Isaías 40:1 - DIOSPA QHELQACHISQ

¹ Qankunaj Diosniykichej nin: Sonqochaykuychej, Israel aylluyta sonqochaykuychej.

Qheshwa Biblia DC

¹ Qankunaj Diosniykichejqa nin: Sonqochakuychej, sonqochakuychej, israelitasníy.

DIOSPA QHELQACHISQAN DEUTEROCANONICAL

¹ Qankunaj Diosniykichej nin: Sonqochaykuychej, Israel aylluyta sonqochaykuychej.

Isaías 40:1 ပူးပေါင်းရင်းမြစ်များ

Nehemías 8:10

Chantá Nehemías nillarqataj: Riychej, allin mikhunata mikhukamuychej, upi vinotataj ujyarikamuychej. Wajchakunamantaj mikhunaykichejmanta jaywariychej, imaraykuchus kay p'unchayqa Tukuyta Kamachej Diospaj t'aqasqamin. Ama llakikuychejchu, imaraykuchus kusichisoj Tata Diosniykichej kallpachasonqachej, nispa.

Salmos 85:3

3 (4) Phiñakuyniykita ñit'iykukorqanki, k'araj phiñakuyniykitataj tiyaykuchikorqanki.

Salmos 85:8

8 (9) Noqa uyarisaj imatachus Tata Dios parlanqa, chayta. Payqa ayllunman, chantá payta qhatejkunaman sonqo tiyasqa kawsaymanta parlanqa, paykuna manaña mana yuyayniyojkuna jina purinankupaj.

Eclesiastés 3:4

Uj tiempoqa waqanapaj tiyan, uj tiempotaj asinapaj. Uj tiempoqa llakikunapaj tiyan, uj tiempotaj kusikunapaj.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 3:10

Cheqanta kawsaj runakunata niychej, paykunata tukuy imapi allin rinanta, imaraykuchus ruwasqankuman jina Tata Dios paykunaman kutichiponqa.

Isaías 41:27

Noqarí ñawpajtaña Sión llajtaman nerqani: Qhawariychej, yanapasojniykichej kaypiña, nispa. Jerusalenmantaj uj kachata sumaj willaykunawan kacharqani.

Isaías 50:10

Qankunamanta mayqenpis Tata Diosta manchachikoj kanmanchu? Diospa kamachinpa parlasqanta kasukoj kanmanchu? Laqhayaypi purejkuna, ni ima k'anchayta rikojkuna, Tata Diospi atinikuychej, paymantataj jap'ikuychej.

Isaías 51:12

Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 52:9

Jerusalén llajtaj laqayan, jatunmanta may kusiywan qhapariychej, imaraykuchus Tata Dios ayllunmanta khuyakun, jinataj Jerusalén llajtata kacharichin.

Isaías 60:1

Jerusalén, sayarispa lliphipiriy, imaraykuchus k'anchayniyki chayamunña, Tata Diospa jatun kayninpa lliphipiynintaj pataykipi k'anchashan.

Isaías 61:2

Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

Ezequiel 16:42

Ajinata ruwaspa, phiñakuyniyta qanpi thasnukusaj, sonqoypis tiyaykaponqa. Sonqoy tiyaykojtintaj, manaña astawanpis phiñakusajchu.

Zacarías 1:13

Jinapi Tata Dios sonqocharqa, pichus noqawan parlasharqa, chay angelta.

Zacarías 1:17

Chantá Tata Diospa angelnin niwarqa: Kaytawan niy: Tukuy Atiyniyoj Tata Dios nin: Watej llajtaykunata qhapajyachisaj, Siontataj sonqochasaj. Jinamanta tukuyman willarasaj Jerusalén ujtawan ajllasqa llajtay kasqanta, nispa.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

2 Corintios 1:4

Payqa tukuy llakiyninchejpi sonqochawanchej, noqanchejpis llakiypi, ñak'ariypi kajkunata sonqochananchejpaj, imaynatachus noqanchejpis Diosnejta sonqochasqa kanchej, ajinata.

1 Tesalonicenses 4:18

Chayrayku, ajinata yachachisqaywan purajmanta sonqochanakuychej.