Isaías 4:3 - DIOSPA QHELQACHISQ

³ Pikunachus Sionpi qhepakojkuna, chantá Jerusalén llajtapi tiyakushankuraj chaykuna “Diospaj t'aqasqa”, nispa sutichasqa kanqanku.

Qheshwa Biblia DC

³ Pikunachus Siompi qhepakojkuna, chantá Jerusalempi saqesqas kajkunapis, Diospa ajllasqas sutichasqas kanqanku, imaraykuchus Señormin Jerusalempi kausanankupaj sutisninkuta qelqarqa.

DIOSPA QHELQACHISQAN DEUTEROCANONICAL

³ Pikunachus Sionpi qhepakojkuna, chantá Jerusalén llajtapi tiyakushankuraj chaykuna “Diospaj t'aqasqa”, nispa sutichasqa kanqanku.

Isaías 4:3 ပူးပေါင်းရင်းမြစ်များ

Salmos 69:28

28 (29) Kawsay p'anqaykimanta sutinkuta orqhopuy, cheqan runakunaj sutinkutawan khuskata ama sutinkuta qhelqaykuychu.

Salmos 87:6

Tata Dios paykunata listaspa, sutinkuta uj p'anqapi qhelqanqa: Kayqa Sionpi rikhurerqa, nispa.

Isaías 1:27

Cheqan ruway justiciawan Sión llajtata kacharichisaj, jinallataj Jerusalenpi tiyakojkunamanta pikunachus noqaman kutirikamojkunatapis qhespichisaj.

Isaías 28:5

Chaypacha Tukuy Atiyniyoj Tata Dios israelitakunamanta puchojkunapaj may sumaj lliphipishaj k'achanchasqa pillu jina kanqa.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Isaías 46:3

Uyariwaychej, Jacobpa miraynin, israelitakunamanta tukuy puchojkuna: Paqarisqaykichejmantapacha noqa qankunata q'epiykacharqaykichej. Mamaykichejpa wijsanmantapacha sumaj ichuykachasqa karqankichej.

Isaías 52:1

Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Isaías 6:13

Sichus chunkamanta ujllapis kay suyupi qhepakunman chayqa, chaypis chinkachisqallataj kanqa. Chaywanpis imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa ajllakusqay Israel aylloqa, nispa.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 62:12

Chaypacha israelitakunata sutichanqanku: “Tata Diospaj T'aqasqa Ayllu”, “Tata Dios Pagaspa Kacharichisqan Kajkuna”, nispa. Jerusalentataj sutichanqanku: “May Munasqa Llajta”, “Mana Saqerpayasqa Llajta”, nispa.

Ezequiel 13:9

Noqaqa mosqoypi jina manakaj imakunata rikojkunata, chantá llullata sut'inchajkunata jasut'isaj. Paykuna Israel aylluypa tantakuyninman mana yaykuyta atenqankuchu, sutinkutaj Israel aylloj p'anqanpi mana qhelqasqachu kanqa. Manallataj Israel suyuman kutimponqankuchu. Chaypachataj qankunapis noqa Tukuyta Kamachej Tata Dios kasqayta yachankichej, nispa.

Ezequiel 43:12

Templomanta kamachisqaqa kay jinamin: Temploj muyuyninpi orqo patapi tukuy jallp'a noqapaj t'aqasqa kanqa, nispa.

Joel 3:17

17 (4.17) Chaypacha qankuna yachankichej, noqa Tata Diosniykichej t'aqakusqay Sión orqopi tiyakusqayta. Jerusalenqa noqapaj t'aqakusqay llajta kanqa, manañataj jayk'ajpis waj llajtayojkuna jap'enqankuchu.

Abdías 1:17

Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

Zacarías 14:2

Chay p'unchaypi Tata Diosqa tukuy suyukunata tantanqa Jerusalenpa contranta maqanakunankupaj. Chaypacha paykuna Jerusalén llajtata jap'enqanku, chaypi tiyakojkunaj wasinkukunatapis ch'inyachenqanku. Chay runakunaj warminkutapis alqochanqanku, chaypi tiyakojkunamantataj khuskannin waj suyukunaman apasqa kanqanku. Chaykunamanta puchojkunalla llajtapi qhepakonqanku.

Malaquías 3:16

Chaypacha Tata Diosta may jatun respetowan qhawajkuna parlanakorqanku, Tata Diostaj imatachus nisqankuta sumajta uyarerqa. Chantá paykuna Tata Diospa ñawpaqenpi qhelqarqanku, pikunachus Diosta may jatun respetowan qhawarqanku, paymantataj yuyarikorqanku, chaykunaj sutinkunata ama qonqasqa kanankupaj.

San Lucas 10:20

Chaywanpis, ama supaykuna kasususqaykichejllamantachu kusikuychej. Astawanpis sutiykichej janaj pachapi qhelqasqa kasqanmantamin kusikuychej.

Hechos 13:48

Chayta uyarispa, mana judío kajkuna mayta kusikorqanku, jinataj nerqanku Diospa simi nisqan may sumaj kasqanta. Chantá pikunachus wiñay kawsaypaj ajllasqa kajkunaqa Tukuyta Kamachej Jesuspi atinikorqanku.

Romanos 11:4

Chantá, Dios ima nispataj kutichisqari? Qanchis waranqa runakunata noqapaj t'aqakuni, pikunachus Baal lantiman mana qonqorikorqankuchu, chaykunata, nispa.

Romanos 11:5

Ajinallataj kunanpis israelitakunamanta pisilla Diospi atinikuspa kanku. Diosrí paykunata qhasilla k'acha yanapayninman jina ajllakorqa.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Filipenses 4:3

Jinallataj, munasqa kawsaqéy, tukuy sonqo mañakuyki chay iskay warmikunata yanaparinaykita, imaraykuchus paykuna noqawan khuska wajkunaman Jesusmanta sumaj willayta willanapi sinch'ita llank'arqanku. Paykuna Clementewan, chantá wajkunawan ima yanapawarqanku. Jinataj paykunaj sutinku churasqa kashan, ima p'anqapichus wiñay kawsayniyojkunaj sutinku qhelqasqa kashan, chaypi.

Colosenses 3:12

Qankunaqa Diospa ajllakusqan kankichej, paypaj t'aqasqa, may munasqataj. Chayrayku qankuna khuyakuywan, k'acha kaywan, llamp'u sonqo kaywan, mana phiñakoj kaywan, pacienciawan ima p'achawan jina p'achallikuychej.

Hebreos 12:14

Qankuna atisqaykichejta ruwaychej tukuywan allinta kawsakunaykichejpaj, jinallataj Diospaj t'aqasqa jina llimphu kawsayniyoj kanaykichejpaj. Pichus mana llimphu kawsayniyoj kajqa Tukuyta Kamachej Diospa uyanta mana rikonqachu.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

Apocalipsis 20:15

Jinallataj pejpa sutinchus Kawsay P'anqapi mana listasqachu karqa chayqa, chay runa nina qochaman wijch'uykusqa karqa.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.

Apocalipsis 3:5

Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.