Isaías 40:10 - DIOSPA QHELQACHISQ

¹⁰ Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

Qheshwa Biblia DC

¹⁰ Señor Diosniykichejqa jatun atiyninwan jamushan, makinwan tukuyta atipaspa. Payqa t'inkanwan jamushan, pagontapis apamushan.

DIOSPA QHELQACHISQAN DEUTEROCANONICAL

¹⁰ Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

Isaías 40:10 ပူးပေါင်းရင်းမြစ်များ

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Salmos 110:6

Tukuy suyumanta runakunata juzganqa. Ayankuta qollu qollullata tantanqa, kay pachapitaj tukuy kamachejkunata ch'allpanqa.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Isaías 28:2

Tukuyta Kamachej Dios kallpasapa soldadokunata kachamonqa. Paykunaqa chijchi para jina, sinch'i wayra jinataj jamonqanku, jinallataj loco para jina, ashkha yaku llump'imoj jinataj. Chantá tukuy kallpankuwan Samariata pampaman ch'allpanqanku.

Isaías 33:2

Tata Dios, noqaykumanta khuyarikuwayku ari. Noqaykoqa qanllapi atinikuspa suyakuyku. Qanqa sapa paqarin kallpachawayku ari, llakiy p'unchaypipis kacharichiwajniyku kay.

Isaías 49:4

Noqatajrí nerqani: Ruwasqayqa qhasi manakajlla, kallpaytapis qhasi manakajllata usucherqani, nispa. Chaywanpis imachus ruwasqayqa Tata Diospa makillanpi kashan, payllataj ruwasqaymanta t'inkata qowanqa.

Isaías 51:5

Justicia ruwanay p'unchay qayllapiña. Kacharichinay p'unchay ñanpiña kashan, atiyniywantaj tukuy suyuta kamachisaj. Mama qocha kantupi tiyakojkunaqa jatun atiyniywan paykunata yanapanayta suyanqanku.

Isaías 53:12

Chayrayku payta atiyniyojkunawan khuska jatunchasaj. Jinataj atipajkunaj t'inkankuta jap'enqa, pay kikin wañuyman jaywaykukusqanrayku. Payqa juchasapakunawan khuska yupasqa kanqa. Tukuypa juchankuta apanqa, paykunaraykutaj Diosmanta mañaponqa.

Isaías 59:15

Ch'uwa sonqo kayqa chinkapun, pichus mana allin kajta ruwanata saqepojmantataj, tukuy imanta qhechuspa apakapunku. Chayta rikuspa, Tata Dios phiñakorqa, manaña justicia kasqanrayku.

Isaías 59:16

Chaypacha Tata Dios t'ukorqa mana ujllapis ñak'arichisqa runata yanaparej kasqanmanta. Chayrayku pay kikin atiyninwan paykunata kacharicherqa, justiciantaj payta sumajta sayacherqa.

Isaías 59:18

Ajinata wakichikorqa awqankunaman ruwasqankuman jina qopunanpaj. Mayta phiñakuspa tukuy awqankunata, mama qocha kantupi tiyakojkunatawan jasut'enqa.

Isaías 62:11

Tata Dios tukuy kay pachapi kajkunaman nin: Sionpa ususinta niychej: Qhawariy, kacharichisojniyki t'inkan aparisqa jamushan, imatachus wakichisqanwan oqharisqa ima, nispa.

Isaías 63:5

Mask'arqani, manataj pipis yanapawaj karqachu. Mayta t'ukorqani mana pipis noqaman sayasqa kasqanmanta. Ajinapi noqalla atiyniywan aylluyta kacharichinaypaj wakichikorqani, jinataj k'araj phiñakuyniywan yanapachikorqani.

Jeremías 31:16

Tata Dios nillantaj: Raquel, amaña astawan waqaychu. Waqayniykita pichakuy, wawaykikunarayku ruwasqaykimantaqa t'inkayki kanqapuni. Wawaykikunaqa awqankoj suyunmanta kutimponqanku. Noqa Tata Diosmin chayta nini.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Juan 12:13

chay runakunaqa palma jap'irisqa Jesusta taripaj llojserqanku. Chantá qhaparerqanku: Diosniyku, qhespichiwayku. Tukuyta Kamachej Diospa sutinpi jamojqa yupaychasqa kachun. Israelpa Kuraj Kamachejnin jatunchasqa kachun, nispa.

San Juan 12:15

Jerusalenpi tiyakojkuna, ama manchachikuychejchu. Kuraj Kamachejniykichejqa burro uñapi lloq'asqa jamushasunkichej, nispa.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 20:11

Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

Apocalipsis 22:12

Jesús nillantaj: Arí, noqa t'inka aparisqa usqhayta jamushani, sapa ujman maychus ruwasqanman jina qopunaypaj.