Isaías 32:6 - DIOSPA QHELQACHISQ

⁶ Wampu runaqa manakaj imata thawtin, yuyayninpitaj millay imakunata wakichin. Mana allin kajta ruwayllata mask'an, Tata Diospa contrantataj mana allinkunallata parlan. Yarqhasqa kajta mana imayojta, ch'usajllata kacharpayan, yakumanta ch'akichikojmanpis manallataj yakuta jaywarinchu.

Qheshwa Biblia DC

⁶ Wampu runaqa sonserasllata parlan, yuyaynimpi sajra imasta wakichin; mana allinta ruwayllata mask'an. Señorpa contranta llullasllata parlan; yarqhasqa kajtaqa mana imayojta ch'usajllata kacharpayan, ch'akichikojmampis mana yakuta jaywarinchu.

DIOSPA QHELQACHISQAN DEUTEROCANONICAL

⁶ Wampu runaqa manakaj imata thawtin, yuyayninpitaj millay imakunata wakichin. Mana allin kajta ruwayllata mask'an, Tata Diospa contrantataj mana allinkunallata parlan. Yarqhasqa kajta mana imayojta, ch'usajllata kacharpayan, yakumanta ch'akichikojmanpis manallataj yakuta jaywarinchu.

Isaías 32:6 ပူးပေါင်းရင်းမြစ်များ

Salmos 141:4

Ama munaychu ari sonqoy millay ruwanaman aysachikunanta. Amallataj munaychu mana allin kajta ruwaysikunayta, nillataj munaychu millayta ruwajkunaj jatun mikhuyninkupi mikhuysikunayta.

Proverbios 19:3

Runaj wampu kaynenqa pay kikinta cheqan ñanmanta pantachin. Chaywanpis Tata Diosta juchachaspa sonqonpi paypaj phiñakun.

Proverbios 24:7

Wampoqa kurajkunaj ñawpaqenkupi mana imatapis niyta atinchu, imaraykuchus pay yachayniyoj kayta mana taripanchu.

Isaías 10:2

Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

Isaías 10:6

Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

Isaías 26:10

Chaywanpis sichus millayta ruwajkunata khuyanki chayqa, paykuna mana yachaqakunkuchu imachus cheqan kajta. Allinta ruwaj runakunaj suyunpi kashaspapis, paykunaqa millayllatapuni ruwanku, Tata Diospa jatun kaynintataj mana cuentaman churankuchu.

Isaías 3:15

Ima nispataj qankuna aylluyta munasqaykichejta ruwankichejri? Imaraykutaj qankuna wajchakunata sonqo nanayta k'umuykachachinkichejri? nispa. Ajinata Tukuy Atiyniyoj Tata Dios nin.

Isaías 31:2

Tata Diosrí yuyayniyoj kasqanman jina ashkha llakiykunata chayachimonqa, imatachus nisqantataj junt'anqapuni. Payqa millayta ruwajkunaj contrankuta oqharikonqa, jinallataj millayta ruwajkunata yanapajkunaj contrankutapis.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Isaías 9:17

17 (16) Chayrayku Tata Dios waynakunamanta mana kusikunchu, manataj khuyanchu wajcha wawakunamanta, nitaj warmisapakunamantapis. Tukuyninku millayta ruwajkuna, juchasapataj kanku, jinallataj tukuyninku millay imakunallata parlanku. Chay tukuywanpis, Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Jeremías 13:23

Yana runaqa yurajman tukuyta atinmanchu? Atillanmantajchu onzaqa ch'ejchinta chinkachiyta? Ajinallatataj qankunapis millayta ruwanaman yachasqa kashaspa, manapuni allin kajta ruwayta atiwajchejchu.

Ezequiel 34:18

Allintachu ruwankichej sumaj pastota mikhuytawan, puchojta saruraspari? Allillantajchu ch'uwa yakuta ujyaytawan, puchojtataj chakiykichejwan qonchuyachisqaykichejqa?

Daniel (hebreo) 12:10

Willasqayman jina ashkha ñak'arenqanku, chaymantataj llojsenqanku allinchasqa, llimphuchasqataj. Millayta ruwaj runakunarí millayta ruwaspa purillanqankupuni, manataj imatapis entiendenqankuchu. Yachayniyoj runakunarí tukuy imata reparanqanku.

Amós 8:6

Chantá wajchakunata rantikusunchej, pisichikojkunatataj iskay juk'utawan chhalarparisunchej. Jinallataj ch'usu trigotapis ranqheyasunchej, nispa.

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.

1 Samuel 24:13

13 (14) Ñawpa runakuna niyta yachanku: Sajra kajta ruwanaqa sajra runakunamanta jamun, nispa. Chayrayku noqaqa qanpa contraykipi ni jayk'aj oqharikusajchu.