Isaías 38:12 - DIOSPA QHELQACHISQ

¹² Tata Dios kawsayniyta oqharikapun uj michejpa toldonta jina. Awaj runa imaynatachus awasqanta k'utuspa mayt'ukapun, ajinata kay onqoywan kawsayniyta k'uturparin. Uj p'unchayllapi kawsayneyqa tukukapun.

Qheshwa Biblia DC

¹² Kunanqa kausayniyta qhechukapuwan, uj michejpa toldonta jina. Bayetata awaj runa jina kausayniyta k'uturparin kay onqoywan; uj tutallapi chinkachiwanki.

DIOSPA QHELQACHISQAN DEUTEROCANONICAL

¹² Tata Dios kawsayniyta oqharikapun uj michejpa toldonta jina. Awaj runa imaynatachus awasqanta k'utuspa mayt'ukapun, ajinata kay onqoywan kawsayniyta k'uturparin. Uj p'unchayllapi kawsayneyqa tukukapun.

Isaías 38:12 ပူးပေါင်းရင်းမြစ်များ

Job 14:2

Noqanchejqa t'ika jina phancharinchej, chantá usqhayllata qawipunchej, llanthu jinataj manaraj imapi chinkaripunchej.

Job 17:1

Chantá Job nillarqapuni: Mana kallpayojman tukushani. Kawsayneyqa tukukapushanña, jallp'aj sonqontaj suyashawanña.

Job 4:20

Runaqa tutamanta ch'isiyaykamalla chinkachisqa rikhurin. Wañojtenqa, mana pipis paymanta yuyarikunñachu.

Job 6:9

Allin kanman Dios ujkama ñat'urparinawan. Ima sumajchus kanman Dios wañuchiwanman chayqa.

Salmos 102:11

11 (12) Kawsayneyqa chinkapoj llanthu jinalla ripun, qhora jinataj ch'akipushani.

Salmos 119:23

Atiyniyoj runakuna mana allinta ruwawayta munaspa, wakichikunku. Chaywanpis noqaqa kamachisqayki ima niytachus munasqanpi unanchallasajpuni.

Salmos 31:22

22 (23) Mana imanakuyta atispa, yuyarqani ñawpaqeykimanta wijch'uwasqaykita. Chaywanpis qanqa mañakususqayta, qhaparikusqayta ima uyariwarqanki.

Salmos 73:14

Chayta ruwaspapis, noqaqa sapa p'unchay seq'osqa kani, sapa paqarintaj jasut'iwanku.

Salmos 90:5

Qanqa sinch'i mayu yaku jina runakunata apakapunki, runaj kawsaynintaj uj puñuy jinalla. Paykuna tutamanta wiñaj qhora jinalla kanku.

Isaías 1:8

K'achita Jerusalén sapan qhepakun, uva huertata qhawana ch'ujlla jina, pepino chajra chawpipi ch'ujlla jina, awqakunawan muyuykusqa llajta jina.

Isaías 13:20

Chaymanta qhepaman Babiloniapi manaña runakuna tiyakonqankuchu, nitaj llajtachakonqankuchu. Arabekunapis manañapuni chaypi jarakonqankuchu, nitaj michejkunapis chaypi uywankuta michenqankuchu.

2 Corintios 5:1

Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

2 Corintios 5:4

Kay pachapi toldopi jina kawsashaspaqa, llakikuspa mayta ayqonchej. Chaywanpis mana wañuyta munanchejchu ajinamanta almalla kananchejpaj. Manachayqa mosoj ukhuyoj kayta munanchej, ajinamanta kay wañoj ukhunchejqa wiñay kawsayman yaykunanpaj jina tukuchisqa kananpaj.

Hebreos 1:12

Qantaj chaykunata p'achata jina suk'anki. Jinaspataj, wajta churanki. Chaywanpis qanqa kikillanpuni kanki, wiñay wiñaynintinpajtaj kawsanki, nispa.

Santiago 4:14

Jinapis qankuna q'aya imachus kananta mana yachankichejchu. Imataj kawsayniykichejri? Kawsayniykichejqa phuyu jinalla. Phuyoqa askamalla rikhurin, chantá chinkapunpacha.