Isaías 40:5 - DIOSPA QHELQACHISQ

⁵ Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Qheshwa Biblia DC

⁵ Chaypi Señorpa atiynin rikuchisqa kanqa. Tukuy runataj rikonqanku, imaraykuchus kaytaqa kikin Señormin nin.

DIOSPA QHELQACHISQAN DEUTEROCANONICAL

⁵ Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Isaías 40:5 ပူးပေါင်းရင်းမြစ်များ

1 Reyes 14:11

Jeroboanpa ayllunmanta llajtapi wañojtinku ayankuta alqokuna mikhonqanku, campopi wañojkunatataj suwintukuna mikhonqanku, imaraykuchus ajinata nin Tata Diosqa, nispa.

Salmos 102:16

16 (17) imaraykuchus qan, Tata Dios, Sión llajtata watej sayarichinki. Ajinata ruwaspa, atiyniyoj kasqaykita rejsichinki.

Salmos 102:17

17 (18) Qanqa mana piniyoj runaj mañakusqanta uyarinki, mañakusqantapis mana qhesachankichu.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Salmos 96:6

Ñawpaqenpeqa jatun kayninpa k'anchaynin lliphipishan. Yupaychana wasinpitaj atiyninwan, k'acha kaywan ima tiyan.

Salmos 97:6

Janajkunaqa cheqan kayninmanta willanku, tukuy runataj jatun kayninpa lliphipiyninta rikunku.

Éxodo 16:7

Tutamanta Tata Diospa jatun kayninpa lliphipiyninta rikunkichej. Payqa paypaj rimasqaykichejta uyarisunkichej. Noqaykurí, pitaj kayku, noqaykupaj thutunaykichejpajri? nispa.

Isaías 1:20

Manapuni kasukuyta munankichej chayrí, espadawan wañuchisqa kankichej. Noqa Tata Diosmin chayta nini.

Isaías 11:9

Tata Diospaj t'aqasqa orqopeqa mana ima millaytapis ruwanqankuchu, imaraykuchus tukuy kay pacha Tata Diosta rejsej runakunawan junt'a kanqa, imaynatachus mama qochaman yaku junt'aykun, ajinata.

Isaías 26:15

Qan, Tata Dios, kay suyuykuta jatunyacherqanki, sutiyki jatunchasqa kananpaj. Kay suyuykoj mojonninkunatapis aswan jaqayman churarqanki.

Isaías 34:16

Tata Diospa qhelqanta ñawiriychej. Chaypi willanqa tukuynin chay uywakunamanta, sapa uj yanantin ima, imaraykuchus kikin Tata Diospuni chayta kamachin, Espirituntaj ujllaman chaykunata tantaykonqa.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 40:4

Tukuy meq'ankunaman junt'achiychej, jinataj orqokunata, moqokunata ima pampachaychej. Wist'u kajta cheqanyachiychej. Moqo moqolla kajtapis pampachaychej.

Isaías 41:20

Chayta ruwasaj tukuy runaj rikunanta, allinta reparaspa umachakunankupaj. Paykuna yachanqanku noqa Tata Dios jatun atiyniywan chaykunata ruwasqayta. Yachallanqankutaj noqa, Israelpa May Llimphu Kaj Diosnin chay imakunata rikhurichisqayta, nispa.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 58:14

Ajinatachus qankuna ruwankichej chayqa, aylluy kasqaykichejmanta kusikunkichej. Noqaqa chhika pataman churasqaykichej, tataykichej Jacobpa chayaqen jallp'apitaj sumajta mikhuchisqaykichej, nispa. Ajinata Tata Dios nin.

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Isaías 60:1

Jerusalén, sayarispa lliphipiriy, imaraykuchus k'anchayniyki chayamunña, Tata Diospa jatun kayninpa lliphipiynintaj pataykipi k'anchashan.

Isaías 66:16

Tata Dios tukuyta juzganqa, jinataj may chhika runakunata ninawan, espadawan ima wañurachenqa.

Isaías 66:18

Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Isaías 66:23

Killamanta killa, sapa mosoj killapi, sapa samarina p'unchaypi, paykuna tukuyninku noqata yupaychawaj jamonqanku. Ajinata noqa Tata Dios nini.

Jeremías 32:27

Noqa Tata Diosmin tukuy kawsajpa Diosninku kani. Noqapajqa mana imapis mana atikojqa kanchu.

Jeremías 9:12

12 (11) Pitaj yachayniyoj kanman kay imakunata sut'inchananpajri? Pimantaj Tata Dios chaykunamanta sut'incharqa, wajkunaman willananpajri? Imaraykutaj kay suyu ch'inyachisqa kashan, ch'aki pampa mana pejpa purinan jinari? nispa.

Joel 2:28

28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

Miqueas 4:4

Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Habacuc 2:14

Chaypachataj kay pachaqa Tata Diospa jatun kayninmanta yachaywan junt'a kanqa, imaynatachus mama qochaman yaku junt'aykun, jinata.

Zacarías 2:13

13 (17) Tukuy kay pachapi runakuna Tata Diospa ñawpaqenpi ch'in kachunku, imaraykuchus payqa noqanchejman jamun may llimphupaj qhawasqa cheqamanta, maypichus tiyakun, chaymanta.

San Lucas 2:32

Payqa tukuy suyupi kajkunaman k'anchanqa, jinallataj Israel aylluyki jatunchasqa kananpaj kanqa, nispa.

San Lucas 3:6

Chantá tukuy runaqa Diospa kachamusqan qhespichejta rikonqanku, nispa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 12:41

Diosmanta sut'inchaj Isaías ajinata nisqa, imaraykuchus Diospa kachamusqan Cristoj atiyninta rikusqa. Chayrayku Cristoj jatun kayninpa lliphipiyninmanta chayta parlasqa.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

Hechos 2:17

Dios nin imachus qhepa p'unchaykunapi kananta: Tukuy runaman Espirituyta qosaj. Jinataj churiykichej, ususiykichejpis Diosmanta sut'inchanqanku. Qankuna ukhumanta waynakunaqa mosqoypi jina rikonqanku, machu runaykichejkunapis mosqokullanqankutaj.

2 Corintios 3:18

Chayrayku tukuyninchej Diospa jatun kayninpa lliphipiyninta uya qhatarasqa qhawashanchej broncemanta espejopi jina. Jinallataj Diospa Espíritun paypa rijch'ayninman tukuchishawanchej, astawan astawan Diospa jatun kaynin noqanchejpi rikuchikunanpaj.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Apocalipsis 21:23

Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.