Isaías 39:3 - DIOSPA QHELQACHISQ

³ Chay qhepata Isaiasqa kuraj kamachej Ezequiasman rispa, taporqa: Maymantataj chay runakuna jamusqankuri? Ima nisunkutajri? nispa. Ezequiastaj nerqa: Karu suyu Babiloniamanta watukuwaj jamusqanku, nispa.

Qheshwa Biblia DC

³ Chay qhepatataj Isaiasqa rey Ezequiasta watukoj rispa taporqa: Maymantataj chay runas jamusqankuri? Ima nisunkutajri? Ezequiastaj nerqa: Karumanta, Babiloniamantapacha watukuwaj jamusqanku, nispa.

DIOSPA QHELQACHISQAN DEUTEROCANONICAL

³ Chay qhepata Isaiasqa kuraj kamachej Ezequiasman rispa, taporqa: Maymantataj chay runakuna jamusqankuri? Ima nisunkutajri? nispa. Ezequiastaj nerqa: Karu suyu Babiloniamanta watukuwaj jamusqanku, nispa.

Isaías 39:3 ပူးပေါင်းရင်းမြစ်များ

2 Samuel 12:1

Tata Diosqa sut'inchajnin Natanta Davidman kacharqa. Wasinman yaykuspataj, Natanqa Davidta nerqa: Uj llajtapi iskay runakuna tiyakusqanku. Ujnenqa qhapaj kasqa, ujnintaj wajcha.

2 Crónicas 16:7

Chay tiempopi Diosmanta sut'inchaj Jananiqa Judáj kuraj kamachejnin Asaman rispa, nerqa: Tata Diospi atinikunaykitaqa, qanqa Siriaj kuraj kamachejninpi atinikorqanki. Chayrayku Siriaj soldadonkunata jap'inaykipaj kashajtin, llusp'inku.

2 Crónicas 19:2

Chantá Diosmanta sut'inchaj Jehú, pichus Jananíj churin karqa, chay runaqa Josafatta taripaj llojsispa, nerqa: Imaraykutaj chay millay runata yanapankiri, Tata Diosta chejnikojkunawantaj kawsakunkiri? Chayrayku kunanqa Tata Dios qanpaj phiñakun.

2 Crónicas 25:15

Tata Diostaj Amasiaspa contranpi sinch'ita phiñakuspa, kacharqa uj sut'inchajta Amasiasta nimunanpaj: Imaraykutaj waj suyoj diosninkunamanta yanapata mañakunki, paykuna llajtankutapis makiykimanta mana jark'ayta atishajtinkupis? nispa.

Isaías 38:1

Chaypacha Ezequías onqoykuspa, wañuy patapi kasharqa. Jina kashajtintaj, Amozpa churin sut'inchaj Isaías watukoj rispa, nerqa: Tata Dios kayta nisunki: Aylluykiman allinta encargakuy, imaraykuchus onqoyniykimanta mana qhaliyankichu, wañupunkipuni, nispa.

Isaías 38:5

Rispa, Ezequiasman nimuy: Ñawpa tatayki Davidpa Tata Diosnin kay jinata nisunki: Mañakusqaykita, waqasqaykitapis uyarini. Chayrayku noqa niyki chunka phishqayoj watatawanraj kawsanaykita.

Isaías 39:4

Chantá Isaías tapullarqataj: Imatataj wasiykipi rikorqankuri? nispa. Ezequiastaj kuticherqa: Paykunaman rikucherqani imakunachá wasiypi kaj chhikata. Wasiypi kajmantaqa mana imatapis paykunamanta pakarqanichu, nispa.

Jeremías 4:16

Suyukunaman, chantá Jerusalenmanpis willaychej karu llajtamanta awqankuna kachaykakamusqankuta. Tukuy Judá suyupi llajtakunaj contranta maqanakunapaj qhaparishanku.

Jeremías 5:15

Chantá Tata Dios nillarqataj: Israel, contraykipi karumantapacha waj llajtayojkunata kachamusaj. Chay llajtayojkunaqa manchay sinch'i runakuna kanku, may unayniyojtaj. Qanqa rimayninkuta mana parlankichu, nitaj parlasqankuta entiendenkichu.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Deuteronomio 28:49

Qanpa contraykita Tata Diosqa karumanta, kay pachaj k'uchunmantapacha waj llajtayojkunata kachaykamusonqa. Chay karu llajtayojkunaj parlasqankuta mana entiendeyta atinkichu. Paykuna anka jina usqhayllata phawamuspa, chayamusonqanku.

Josué 9:6

Chantá Gilgalpi jaraman chayaspa, Josueta, israelitakunata ima nerqanku: Allin karumanta jamushayku, qankunawantaj uj tratota ruwayta munayku, nispa.

Josué 9:9

Paykunataj kuticherqanku: Noqaykoqa manchay karumanta jamuyku, imajtinchus Tata Diosniykichej manchay uyarisqa kasqanta uyariyku, yachaykutaj Egiptopi imatachus ruwasqanta.