Isaías 40:3 - DIOSPA QHELQACHISQ

³ Uj runata kay jinata qhaparishajta uyarerqani: Tata Diospaj uj ñanta ch'innejpi kichaychej, ch'aki t'ojra jallp'apitaj Diosninchejpaj cheqan ñanta ruwapuychej.

Qheshwa Biblia DC

³ Uj runaj qhaparisqan uyarikun: Señorpaj uj ñanta pichapuychej ch'in pampapi. Diosninchejpaj ch'in pampapi jatun ñanta cheqanta ruwapuychej.

DIOSPA QHELQACHISQAN DEUTEROCANONICAL

³ Uj runata kay jinata qhaparishajta uyarerqani: Tata Diospaj uj ñanta ch'innejpi kichaychej, ch'aki t'ojra jallp'apitaj Diosninchejpaj cheqan ñanta ruwapuychej.

Isaías 40:3 ပူးပေါင်းရင်းမြစ်များ

Salmos 68:4

4 (5) Qankunaqa Diosman takiychej, sutinmantaj takiykunata takiychej. Phuyu patapi purejta jatunchaychej. Paypa sutenqa Tata Diosmin, paypa ñawpaqenpitaj kusikuychej.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Isaías 40:4

Tukuy meq'ankunaman junt'achiychej, jinataj orqokunata, moqokunata ima pampachaychej. Wist'u kajta cheqanyachiychej. Moqo moqolla kajtapis pampachaychej.

Isaías 43:19

Kunan noqa uj mosoj imata ruwasaj, chaytaj rikhurishanña. Manachu chayta qankuna reparashankichejri? Ch'innejpi watej uj ñanta kicharisaj, mayukunatataj ch'aki pampakunapi rikhurichisaj.

Isaías 49:11

Noqaqa orqoyta jatun ñankunaman tukuchisaj, chaki ñankunataj sumaj pichasqa kanqanku.

Isaías 57:14

Tata Dios nillantaj: Ñanta pichaychej. Ñanmanta rumikunata wijch'uychej aylluy chayninta karu suyumanta kutimpunanpaj.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

San Juan 1:23

Chantá Juanqa Diosmanta sut'inchaj Isaiaspa nisqanman jina kuticherqa: Noqaqa ch'innejpi qhaparej kani: Tukuyta Kamachej Dios jamunanpaj ñanta pichaychej, nispa.