Isaías 40:2 - DIOSPA QHELQACHISQ

² K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Qheshwa Biblia DC

² K'acha simiwan Jerusalenmanqa parlaychej. Kamachi kanaykichej p'unchayqa tukukapun, juchasniykichejqa pampachasqaña. Chay juchasniykichejmanta jasut'itaqa uj jinatawanña Señorpa makinmanta jap'inkichej.

DIOSPA QHELQACHISQAN DEUTEROCANONICAL

² K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 40:2 ပူးပေါင်းရင်းမြစ်များ

Génesis 34:3

Chaywanpis Sichempa sonqonman Dina yaykusqanrayku, payta anchatataj munakorqa. Chayrayku Dinaj sonqonta suwayta munaspa, atisqanta ruwarqa.

2 Crónicas 30:22

Ezequiastaj levitakunata tukuy sonqowan Tata Diosta kamachinpi ruwajta rikuspa, sumajta parlaykuspa, sonqonkuta pataman oqharerqa. Qanchis p'unchay junt'ata ñawpa tatankoj Tata Diosninkuta yupaycharqanku, chantá ñak'asqa uywakunata jaywasqankumanta, allinyakuna jaywanamantawan mikhorqanku.

Salmos 32:1

(1b) Kusikuyniyojmin runaqa juchan pampachasqa kajtin, tukuy millay ruwasqantaj p'ampasqa kajtin.

Salmos 85:3

3 (4) Phiñakuyniykita ñit'iykukorqanki, k'araj phiñakuyniykitataj tiyaykuchikorqanki.

Éxodo 22:3

3 (2) Sitajchus p'unchay wañuchinman chayrí, pichus wañuchej juchayoj kanqa. Pichus suwashaspa jap'ichikojrí suwasqanpa valorninta kutichipunan tiyan. Mana qolqen tiyapunmanchu chayrí, pay kikin vendesqa kanqa, chay qolqewan suwakusqanmanta junt'ananpaj.

Eclesiastés 3:4

Uj tiempoqa waqanapaj tiyan, uj tiempotaj asinapaj. Uj tiempoqa llakikunapaj tiyan, uj tiempotaj kusikunapaj.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 14:3

Israel ayllu, maypachachus Tata Dios samarikuyta qosonqachej chay jinata ñak'arisqaykichejmanta, jinallataj phutikusqaykichejmanta chantá chay jina sinch'i ruwaymanta ima chaypacha,

Isaías 27:9

Ajinamanta Jacobpa millay ruwasqan pampachasqa kanqa. Chay runakunaj juchanku pampachasqa kasqanmantataj paykuna kayta ruwanqanku: Lantikunaj altarninkoj tukuy ruminta, cal rumita jina ñut'usqata ruwanqanku. Lanti Asera k'ullukunatapis manaña sayajta saqenqankuchu, nitaj lantiman inciensota q'oshñichina altarkunatapis.

Isaías 33:24

Mana pipis nenqachu: Onqosqa kani, nispa. Manachayqa Tata Diosqa Sión llajtapi tiyakojkunaj juchankuta pampachanqa.

Isaías 35:4

Manchachikojkunamantaj niychej: Kallpachakuychej, amataj manchachikuychejchu. Qhawariychej, Diosniykichej jamushan awqanchejkunata ñak'arichispa, ruwasqankuman jina pagachikunanpaj, kacharichinawanchejpajtaj, nispa.

Isaías 43:25

Chaywanpis Diosniyki kasqayrayku, chay millay juchaykita llimphuchasaj. Juchaykikunatataj qonqayman churasaj.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Isaías 49:25

Tata Diostajrí ninpuni: Presochasqa runaqa kallpayoj soldadoj makinmanta qhechusqa kanqa, presochasqa runapis millay runaj makinmanta kacharichisqallataj kanqa. Qanwan churanakojkunawan noqa churanakusaj, noqa kikiytaj wawaykikunata kacharichisaj.

Isaías 51:17

Jerusalén llajta, rijch'ariy, rijch'arikuy, sayarikuytaj. Qanqa Tata Diospa k'araj phiñakuyninwan junt'a kashan, chay copata makinmanta jap'ispa, ujyarqanki. Qan machanaykikama phiñakuynin copamanta qonchuntinta ujyaykorqanki.

Isaías 53:5

Chaywanpis pay k'irisqa kanqa noqanchej Tata Diosta mana kasusqanchejmanta, juchanchejraykutaj tukuy ukhun t'unasqa kanqa. Jinapis pay jasut'isqa kasqanrayku sonqo tiyaykuyta apamuwasunchej, ukhun chay jina khallasqa kasqanraykutaj qhaliyachisqa kasunchej.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Isaías 54:15

Sichus pipis qanwan maqanakoj sayaykamusonqa chayqa, mana noqaj kamachisqayraykuchu kanqa. Pillapis qanpa contraykipi sayaykojqa ñawpaqeykipi urmanqa.

Isaías 54:17

Chaywanpis qanta chinkachinanpaj armata mana pipis ruwayta atenqachu. Pichus contraykita parlajtaqa juezpa ñawpaqenpi ch'inyachillankipuni. Chaykunata kamachiypi kajkunaman qoni, noqataj paykunata qhespichisaj. Ajinata noqa Tata Dios nini.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Isaías 6:7

Chantá nina k'ajawan simiyman chayaykuchiwaspa, niwarqa: Kay nina simiykiman chayasqanrayku kunanqa juchayki pichasqaña, juchaykimantataj llimphuchasqa kanki, nispa.

Isaías 61:7

Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

Isaías 66:13

Imaynatachus mamaqa wawanta sonqocharin, ajinallatataj noqapis qankunata sonqocharisqaykichej. Sonqochasqa kaytaqa Jerusalenpi tarinkichej, nispa.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Jeremías 17:18

Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Jeremías 29:11

Noqalla yachani imatachus qankunapaj yuyasqayta. Chay yuyayqa mana qankuna ñak'arichisqa kanaykichejpajchu, manachayqa qankuna allinta kawsakunaykichejpaj yuyani, jinallataj qhepanejmanpis allin kawsayta tarinaykichejpaj. Noqa Tata Diosmin chayta nini.

Jeremías 51:10

Tata Dios justiciata ruwawanchej. Chayrayku jamuychej, Tata Diosninchej imatachus ruwasqanta Sión orqopi willamusunchej.

Lamentaciones 4:22

Sión llajta, jasut'isqa kanayki junt'akun. Manaña jayk'ajpis ujtawan pay apachisonqachu. Chaywanpis, qan Edom suyu, jasut'isqapuni kanki, imaraykuchus Tata Diosqa juchaykita sut'iman orqhonqa.

Ezequiel 16:42

Ajinata ruwaspa, phiñakuyniyta qanpi thasnukusaj, sonqoypis tiyaykaponqa. Sonqoy tiyaykojtintaj, manaña astawanpis phiñakusajchu.

Daniel (hebreo) 11:35

Chay yachayniyojkunamantataj wakinkuna qhatiykachasqa kanqanku. Ajina ñak'ariynejta paykuna llimphuchasqa, sumajyachisqa, yurajyachisqataj kanqanku.

Daniel (hebreo) 12:4

Qantajrí Daniel, kay imakunata sonqollaykipi jap'iy, tukukuy p'unchay chayamunankamataj chay p'anqata sellaykuy. Ashkha runakuna kayman jaqayman phawarenqanku, tukuy imamanta astawan yachayta munaspa, nispa.

Daniel (hebreo) 12:9

Paytaj niwarqa: Daniel, imaynachus kakunaykita kakullay, imaraykuchus kay imakunamanta ni pi yachananchu tiyan tukukuy p'unchay chayamunankama.

Daniel (hebreo) 9:12

Chay jatun llakiyta apachimuspaqa, qan junt'ashanki imatachus niwasqaykuta noqaykuman, jinallataj kuraj kamachejniykukunamanpis. Jerusalenpa patanman urmamun, chay jina llakiytaj mana jayk'ajpis tukuy kay pachapi karqachu.

Daniel (hebreo) 9:2

Darío uj watata kamachishajtin, noqaqa Diosmanta sut'inchaj Jeremiaspa qhelqanta allinta yachayta munaspa ñawirisharqani. Chay qhelqapi nisqa Jerusalenqa qanchis chunka wata junt'ata thuñisqa kananta, sut'inchaj Jeremiasman Tata Dios nisqanman jina.

Oseas 2:14

14 (16) Chaywanpis aswan qhepaman noqaqa sonqonta ujtawan suwasaj. Ch'insitunejman payta pusaspa, sonqonman may misk'ita parlaykusaj.

Oseas 2:16

16 (18) Chaypacha: Qosaymin kanki, nispa niwanqa, manañataj niwanqachu: Baal diosníy, nispa. Chayta noqa Tata Diosmin nini.

Habacuc 2:3

Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

Sofonías 3:15

Tata Diosqa juchachasqa kasqaykichejta oqharipun. Pikunachus awqaykichej karqanku, chaykunatapis karunchan. Israelpa Kuraj Kamachejnin Tata Diosqa qankunawan khuska kashan. Mana ni imamanta manchachikunaykichej kanqañachu.

Zacarías 1:13

Jinapi Tata Dios sonqocharqa, pichus noqawan parlasharqa, chay angelta.

Zacarías 1:15

Chayrayku sinch'i phiñasqa kashani mana imamanta llakiyniyoj suyukunaj contrankupi. Maypachachus pisillataraj aylluypaj phiñakorqani chaypacha, paykuna Jerusalén llajtata may sinch'ita ñak'arichispa, astawan phiñachiwarqanku.

Zacarías 9:12

Pikunachus kacharichisqa kayta suyakojkuna, sumaj jark'achasqa wasiykichejman kutimuychej. Noqa niykichej, ñak'arisqaykichejmanta uj jinatawanraj kutichipusunaykichejta.

Hechos 1:7

Jesustajrí kuticherqa: Mana qankunachu yachanaykichej tiyan mayk'ajchus, chayrí ima phanitachus Tata Dios jatun atiyninpi chay imakunata ruwanqa, chaytaqa.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

Apocalipsis 18:6

Payman qopuychej, imaynatachus qankunaman qosorqachej ajinata, ruwasqanman jinataj iskay jinatawan kutichipuychej. Ima vasomantachá qankunaman ujyachisorqachej, chayllamantataj iskay jinatawan payman ujyachiychej.