Isaías 38:3 - DIOSPA QHELQACHISQ

³ Tata Dios, noqamanta yuyarikuy imaynatachus ñawpaqeykipi purisqayta, tukuy sonqo cheqan kajta ruwaspa, nispa. Chantá Ezequías sonqo nanayta waqarqa.

DIOSPA QHELQACHISQAN DEUTEROCANONICAL

³ Tata Dios, noqamanta yuyarikuy imaynatachus ñawpaqeykipi purisqayta, tukuy sonqo cheqan kajta ruwaspa, nispa. Chantá Ezequías sonqo nanayta waqarqa.

Isaías 38:3 ပူးပေါင်းရင်းမြစ်များ

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 6:9

Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

1 Reyes 15:14

Loma patapi altarkunataqa mana phirerqachu. Chaywanpis Asaqa wañupunankama Tata Diosta mana wasancharqachu.

1 Reyes 2:4

Ajinamanta Tata Diosqa tukuy ima niwasqanta junt'anqa. Pay niwarqa: Sichus churiykikuna allinta ruwaspa purenqanku, ñawpaqeypi cheqan kajta ruwaspa tukuy sonqonkuwan, tukuy yuyayninkuwantaj chayqa, mirayniykimanta kajqa kallanqapuni Israelpa kamachinan tiyanapi tiyakuspa, Israelta kamachinanpaj, nispa.

2 Reyes 18:3

Ezequiasqa ñawpa tatan David jinallataj, Tata Diospa munasqanman jina cheqanta ruwarqa.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

1 Crónicas 29:19

Churiy Salomonmanpis qollaytaj, tukuy sonqomanta kasukuyta munananpaj, kamachisqaykita, nisqaykita, yuyaychasqaykita junt'ayta atinanpaj. Jinallataj mañakuyki, tukuy imata tantasqaywan qanpaj Templota ruwachinanta, imaraykuchus chaypajqa tukuy imata wakichiniña, nispa.

1 Crónicas 29:9

Tukuy israelitakuna Tata Diosman sonqonkumanta munaspa qosqankumanta anchatataj kusikorqanku. Kuraj kamachej Davidpis maytapuni kusikullarqataj.

2 Crónicas 16:9

Tata Diosqa tukuy kay pachata qhawamushan, tukuy sonqo payllapi atinikunku, chaykunata kallpachananpaj. Ben Adadwan trato ruwaspa wampu runa jina ruwanki. Chayrayku kunanmanta ñawpajmanqa maqanaku kallanqapuni, nispa.

2 Crónicas 25:2

Amasiasqa Tata Diospaj munayninman jina cheqanta ruwarqa chaypis, mana tukuy sonqowanchu.

Esdras 10:1

Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

Nehemías 1:4

Chayta willawajtinkukama, noqa tiyaykukuspa, mayta waqarikorqani. Uj mashkha p'unchayta ajina sinch'i llakisqa karqani, ayunaspataj, janaj pachapi kaj Diosmanta mañakorqani.

Nehemías 13:14

Chantá Diosman parlaspa nerqani: Diosníy, yuyarikuway ari kayta ruwasqaymanta, amataj qonqapuychu Temploykipaj jinataj yupaychanapajpis imatachus ruwasqaymanta.

Nehemías 13:22

Chaymantataj levitakunata kamacherqani Diospa ñawpaqenpi llimphuchakuspa punkukunata qhawaj rinankuta, jinamanta samarina p'unchayta ama manakajman tukuchinankupaj. Chantá Diosman parlaspa, nerqani: Diosníy, kay tukuy ima ruwasqaymanta yuyarikuway, khuyarikuwaytaj k'acha munakuyniykiman jina, nispa.

Nehemías 13:31

Kamachillarqanitaj ima p'unchaykunapichus ruwanankupaj churasqa karqa, chay p'unchaypi llant'ata churanankuta, jinataj chay ñawpaj kaj poqoykunatapis jaywanankuta. Chantá Diosman parlaspa nerqani: Diosníy, ama qonqapuwaspa allinniypaj yanapariway ari.

Nehemías 5:19

Chayrayku kunan nini: Yuyarikuy noqamanta, Diosníy, allin rinawanpaj, chay tukuy imata judío masiykunarayku ruwasqaymanta, nispa.

Salmos 101:2

Jinallataj cheqanta ruwaspa kawsayta munani. Mayk'ajtaj noqata yanapawaj jamunkiri? Wasiypipis mana k'aminapaj jina purillasajtaj.

Salmos 102:9

9 (10) T'antata mikhunaytaqa ushphallata mikhuni. Ujyanaypis waqayniywan chajrukun.

Salmos 119:80

Kamachisqaykita mana pantarispa junt'anaypaj sonqoy kachun, ama imamantapis p'enqachisqa kanaypaj.

Salmos 16:8

Noqaqa Tata Diospipuni yuyani, pay noqawan kajtintaj, mana imapis urmachiwanqachu.

Salmos 26:3

Noqaqa munakuyniykipi yuyallanipuni, cheqan kayniykiman jinataj kawsani.

Salmos 32:2

Kusikuyniyojmin, Tata Diospa mana juchachasqan runaqa, pejpa sonqonpichus q'otiyayta yuyana mana kanchu, chay runa.

Salmos 6:6

6 (7) Chay jinatapuni waqasqaypi sayk'uniña. Tukuy tuta sonqo nanayta waqani, sawnaytapis ch'aranchani.

Salmos 6:8

8 (9) Noqamanta karunchakuychej, millayta ruwaspa purejkuna, imaraykuchus Tata Dios waqasqaytaqa uyarinña.

Isaías 38:2

Ezequiastajrí perqa ladoman kutirikuspa, Tata Diosmanta kay jinata mañakorqa:

Isaías 38:4

Jinapi Tata Dios ujtawan Isaiasta nerqa:

Oseas 12:4

4 (5) Arí, angelwan maqanakorqa, atiparqataj. Waqaspataj, angelmanta saminchananta mañakorqa. Diosqa Betelpi tariparqa, chayllapitaj Jacobwan parlarqa.

San Juan 1:47

Chantá Jesús Natanaelta payman qayllaykushajta rikuspa, nerqa: Kay runaqa israelitapuni, imaraykuchus payqa mana pitapis q'otiyanchu, nispa.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

Deuteronomio 6:18

Sichus allin kajta, chantá cheqan kajta ruwankichej chayqa, Tata Diospa sonqonta kusichinkichej. Ajinaqa Tata Dios ñawpa tataykichejman tiluspa qonanta nerqa, chay sumaj jallp'api allin risonqachej.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.