay runakunaj yuyasqankupis. Paykunanejta Jerusalenman nini: Kay cheqapi runakuna watej tiyakonqanku, nispa. Nillanitaj: Judá suyupi llajtakunapis watej ruwasqa kanqanku, nispa. Kamachillanitaj laqayakunapis watej sayarichisqa kanankuta.

Isaías 51:12

Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Isaías 51:7

Uyariwaychej, cheqan kajta rejsejkuna, pikunachus yachachiyniyta sonqoykichejpi jap'ikojkuna: Runakuna qankunamanta millayta rimasqankuta ama manchachikuychejchu, amataj chay jinatapuni alqochakusqankurayku q'enaqakuychejchu.

Isaías 52:6

Uj p'unchay chayamonqa, chaypachataj israelitakuna sutiyta rejsenqanku. Chay p'unchaypitaj yachanqanku noqapuni chayta ruwasqayta. Arí, chayta noqapuni nini.

Isaías 58:4

Qankuna ayunashaspaqa, phiñanakunkichej, churanakunkichej ima, manakajllamanta sajmanakunkichej. Chay jinata ayunashaspa, yuyankichejchu noqawan janaj pachapi uyarichikunaykichejta?

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Jeremías 22:20

Qan, Jerusalén, Líbano orqoman wicharispa, qhapariy. Basán orqokunapi jatunmanta waqay. Abarín orqomantapacha qhapariy, imaraykuchus qanman tukuy sayakusqa kajkuna atipasqaña kanku.

Jeremías 29:11

Noqalla yachani imatachus qankunapaj yuyasqayta. Chay yuyayqa mana qankuna ñak'arichisqa kanaykichejpajchu, manachayqa qankuna allinta kawsakunaykichejpaj yuyani, jinallataj qhepanejmanpis allin kawsayta tarinaykichejpaj. Noqa Tata Diosmin chayta nini.

Nahúm 1:15

15 (2.1) Qhawaychej, orqo patanejta chaski jamushanña. Payqa allin willaykunata apamushan, kusiy kawsaymanta willaykunata. Judá, Diospaj yupaychana raymita ruway, imaraykuchus manaña jayk'ajpis sajra runakuna suyuykichejman junt'aykamonqankuchu. Astawanpis tukuyninku wañuchisqa kanqanku.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

Hechos 2:14

Chantá Pedroqa Jesuspa chunka ujniyoj kuraj kachankunawan khuska kashaspa, sayariytawan jatunmanta parlarqa: Judiokuna, Jerusalenpi tukuy tiyakojkuna ima, kayta qankuna yachanaykichej tiyan. Chayrayku allinta uyariwaychej.

Hechos 4:13

Chaypacha kurajkuna mayta t'ukorqanku Pedrotawan, Juantawan mana manchachikuspa parlajta rikuspa. Astawanqa chay kurajkuna yacharqanku Pedrowan, Juanwan mana sumaj yachaj runakunawanchu yachakusqankuta. Jinapis repararqanku paykuna Jesuswan khuska purisqankuta.

Hechos 4:29

Kunanqa Tukuyta Kamachej Dios, qhawariy imaynatachus paykuna phiñakuspa, manchachiwasqaykuta. Chantá kay kamachiykikunata kallpachawayku ari, mana manchachikuspa Simi nisqaykita willanaykupaj,

Romanos 10:18

Kunanrí tapuni: Manachu israelitakuna Jesucristomanta sumaj willayta uyarerqanku? Arí, uyarerqankupuni, imaynatachus Salmos sutiyoj qhelqapi nin: Paykunaj willasqankoqa tukuynejman chayarqa, kay pachapi tukuy runaman, nispa.

Efesios 6:19

Noqapajpis mañapullawaychejtaj sumaj willaymanta parlashajtiy, Dios imatachus ninayta yuyaychanawanpaj. Ajinamanta mana manchachikuspa, Diospa wakichisqanmanta pakasqa yachayta sut'inchayta atisaj.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

1 Pedro 3:14

Sichus cheqanta ruwasqaykichejrayku ñak'arichisqa kankichej chayrí, may jina kusikuyniyojmin kankichej. Chayrayku, pikunachus ñak'arichisojkunata ama manchachikuychejchu, nitaj phutikuychejchu.

Jueces 9:7

Yotanqa chayta yachaytawankama, Guerizín orqoman wicharispa, sinch'ita qhaparerqa, tukuy uyarinankupaj jina: Uyariwaychej allinta Sichem llajtayojkuna, ichapis ajinata Tata Dios qankunatapis uyarisunkichejman, nispa.