Isaías 4:2 - DIOSPA QHELQACHISQ

² Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Qheshwa Biblia DC

² Chaypacha, Señorpa sach'an ch'illchin kanqa may sumaj, k'achataj salvakoj israelitaspaj, jallp'aj poqoyninmantataj mayta kusikonqanku, jatunchakonqankutaj.

DIOSPA QHELQACHISQAN DEUTEROCANONICAL

² Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 4:2 ပူးပေါင်းရင်းမြစ်များ

Salmos 67:6

6 (7) Chajraqa sumajta poqon, Diosninchejtaj saminchawanchej.

Salmos 72:16

Llajtanpeqa ashkha trigo kachun, orqopipis trigo chajraqa wayrawan pujllachun. Líbano orqopi jina trigo manchay ashkha kachun, llajtapipis runaqa campopi qhora jina kachun.

Éxodo 28:2

Wawqeyki Aaronpajqa Diospaj t'aqasqa sacerdotepaj jina, sumaj p'achata ruwapunki, ima munay, manchay k'achitu rikukunanpaj.

Isaías 11:4

Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Isaías 26:1

Chay p'unchaypi kay takiyta Judá suyupi takenqanku: Kunanqa perqawan sumaj jark'achasqa llajta tiyapuwanchej. Tata Dios qhespichinawanchejpaj jatuchaj perqakunata sayarichipuwarqanchej.

Isaías 27:6

Qhepa p'unchaykunaman Jacobqa sumajta saphinchakonqa. Ajinamanta Israelqa ijispa t'ikanqa, poqoynintaj tukuy kay pachaman junt'aykonqa.

Isaías 30:23

Chaypacha Tata Dios parachimonqa tarpuna tiempopi, chay tarpusqaykichejtaj sumajta poqonqa. Uywaykichejpis sumaj q'omer pampakunapi michisqa kanqanku.

Isaías 45:8

Noqaqa janaj pachamanta justiciata parachimusaj. Phuyukuna, qankunapis cheqan kayta paramuychej. Jallp'apis kicharikuchun, chantá qhespichisqa kay p'utumuchun, justiciataj wiñachun. Noqa Tata Diosmin chaykunata ruwarqani.

Isaías 53:2

Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

Isaías 60:15

Qan ñawpajta saqerpayasqa, chejnisqataj karqanki, jinataj qan chaynejta mana pipis pasayllatapis munajchu. Kunanrí noqaqa wiñaypaj chhika pataman oqharisqayki, qanpitaj tukuy mita runakuna kusikonqanku.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 61:11

Imaynatachus sach'apis jallp'api wiñan, jinallataj huertapi imapis p'utumun, ajinallatataj Tukuyta Kamachej Tata Diosqa cheqan kawsayta, chantá payta jatunchayta ima p'utuchimonqa tukuy suyukunaj ñawpaqenkupi.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Jeremías 44:14

Judiokunamanta Egiptoman tiyakapoj ripojkunamanta mana ujllapis wañunamanta llusp'enqachu. Judá suyuman kutipuyta munashaspapis, manapuni kutiponqankuchu, manachayqa ripojkunamanta uj mashkhalla kutenqanku, nispa.

Jeremías 44:28

Pisi runakunalla wañunamanta llusp'enqanku, chay puchojkunallataj Egiptomanta Judá suyuman kutiponqanku. Ajinamanta Judamanta tiyakoj ripojkunaqa yachanqanku pejpa nisqanchus junt'akunanta, noqajtachus, chayrí paykunajtachus.

Ezequiel 34:29

Jinallataj paykunaman sumajta poqoj jallp'ata qosaj, manataj ujtawan yarqhaywan llajtankupi ñak'arenqankuchu, nitaj waj llajtayojkunapis paykunata asipayanqankuchu.

Ezequiel 36:8

Qankuna, Israelpa orqonkunarí, sumaj sach'akunata wiñarichinkichej, Israel aylluypajtaj tukuy imata sumajta poqochipunkichej, imaraykuchus aylluypa kutimpunan p'unchay qayllamushanña.

Ezequiel 7:16

Tukuyninku mancharisqa urpi jina orqoman ayqenqanku chaypis, juchankurayku tukuy wañonqanku.

Joel 2:32

32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Joel 3:18

18 (4.18) Chay p'unchayqa orqokunapi, lomakunapi ima vinowan, lechewan yaku jina purenqanku. Judá suyupitaj juch'uy mayukunapis ashkha yakuyoj kanqanku. Noqaj Temploypi yaku juturi rikhurenqa, chaytaj Sitín valleta qarpanqa.

Abdías 1:17

Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

Zacarías 3:8

Allinta uyariway, kuraj kaj sacerdote Josué, jinallataj qanwan kashaj, chay sacerdotekunapis uyarillachunkutaj. Qankuna señal jina churasqa kankichej imachus aswan qhepaman kananmanta. Noqa kamachiyta kachasaj, Ijimuy Kaj nisqata.

Zacarías 6:12

Chantá payta ninki: Tukuy Atiyniyoj Tata Dios nin Ijimuy Kaj nisqa qhari kikin saphinmanta wiñamunanta, chantataj Tata Diospa Templonta jatarichinanta.

Zacarías 9:17

Suyunkoqa may sumaj, may munaymin kanqa. May chhika trigowan, vinowan kasqanrayku, waynakuna, sipaskuna ima kallpasapa wiñanqanku.

Malaquías 3:17

Tukuy Atiyniyoj Tata Dios nin: Noqaj wakichisqay p'unchaypi paykunaqa watej aylluy kanqanku. Imaynatachus uj tata nisqanta kasukoj wawanta khuyan, ajinallatataj noqapis paykunamanta khuyakusaj.

San Mateo 24:22

Manachus Dios chay p'unchaykunata pisiyachinman chayqa, mana pipis qhespichisqachu kanman. Aswanpis payqa ajllakusqankunata munakusqanrayku chay p'unchaykunata pisiyachenqa.

San Lucas 21:36

Qankunarí wakichisqapuni kaychej ari, tukuy tiempo Diosmanta mañarikuspa chay tukuy ima jamoj llakiymanta llusp'inaykichejpaj, ajinamanta Runaj Churinpa ñawpaqenpi mana manchachikuspa rikhuriyta atinaykichejpaj, nispa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

2 Pedro 1:16

Tukuyta Kamachej Jesucristoj atiyninmanta, chantá kutimunanmanta ima qankunaman willasqaykoqa mana runaj sumaj wakichisqan cuentoman jinallachu karqa. Manachayqa paypa jatun kayninpa lliphipiyninta noqayku kikin ñawiykuwan rikorqayku.